MARK 1:22 - SHEEYU BAIBEL (BSI)

²² Alia puletaosü puhnou doupeiyu sü chouloua khupa shore, daiolouzü puh nou razhai dou-apeimai bümoa soulousü zü bumai alibüa puletaoye doupeie.

MARK 1:22 Iomraidhean Croise

JEREMIAH 23:29

Avei chipao hai mei büwe, ae chuhdu daphe sasa louyu hubao büwe.

MATHIU 13:54

alia lah puh vei nuhduhi khaiveloua puhnou puletaoye puletao vei rathobuh hinou doupeie, alia puh chi choulouyu maitao nou khupaloua paoe, “Daikinou mai hainanou haibüyu ratsü ea khupavah haitaosü ngaolousa?

MARK 1:23

Alia sübü hinou sheemoyu rako nou louyu mai ali rathobuh hi talouloua shusoua shapare,

LUK NOU RÜYU KO AVEIBVÜ 2:47

alia puhvei chipao choulouyu mai hrülai sü puhvei tsü veishoyu ea kaishoyu chilatao sü chouloua khupare.

LUK NOU RÜYU KO AVEIBVÜ 21:15

daiolouzü neletao vei ngaobamai taonou motoulou hoyu moa veivalou hoyu chipaotao ea ratsü sü Enou neletao hi peilai.

LUK NOU RÜYU KO AVEIBVÜ 4:32

alia puletao veishisü puhnou doupeiyu hinou khupasho loure, daiolouzü puhnou khoukonou pu doupeiwe.

JOHAN 7:46

Reihmai taonou chila peie, “Mai haina büa maitalia chi paokhai mohie.”

SEI-ATAMAI VAHTAO 6:10

Ana puhvei ratsü ea puhye panou pao-a buyu Rako nghojühi puletao nou lalou hore.

2 KORINTHMAI 4:2

Ehnou kheikhei souyu ea ahraoyu vah teitei thaowure; Ehnou mada-a vah soumoe, moa Ehnou Ramai chipao sü mah-a doupei moe. Acheche vei dukhyayu ava hinou Ehsü Ramai nghojünou hrüwe ea lah Ehye mai hrülai vei veishoyu lekhe tsühi thoupeire donou Ehnou tewe.