MARK 10:17 - SHEEYU BAIBEL (BSI)

¹⁷ Alia Jisu nou veihduhi tapua buyu hinou, mai alinou taveloua ea puh nghojünou kou khou khüloua puh hi noue, “Dou-apei Aveio, teisa ahri ngaoloure donou Enou dai soulai?”

MARK 10:17 Iomraidhean Croise

DANIEL 6:10

Veo nou chikha nasü ae-ao souloua sheesao nopeiwure touyu Daniel nou süa bulikhei, puhnou teithetsü puh ki hi veloua puhvei kide areina hinou buyu vabome, Jerusalem hilova reipoa buyu hinou khoukhüloua teitheli hinou bakha asü Ramai hi veachi paoe alia puhye paoshowe.

MATHIU 17:14

Alia puletao nou maisouhi khaive louyu kisü, mai alinou Jisu hi taveloua ea puh nghojünou kou khou khüloua paoe,

MATHIU 25:34

Sükisü Veonou puh bahkha zhoulohi buyu taohi paolai, ‘Tavelo, Apuonou hapeikhai touyu maitao, teideiphao soushu rainou neletao donou soudakhai touyu vedeina sü ve kaa thaolo;

MATHIU 28:8

Südonou puletao nou piyu ea sashoyu nou phoua khüh hinou thashoa tare, alia puh rozümai taohi paopeire donou tutare.

MARK 1:40

Alia loukhaora soumai alinou Jisu hi taveloua ea kou khou khüloua puh hinou khoe, “Nenou aetou louzü, Eye nenou souvei peilou süe.”

MARK 10:18

Jisu nou puh hi paoe, “Ne daidonou Eye nou ‘Aveio’ tea kuwe? Ramai likhei baideinou mailia veimoe.

MARK 12:14

Puletao nou puh hi taveloua paoe, “Dou-apeio, newo mainou daitea cholai touyu vanou domoa chichenou paobaiwe touyu hai Ehnou süe; daiolouzü newo maizhai zhumoe, ana Ramai vei ludu hai chekhaoa doupei baiwe. Kaisar hi kikha peiyu razhai buho hae, Eh hi paopeio? Ehnou süsü peilaiho, peilaimoe?”

MARK 9:25

Alia Jisu nou maikhe mainou puletao hi koa tuveyu sü ngaloua, rashi nahi kharochi peia paoe, “Nou peyu ea la hayu rashi, Enou neye nahpoutuna hinou tapalouwo tea ea puh hi hakia loupu khaiso tea kharochi peiwe!”

LUK NOU RÜYU KO AVEIBVÜ 10:25

Alia zhukhaio, razhai dou-apeimai alinou Jisu mah phoupare donou lashuloua puh hi noue, “Dou-apeio, teisa ahri ngaoloure donou Enou dai soulai?”

JOHAN 3:2

Mai hainanou khei Jisu hi veloua puh hi paoe, “Rabbi, nehai Ramai hinou veyu dou-apeimai alie touyu sü Ehnou süe; daiolouzü Ramai nou puhye kozhopei molouzü maita linoua nenou souyu shee haitaosü soulou hoe.”

JOHAN 5:39

Nelenou Sheeyu Larübvütao hinou phoua bue, daiolouzü neletao nou sütao hinou teisa ahri bue tea chowe; alia sütaonou Avanou zhopaoh souwe;

JOHAN 6:40

Daiolouzü Apuo leli nasü hainare, süolouzü Nahpoutuye ngaolouyu ea puhye louche louyu mai talisü teisa ahri ngaoloulai; alia Enou puhye akhai teitheki sou hrishu loulai.”

SEI-ATAMAI VAHTAO 16:30

alia puhnou puhaiye vakouhi sapaloua noue, “Dou-apeio hai, Enou khailu loure donou dai souvuzülai?”

SEI-ATAMAI VAHTAO 2:37

Maikhemai taonou chipao hainasü choulouyu kisü puletao lesü daisholoua Pitar hi ea kukhe sei-atamai taohi paoe, “Athaihou jürai khemai, Ehnou dai soulai?”

SEI-ATAMAI VAHTAO 20:32

“Alia chuo Enou neletaoye Ramai bah hi ea neletaoye soudusho peiwu-a panou puhvei mai hrülai hi peilaiyu kaa süna peilou süyu puhvei zhuvea chipao hi thaothouwe.

SEI-ATAMAI VAHTAO 9:6

ana shuloua nuhdu hisü taloukhaio, alia nenou soure sü daie touyu sü nehi paongao peilai.”

ROMMAI 2:7

Mai kamai sü thaokhaimoa avei vah soua, khouko ava, tsükhouyu ea halouho ahri phoua bue; puletao hisü Ramai nou teisa ahri peilai.

ROMMAI 6:23

Daiolouzü mah vei zhosü athai baie, ana Eh Mapao Jisu Khrista vanou Ramai vei sapeina hai teisa ahri baie.

EPHESAMAI 1:18

Puhnou neletaoye kulouyu hi areih nasü daisa touyu sü neletao nou süloure donou ea puhnou puhvei maitaohi apaopei khaitouyu khupa hataosü daizhozhou paoshalou hoa busa touyu sü süloure donou puhvei ava ngaoloure neletao tsü nasü houpapeio tea Enou khowe,

TITA 3:7

sübüa puh zhuvea vanou Eletaoye hai Ramaiye koa souzü peiwu-a Eletao nou rei-a buyu teisa ahri vei kaalo nasü panou thaoloulai.

EBRIAMAI 1:14

Sükuyu thaisü, rakivamaitao sü daisouyu maie? Puletao sü Ramai kuvah souyu ea khailu peiyu ngaoloure maitaoye soukha peiloure donou puhnou seive peiyu rakotao baie.

1 PITAR 1:4

alia südonou Eletao nou Ramai nou puhmaitaoye donou khaidapei khaitouyu kaa taosü zhida-a bue. Puhnou kaa sütaosü neletaoye donou rakihi khaipei khaitoue, alia sühisü sütaosü hakhai laimoe, soushiwu laimoe moa raitakhai laimoe.

1 JOHAN 2:25

Alia Khrista puhnou Eletao hi peilai tea apaopei khaitouyu sünasü teisavei ahri hainae.