MARK 10:24 - SHEEYU BAIBEL (BSI)

²⁴ Puh chipao hinou rozümai taosü khupa loure. Ana Jisu nou puletao hi paopue, “Anahkhemai, Ramai Vedeihi velouyu hai daizhozhou tateisa!

MARK 10:24 Iomraidhean Croise

LOUTAO 17:14

Deiphao hai hinou jüpa ngaochekho-a buyu maitao hinou Eye khailupa peio. Nenou puletaoye souveare donou khaida khaitouyu nanou poa puletaoye tudee peio; puletao vei nahmaitao hi khayu jünou la-a nou souveapu peio, ae puletao vei nahmai tyaomaitaoye donoua khaida peio!

LOUTAO 52:7

“Zhukhaio, Ramai ye louche moa lah puhvei kinangi taoye loucheyu ae vah ashi souyu hinou baibu soua buyu mai nasü hainare.”

LOUTAO 62:10

Züvei-a vah ashi souyu donou veiloulai touyu nasü loucheso, maivei shaotou shaosoyu vanou vasayu sü ngaolou süe tea areih buso. Nenou hangi pare touyuma nevei kini hisü nevei tsüle khaiso.

TSÜCHITAO 11:28

Lahvei nangiye louche-a buyu maisü kaki süünghou raitayu büa raita-a bailai, ana acheche mainawo louzü houki süünghou lapayu büa veishoa bulai.

TSÜCHITAO 18:11

Toungi mai chingi sü puhvei khouyu nuhdue, ae kuyu kivo ali büa puhye vupeiwe.

TSÜCHITAO 23:5

Nevei nangi khesü mei keipha touyu ali hinou hatalou veie, süna hai sükhaimoa shouh pfülou-a lüche büa tei hi zhaokhe ta-a bailai.

JEREMIAH 9:23

Mapao nou haibüa paoe, “Tsüveiyu maitao panou puletao vei tsüsü vanou khaophu souso, moyuma khouko buyu maiye panou puletao vei khouchi vanou khaophu souso, moa toungiyu mai panou puletao vei kini vanou khaophu souso.

HABAKKUK 2:9

Hashi hinou ngaoloua soushi louhore teanou deitaoh hinou pa phe soukhai tiyu mai hai daizhou vealaisa!

ZEPHANIAH 1:18

Mapao nou lekha payu teithe sü puletao vei sana raka nou puletaoye khailu peilou laimoe. Puh vei rarou-lekha mei sünou deiphao teitei dei hawulai, deiphao hi hrüa buyu mai hrülaiye sü thasho-a nou puh nou souha khailai.

MATHIU 19:25

Rozümai taonou chi haisü choulouyu kisü puletao sü khupa shouloua noue, “Sükuyu thaisü thaohmainou khailulou sülai?”

MARK 1:27

Mai hrülainou khupa sholoua alinou lihi haibüa noua paoe, “Haihai daie? Haihai süthoa doupeiyu tyaliwu? Daiolouzü puhnou soulousü zünou pu koa sheemoyu rakotaohi koutea kharochi peiwe, alia puletao nou puh chi züwe!”

MARK 10:23

Jisu nou puh rozümaitaoye zhusühaoloua puletao hi paoe, “Hanimai donou Ramai vedeihi velouyuhai daizhozhou tateilaisa!”

LUK NOU RÜYU KO AVEIBVÜ 16:14

Phariseemai taonou chi sütao teitei choulouyu kisü puletao nou Jisu ye konü loure, daiolouzü puletaosü pousha züpae.

JOHAN 13:33

Anahkhemai, phajü donou Enou neletaoye koa bubailaire. Neletao nou Eye phoulai; ana Enou Jihudimai taohi paoyu kua chuo Enou neletao hi paowe, ‘Enou tayu buh hisü neletao nou velouhoe.’

JOHAN 21:5

Jisu nou puletao hi noue, “Khemaina taore, neletao khah lia phoulou mowu?” Puletao nou puh hi chila peie, “Halia phoulou moe.”

JOHAN 6:60

Südonou puh thaifümai taolinou süsü choulouyu kisü haibüa paoe, “Haisü tatei shoyu chipaoe; thaohnou haisü keilai?”

GALATIAMAI 4:19

Enou leshiyu Anahkhemai, Khrista vei zhaidou nasü neletao lekhe hinou buloumo koutesü Enou neletaoye donou pfümai alinou nah nareki veashoyu kua veawe.

1 TIMOTHI 6:17

Deiphao hrü haina hinou hania buyu maitaohi khaophu souwuso tea chikha peikhaio, ana puletao vei areih nahai vuh sümoyu deiphao kini nahi panou khaimoa Eletao valoure donou Eletao hi hatali sasa-a pei-a buyu Ramai hi panou khailoukhaio.

1 JOHAN 2:1

Anah khe maitao, neletao nou mah soulou more donou Enou haisü neletao hi rüwe; ana maitalinou mah souwu louzü, Eletao sühsoua Puo nghojü hinou chi veikhayu maili bue—puhsü Jisu Khrista Achecheo nasüe.

1 JOHAN 4:4

Ana Anah khe maitao, neletaowo Ramai hinou ve-e, alia puletaoye koloure, daiolouzü neletao lekhehi buyu Rako sünanou deiphao hi buyu rako süna jünou dukouhie.

1 JOHAN 5:21

Leshiyu Anah khe maitao, neletao lahnou bashara hinou tarei talo!

PONGAOPEIYU 3:17

Daiolouzü nenou, “Ewo haniwe ea kini alaosou ngaoloue, alia chemoyu hae,” tea paowe. Ana ne sü veahoyu, lelouhoyu, toure hayu, nghichayu ea baitoua laiyu maibaie touyu sü nelahnou sülou mohie.