MARK 1:24 - SHEEYU BAIBEL (BSI)

²⁴ “Nazareth hi Jisu, nenou Ehye koa dai soure bue? Ne Ehye souhare donou vewu? Ne thaohsa touyu Enou süwe, ne hai Ramai vei Mashio süe!”

MARK 1:24 Iomraidhean Croise

LOUTAO 16:10

daiolouzü puhnou Eye athai vei khouko hinou vupa peie. Enou chilee cheche-a puhvei kuvah sü soupeie, ae puhnou Eye thaimai vei teidei hisü panou hotalai moe.

TAPALOUYU 14:12

Ejipt hi bukinou Ehnou ne hi paomowu, Ehye panou Ejipt hinou bua puletao vei kuvah soua baio tea nou. Eletao hai radeiki hai hinou thaire jüo Ejipt hinou maivei qila soua buyu nanou veipu hie.”

DANIEL 9:24

“Ramai nou nevei maitao ae neletao vei sheeyu nuhdu nasü mah ae ashi hinou khailupa peire teile hai po anai nai nou rainai loulai hie. Mahmo khesü khailu peilai, ae teisa panou kaozü hinou hrüre donou soushu peilai, alia zho ngaoyu ae rachi paokhai touyu khesü panou vete peilai, alia sheeyu Rathoki nasü soushu dakhai peilai.

MATHIU 2:23

ea Nazareth tea kuyu nuhdu hinou ve hrüloure. Alia haibüa rachi paolamaitao nou paoyu sü veteloure: “Puhye sü Nazareth hi mai tea kulai.”

MATHIU 8:29

Alia zhukhaio, puhai nou shusou rao-a paoe, “O Ramai Nahpoutu, nenou Ehye koa daivah soure bue? Teile vemo jühinou nenou Ehye tudee peire donou vewu?”

MARK 1:23

Alia sübü hinou sheemoyu rako nou louyu mai ali rathobuh hi talouloua shusoua shapare,

MARK 1:25

Ana Jisu nou puhye züa paoe, “Ngasou buwo, alia puh hinou tapawo!”

MARK 10:47

Puhnou süsü Nazareth hi Jisue tea choulouyu kisü paikushoa raopare, “David Nahpoutu Jisu! Eye zhuvea peio!”

MARK 14:67

Alia Pitar nou meivoua buyu sü puhnou ngaoloukhaie, Pitar hi zhuteiloua paoe, “Ne-a Nazareth hi Jisu ye koa laiwe.”

MARK 16:6

Alia puhnou puletao hi paoe, “Khupaso; neletao hai kros vanou veatheawuyu Nazareth Jisu ye phoue touyu hai Enou süe. Puhwo haihi hae. Puh hrishu loure! Zhukhaio, haisü puletao nou puhye pokhaiyu buh-e.

MARK 5:7

alia shusou shaloua paoe, “Aku-kulai Ramai Nahpoutu Jisu, ne Eye koa dai soure bue? Ramai zhih kua Enou nehi paowe, Eye souvea peiso.”

LUK NOU RÜYU KO AVEIBVÜ 1:35

Rakivamai sünanou puh hi chila peie, “Rako Mashi nou nehi kou loulai, alia Aku Kulaivei khouko sünanou neye züloulai. Südonou nakoure sheeyu nah sünaye sü Ramai Nahpoutu tea kulai.

LUK NOU RÜYU KO AVEIBVÜ 24:19

Puhnou puhaihi noue, “Daidai pare?” Puhai nou puh hi chilapeie, “Nazareth hi Jisu vanoue, puh hai Ramai ea maikhemai hrülai nghojünou khupa vah souyu ea chipao hinou khouko bushoyu rachi paolamai alie,

LUK NOU RÜYU KO AVEIBVÜ 4:34

“Oh! Nazareth hi Jisu, nenou Ehye koa dai soure bue? Newo Eletaoye souhare donou vewu? Nehai thaohsa touyu sü Enou süwe, ne sü Ramai vei Mashio nasüe!”

LUK NOU RÜYU KO AVEIBVÜ 8:28

Puhnou Jisu ye ngaolouyu kisü, shusoua raoloure ea puh nghojü hinou kou duloua haibüa paikushoa paoe, “Aku kulai Ramai Nahpoutu Jisu, nenou Eye koa daivah soure bue? Enou nehinou khowe, Eye souvea peiso.”

LUK NOU RÜYU KO AVEIBVÜ 8:37

Süthaisü Gerasa ngheikihi buyu teidei maitao hrülainou Jisu ye nou puletaoye thaowu-a tapeio tea puh hinou ve khoe; daiolouzü puletao sü pisho loure. Südonou Jisu sü sakhaohi talouloua khaitare.

JOHAN 6:69

Alia nehai Ramai hinou veyu Masheeo nasüe touyu hai Ehnou louche loure ea süloure.”

SEI-ATAMAI VAHTAO 2:27

Daiolouzü nenou Arakoye sü athaimai deiphao hi thaokhai peiwu laimoe; moa nenou nevei Masheeoye sü panou tah-rayu ngaolaimoe.

SEI-ATAMAI VAHTAO 24:5

Daiolouzü mai haina hai maiye souha-soukayu, deiphao veishi hi buyu Jihudimaitao hrohinou chi soubvü peiyu ea Nazareth himai me hi peichayu mailie touyu sü Ehnou ngaoloue.

SEI-ATAMAI VAHTAO 3:14

Alia neletao nou Masheeo ea Achecheo naye sü baloua maiye southeamai aliye sü neletaoye donou phapeire kholoure.

SEI-ATAMAI VAHTAO 4:27

“Daiolouzü chechenou Herod ea Pontia Pilat nou tahrüh kukhemai ea Israel maitaoye koa nenou Razhepu soupeiyu sheeyu nevei kilai Jisu pei hi aetou nümoa nuhdu haina hinou tave dzüloure.

JEMS 2:19

Nenou Ramai alikhei bubaie tea louchewu? Veishore! Süsü rashitao koutenou-a louchewe alia pi-a nguwe.

1 JOHAN 2:20

Ana neletaoye sü Mashio nanou theadzü napeire, alia süsü neletao hrülainou süwe.

PONGAOPEIYU 3:7

“Philadelphia hi buyu lüloumaime vei rakivamai nahi rükhaio: “Chi haisü mashee ea checheyu puhvei chipaoe. David vei khareih sü puh hi bue, alia puhnou kikhu houpawu louzü, süsü maitalinoua khulouhoe, alia puhnou süsü khuwu louzü, süsü maitalinoua houpa louhoe.