MARK 10:22 - SHEEYU BAIBEL (BSI)

²² Mai sünanou chi haisü chouloukhaie puh zhusü hazhei tare, alia puh sü le veashoa tare; daiolouzü puh hai hanishoe.

MARK 10:22 Iomraidhean Croise

EZEKIEL 33:31

Sübüa avei maitao nou tave meime souloua nenou puletao hi paoyu chi khesü keiwe, ana puletao hai nenou paoyu chipao khesü thaifüa hrümoe. Puletao vei müli hiolouzü chipao lako aveih lih nou pao-a nou bue, ana puletao hai dutounüa vah haso ashi soukoute-a bubaie.

MATHIU 13:22

Raishu hrohi dekou louyu thoutai taonou chipao süna choulouyu maitao kue; ana deiphao hrü haina donou leki-ledayu ea kiniye leshiyu sünanou chipao sünaye boutheare, alia puletao sü shi shikhai more.

MATHIU 19:22

Nahlepouna nou haisü chouloukhaie, puh sü leveasholoua tare; daiolouzü puh hai hani shoe.

MATHIU 27:3

Jisu ye shohdo souyu Judas nou Jisu ye southeare donou chi kukoure touyu hai sülouyu thaisü, puh lehai daloure ea pousha shirou taosü napao adu maitao ea tsümai taohi po khaive peire,

MARK 10:21

Jisu nou puh hi leshinoupu zhuteiloua paoe, “Nehi chemoyu alikhei bubaire. Tawo ea nevei buyu teitei zhowu-a toure hamai hi peio, alia neye donou rakinou kini bulai; alia taveloua Athai fülo.”

MARK 10:23

Jisu nou puh rozümaitaoye zhusühaoloua puletao hi paoe, “Hanimai donou Ramai vedeihi velouyuhai daizhozhou tateilaisa!”

MARK 6:20

Herod nou Johan ye piwe daiolouzü puhnou Johan hai maiveimai ea sheeyu maie touyu süe, alia südonou puhnou Johanye sü veitoua khaikhaitoue. Puh hai Johan chipao keiyusa puh le deichoyuma puhnou puh chihai sashoanou keibaie.

MARK 6:26

Haihai chouloukhaie veo sü le veasholoure, ana puhnou puh hi motoulou hore, daiolouzü puhnou puh shemaitao hrülai nghojünou chouwure.

LUK NOU RÜYU KO AVEIBVÜ 12:15

Alia puhnou puletao hrülaihi paoe, “Leikeilo, alia loküyu teitei hinou neletao zhutoulo; daiolouzü emai hrühai puhvei kini alao soua buyu süna hinou bubaimoe.”

LUK NOU RÜYU KO AVEIBVÜ 18:23

Ana puhnou sünasü choulouyu kisü leveasho loure, daiolouzü puhsü hani showe.

2 KORINTHMAI 7:10

Daiolouzü Ramai hilonou veayu sünanou ledayu povewe ea sünanou khailu peiyu hi süthailou peiwe—alia sühisü lengaiyu halia hae! Ana deiphao hilovei veayu sünanou athai povewe.

EPHESAMAI 5:5

Haisü neletao nou süvuzülo süolouzü khulou souyumai, sheemoyumai moa loküyumai (loküyu hai basharaye thoyu zhai alie) talinou Khrista ea Ramai vei Vedei hi zhalia ngaokhai laimoe.

2 TIMOTHI 4:10

Daiolouzü Demas nou chuchu deiphao hainaye leshiyu donou Eye thaowu-a Thessalonika hi tare. Kreske nou Galatia hi ea Tita nou Dalmatia hi tare.