MARK 10:21 - SHEEYU BAIBEL (BSI)

²¹ Jisu nou puh hi leshinoupu zhuteiloua paoe, “Nehi chemoyu alikhei bubaire. Tawo ea nevei buyu teitei zhowu-a toure hamai hi peio, alia neye donou rakinou kini bulai; alia taveloua Athai fülo.”

MARK 10:21 Iomraidhean Croise

SHURAI 34:19

Alia nahle puona sünou Jakob nahpaiye leshi shoyu thaifüa paoyu taosü soure. Puh hai kikhamai hrülai jünou mainou tsükhou khayu nasüe.

TSÜCHITAO 23:23

Acheche nasü hülo, ae sünasü zolaiso; tsüvei, paodou-apei, alia tsüsü taosü hülouo.

MATHIU 16:24

Süthaisü Jisu nou puh rozümaitaohi paoe, “Maitalinou Athai fünü louzü, puhye panou lahye laiwuwo ea puh kros sü pfüloua Athai fülo.

MATHIU 19:21

Jisu nou puh hi paoe, “Nenou liche nülouzü, tawo, alia nevei buyu veishi zholaiwu-a pousha nasü toure haimai hi peio, alia rakihi nevei kini buloulai; süthaisü taveloua Athai fülo.”

MARK 10:22

Mai sünanou chi haisü chouloukhaie puh zhusü hazhei tare, alia puh sü le veashoa tare; daiolouzü puh hai hanishoe.

MARK 8:34

Süthaisü Jisu nou maisou ea puh rozümaitaoye puh hi kuveloua paoe, “Maitalinou Athai fünü louzü, puhlah puhye motoulo, alia puh kros pfüloua Athai fülo.

LUK NOU RÜYU KO AVEIBVÜ 10:42

ana alikhei soure matsübaie. Meri nou puh hinou potalou hoyu zha avei nasü doloure.”

LUK NOU RÜYU KO AVEIBVÜ 12:33

Neletao vei kini taosü zholoua toure hamai taohi peikhaio; ratalai moyu shavüsü neletao lah neletaoye donou pokhailo, alia neletao vei kinisü rakihi podzükhailo, sühisü sütaosü hatakhai laimoe, daiolouzü sühisü vaomaia sütao ngheikihi velouhoe, alia rükhaonoua sütaoye souha louhoe.

LUK NOU RÜYU KO AVEIBVÜ 16:9

“Alia südonou Enou neletao hi paoe, deiphao vei kini vanou neletao lah neletao vei samai phoulo, sübüa sünasü cheyu kisü puletao nou neletaoye teisa halouho kihi save loulai.

LUK NOU RÜYU KO AVEIBVÜ 18:22

Alia Jisu nou süsü choulouyu kisü puh hi paoe, “Chukoute nehi chemoyu hali bue. Nevei buyu teitei zholaiwu-a pousha nasü toure hamai hi zhihpeio, alia raki hinou nevei kini bulai; süthaisü taveloua Athai fülo.”

LUK NOU RÜYU KO AVEIBVÜ 19:41

Alia puhnou nuhdu süna ngheikihi takouloua sünaye ngaolouyu kisü, süna donou puhsü kraloua,

LUK NOU RÜYU KO AVEIBVÜ 9:23

Alia puhnou puletao hrülaihi paoe, “Maita linou Athai fünü louzü, puh lahnou puhye motulo, alia teisanou puhvei kros pfüloua Athai fülo.

JOHAN 12:26

Maita linou Akuvah soulouzü, puhnou Athai füvuzülai; alia Enou buyu buh hisü Akilai-a bulai; maitalinou Akuvah soulouzü, Apuonou puhye tsükhoulai.

JOHAN 16:33

Eye koa buyu hinou neletao hi kaonayu buloure donou, chi hainahai Enou neletao hi paopeire. Deiphao hisü neletao vea-holai; ana khuveilo! Enou deiphaoye koloure.”

SEI-ATAMAI VAHTAO 2:45

Alia puletao nou puletao vei ki-lu, ki-na buyu teitei sü zhowu-a sütao veishi sü mai hrülai hi lah lahnou moshi laiyu thaifüa zhihpeire.

2 KORINTHMAI 12:15

Eletaoye soukhare donou Enou Avei buyu teitei ea lah Apfüzho-a sashoa peilai. Enou neletaoye alaosou leshi peiyu donou neletao nou Eye khai-a leshi peilaiwu?

2 TIMOTHI 3:12

Acheche nou Khrista Jisu ye koa rahrümai hinou hrüyu züpayu mai taye sü souvea-souholai;

EBRIAMAI 10:34

Neletao nou hukhahi bumaitao veahoyu sü koa zha ngaozho peie, alia neletao vei kina teitei saolouyu kisü, neletao vei hakayu hisü sasa-a shamea peie, daiolouzü chu koutea neletao vei veikou shoyu ea teisa vei souloure kinisü bue touyu sü neletao nou süwe.

JEMS 2:10

Daiolouzü maitalinou razhai teiteisü reiloukhaia, ali hinou mahwu louzü sütao teiteisü soukhowure.

PONGAOPEIYU 2:14

Ana Enou nepei hi motouyu daotu bue, süolouzü neletao hrohinou kamaisü Balaam nou doupeiyu thaifüyu mai bue. Puhnou Israel maitaoye panou bashara hi posheelayu touso touloure ea khulou vah souloua mah hi louloure donou puletao nghojühi do ashi laithou peire sü Balak hi doupeie.

PONGAOPEIYU 2:20

Ana Enou nepei hi motouyu haitao bue: Nenou lah puhye nou rachi paolapai tea kuyu naotupai Jezebel ye koa shamea peiwe. Puhnou Akilaitaoye khulou vah soure ea bashara hi posheelayu tousotao toure donou doupeia sümah peiwe.

PONGAOPEIYU 2:4

Ana Enou nepei hi motouyu sü hainae: nenou raiki Eye leshiyu büa chuwo leshi peikhai more.