MARK 1:5 - SHEEYU BAIBEL (BSI)

⁵ Alia Judea teidei hinou ea Jerusalem nuhdu hinou mai alaosou Johan hinou ko keire donou tave. Alia puletao nou mah paopa-a puhnou puletaoye Jordan Rei hinou dzükhao dapeie.

MARK 1:5 Iomraidhean Croise

LOUTAO 32:5

Süthaisü avei mahmo khesü Enou ne hi paopa-e; Enou soumah pfümah khaitouyu khesü ali koute-a poku moa ne hi mahlapa peie. Enou ne hisü avei mahtao paopa bailaire tea ale laloue, ae nenou avei mah veishi sü khaipeie.

TSÜCHITAO 28:13

Lah vei mahtao pokuyu puh sü duso palai moe, ana mah lawu-a vah ashi khesü thaokhaiyu mai sü zhuvea ngaoloulai.

MATHIU 4:25

Alia Galilee, Dekapoli, Jerusalem, Judea ea Jordan polo dovahi teideitao hinou mai alaonou puhthai füloure.

MARK 1:4

Südonou rekounou Johan Baptist nou mah khailu peire le dayu vei dzükhao dayu nasü paodoupoa vere.

MARK 1:6

Johan hai racho mainou souyu sahnü nou banouwe, alia souhee khyakho nou puh khyahi khopfüe, alia puh touso sü rekou khahzü ea laivoudzüe.

JOHAN 1:28

Chiphayu haihai Johan nou dzükhao da-a buyu buh Jordan rei teinghi palova Bethani hinoue.

JOHAN 3:23

Johan-a Salim ngheiki hi buyu Aenon hinou dzükhao dapeia bue, daiolouzü sühisü dzü alaosou bue; alia maikhe mainoua sühi taveloua dzükhao daloue.

JOHAN 5:35

Johan hai meitao-a ea va-a buyu meibvüe, alia neletao nou puh vei ava hinou pha jütou sa-a buyu züpae.

SEI-ATAMAI VAHTAO 19:18

Alia chunou lülouyu mai alaosou taveloua puletao vei ashi vahtao sü dua paopa ngaoe.

SEI-ATAMAI VAHTAO 2:38

Alia Pitar nou puletao hi paoe, “Le dalo, alia neletao mah khaipeire donou, neletao mai ali linou Jisu Khrista zhih hinou dzükhao dalo; alia neletao nou Rako Mashi vei sapeina nasü ngaoloulai.

JEMS 5:16

Südonou neletao sounou sü veiloure donou neletao vei mahsü alinou lihi paopa ngao-a alinou li donou veachi paopeikhaio. Chechemai ali vei veachi hai vah soulouvei khouko alaosou bue.

JOSHUA 7:19

Süthaisü Joshua nou Akan hi paoe, “Anahna, Israel maivei Ramai Mapao ye kathe soupeio, alia Puhye paosholo; ne dai-e soure touyu ahi paokhaio; süsü ahi da-a nou pokukhaiwu souo.”