MARK 1:44 - SHEEYU BAIBEL (BSI)

⁴⁴ alia haibüa puh hi paopeie, “Keilo, haivanou maitali hia paokhaiso. Ana nelah napaomai hi taho ngaokhaio, alia puhye panou neye zhukhaio; süthaisü ne hai veiloure touyu lapeire donou Moses nou kharochi peikhai touyu thaifüa posheela khaio.”

MARK 1:44 Iomraidhean Croise

MATHIU 8:4

Süthaisü Jisu nou puh hi paoe, “Keikhaio! Maitalihi-a paoso, ana napao nahi taveloua puhye panou neye zhukhaio; süthaisü mai hrülaihi ne veiloure touyu zhopaoh souloure donou Moses nou kharochi peiyu thaifüa po sheelare na nasü sheela khaio.”

MARK 1:43

Süthaisü Jisu nou mai sünaye tukhatsü peiwu-a thalasou puhye seitawure,

LUK NOU RÜYU KO AVEIBVÜ 17:14

Jisu nou puletaoye ngaolouyu kisü puletao hi paoe, “Neletao lah taloua napaomai taohi pongaokhaio.” Alia puletao nou luduhi ta-a buyu hinou puletaosü sheeloure.

LUK NOU RÜYU KO AVEIBVÜ 5:14

Süthaisü Jisu nou puh hi kharochi pei-a paoe, “Maita lihi-a paokhaiso, ana napao nahi taveloua puhye panou neye zhukhaio; süthaisü mai hrülaihi ne veiloure touyu zhopaoh souloure donou Moses nou chikha peiyu thaifüa posheelare na nasü sheelakhaio.”

SEI-ATAMAI VAHTAO 23:22

Südonou reihmai peichananou khemaina süna hi, “Nenou chi haina hai Ahi paongaore tea mailihia paongao khaiso,” tea tukha peiwu-a panou tare.

ROMMAI 15:4

Daiolouzü sheeyu larübvü nou Eletao hi peikhai touyu shameayu ea le soudu peiyu vanou Eletao nou reitei-a buloure donou daoraikinou rüthoukhai touyu teitei sü Eletaoye doupeire donou rüthoukhai toue.

1 KORINTHMAI 10:11

Haitao veishi sü mai kukhetaoye donou nada büa paloure, alia sütaosü Eletaoye tukha peire donou rüthou khaitoue. Daiolouzü Eletao sü akhai velaiyu teile hinou hrüa bue.