MARK 10:14 - SHEEYU BAIBEL (BSI)

¹⁴ Ana Jisu nou süsü ngaoloukhaie puh hai lekhaloua puh rozümaitao hi paoe, “Nahtumai taoye panou Ahi kouwo, alia puletaoye nuso, daiolouzü Ramai Vedeihai haibüyu maitao veie.

MARK 10:14 Iomraidhean Croise

SHURAI 17:7

“Ahai koa vo soukhai touyu nahai, ne hi alia ne thailo nou vere nevei tyaosholea hi koute panou teisa vei soua khailai. E hai nevei alia ne thailo nou velai ne tyaonah maitao vei Ramai soulai.

LOUTAO 78:4

Etao nou sütao hai Eletao vei nahmai hinou poku khailai moe; Etao nou vere bonakha hisü Mapao vei khouko ae puhnou khupayu vah haso soupeikhai touyu khesü paopeilai.

ISAIAH 65:23

Puletao nou soupfüyu vah teitei sü kaozhou veia souloulai, ae puletao vei nahmai khesü kaozhou ashi panou daolai moe, Enou puletaoye alia puletao vei tyaosholea hi-a vere teithe teitei hinou shiha peilai.

MAIPEI PHOUYU 14:31

Neletao vei nahmaiye ngaobamai nou nülou shulai tea neletao nou pao-a buyu nahmaitaoye sü Enou teidei sühi, neletao nou malaiyu füdei hisü puletaoye panou bure donou Enou savethou peilai.

MATHIU 18:10

“Neletao nou taikayu haitao aliye ngaophou moyu soumore donou zhutoulouo; daiolouzü Enou neletao hi paowe süolouzü rakinou puletao vei rakivamai taonou rakibu Apuo zhusü teisanou zhua bue.

MATHIU 18:4

Nahtou haina büa lahnou natai louyu maita lisü raki Vedei hinou dukayu nasüe.

MATHIU 19:14

Ana Jisu nou paoe, “Nahmai taoye panou Ahi kouwo, alia puletaoye nuso, daiolouzü raki Vedeihai haibüyu maitao veie.”

MATHIU 5:10

Achechena vanou mainou souvea-souhoyu puletaosü rakoveie; daiolouzü raki Vedeisü puletao veie!

MATHIU 5:3

“Rako hinou lülouhoe tea süa bumaisü rakoveie; daiolouzü raki Vedeisü puletao veie!

MARK 3:5

Jisu nou lekhanoupu maikhemai hi zhuloua ea puletao le khouleyu vanou levealoua mai sünahi paoe, “Nebah topalo.” Alia puhnou puh bah sü topae, alia süsü veiloure.

MARK 8:33

Ana Jisu nou reiveloua ea puh rozümaitaoye zhuloua Pitarye züa paoe, “Saitan, ne Ahinou tawo. Ne tsühai Ramai hinou vemoe ana emai hinou baie!”

JOHAN 3:3

Jisu nou puh hi chila peie, “Chichenou Enou nehi paowe, maita linoua nashulou molouzü, puhnou Ramai Vedei sü ngaolouhoe.”

JOHAN 3:5

Jisu nou chila peie, “Chichenou Enou nehi paowe, maita linou dzü hinou ea Rako hinou nalou molouzü, puhnou Ramai Vedei hi loulou hoe.

SEI-ATAMAI VAHTAO 2:39

Daiolouzü Mapaowo Eletao Ramai nou apaopei khaitouyu nasü puh hi kuve-a buyu mai hrülai hi süolouzü neletao, nele nahmaitao ea adoukounou buyu mai hrülai donoue.”

SEI-ATAMAI VAHTAO 3:25

Ramai nou puhvei rachi paolamaitao vanou apaopei khaitouyu taosü neletao donoubaie, alia Ramai nou neletao puopaomai taoye koa vo soukhai touyu hisü neletao-a zha ngaozhowe, süolouzü puhnou Abraham hi paoe, ‘Ne tao-nah vanou Enou deiphao mai hrülaiye hapeilai.’

ROMMAI 11:16

Raikaiyu raokhao pho nasü Ramai hi peilouzü, süthaisü raokhao ke teitei-a puhveie; alia süübe alivei süümatao hai Ramai hi popei louzü, süübotao-a puhvei khaire.

ROMMAI 11:28

Puletao nou Ko Avei nasü pobayu donou, tahrüh kukhemai neletao donou Jihudi maitaosü Ramai vei ngaobamai soutare. Ana Ramai nou dolouyu hilo louzü, puletao vei puo-pao vanou puletao hai puhvei samaitaoe.

1 KORINTHMAI 14:20

Athaihou jürai khemai, neletao nou tsü choyu hisü nahmai büwuso; ana ashi hinou nahmai büloua neletao nou tsü choyu hisü liche-a bulo.

1 KORINTHMAI 7:14

Daiolouzü lü louche moyu chaa sünaye sü puhvei chapfü vanou soushee peire, alia lü louche moyu chapfü sünaye sü puhvei chaa vanou soushee peire. More toulouzü puhai vei nahmaitao sü sheelaimoe, ana sübüa souloure toulouzü, puletao sü sheeloure.

EPHESAMAI 4:26

Neletao nou raroubukhaia mah souwuso, alia neletao nou rarouyu hisü panou teinghiye louwuso.

PAODAKHAIYU CHIKHA 4:37

Puhnou neletao paipao maiye leshiyu donou, neletaoye dopaloue, alia puhvei khouko sünou neletaoye Ejipt mai bah hinou sapapeie.

2 TIMOTHI 1:5

Nehi buyu cheche lü nasü Enou li-chowe. Lü sünasü raia nepai Lois hi bue ea süthaisü nepfü Eunis hi-a bue ea süsü chuo nehi-a buvuzüe tea Enou chowe.

2 TIMOTHI 3:15

alia kabüa nenou taibu kinou Khrista Jisu ye lülouyu vanou neye khailu peiyu hi süthaithou peiyu ratsüna peilou süyu sheeyu larübvü taosü sülouresa touyu sü nenou süwe.

JOSHUA 8:35

Moses nou kharochi peikhai touyu tao hai Joshua nou Israel mai hi, naotumai tao hi, mai taidu hi, alia vakou nou ve hrüa buyu mai teitei hisü chako aliro phoupei chemoyu hae.

1 PITAR 2:2

Nah-pumaitou kua neletao-a dushu paloua khailu loure donou teisanou rako vei naodzü sü züpalo;

PONGAOPEIYU 14:5

Puletao mü hinou dayu halia ngaoloumoe. Puletaowo ha kao-zümoyu alia hae.

1 SAMUEL 1:11

Hannah nou chaachou soua haibüa veachi paoe, “Oh Khoukhoulai Mapaowo, ne kilaipai Eye zhupeio! Enou veahoyu hai sü zhuloua Eye ngaipeiso! Nenou Eye nahpoutu ali peilouzü, Enou puhye sü poa neye puhvei hrümai teitei nou peilai, ae puh peishu sü panou bi khailai moe.”

1 SAMUEL 1:22

Ana zhouvu hai Hannah nou tamore, daiolouzü honapai nou puh chapu hisü haibüa paoe, “Nahtou nanou nao phalouzü Enou puhye saloua Mapao vei ki hi save peilai, ae puhye panou teisa sühinou puhvei kuvah soua bulai.”