MARK 1:21 - SHEEYU BAIBEL (BSI)

²¹ Jisu nou puh rozümaitaoye koa Kapernahum nuhdu hi taloure, alia süthaibü Soteithe zhousü puhnou rathobuh hi talouloua doupei tare.

MARK 1:21 Iomraidhean Croise

MATHIU 4:13

Puh hai Nazareth hinou chao-a bumoe, ana Zebulun ea Naphtali teideihi Galilee zaipehi buyu Kapernahum nuhdu hinou ve hrüre donou tare.

MATHIU 4:23

Jisu nou Galilee teidei teitei tasühao poa rathobuhtao hinou doupeie ea Vedei vei Ko Avei nasü paodoupeie, alia sounou ea sou tyalinou sou-a buyu maikhemai taoye souvei peie.

MARK 1:20

Jisu nou puhai chinaye ngaolou loukhaie, puhaiye kuloure; alia puhai nou puhai puo Zebedeeye zho kuyu kilaitaoye koa sakhao hi thaowu-a puhthai fütare.

MARK 1:29

Jisu ea puh rozümaitao nou Jems ea Johan ye koa rathobuh süna hinou tapaloua thalasou Simon ea Andrew kihi tare.

MARK 1:33

Alia nuhdu sühi maikhemai hrülaisü kijü hinou tave dzüa buloure.

MARK 1:39

Südonou puhnou rathobuhtao hinou ko paodoupoa ea rashitaoye hupa-a Galilee buh teitei tasühaopoa tae.

MARK 10:1

Süthaisü Jisu nou buh süsü thaowu-a Judea teidei hilo taloua Jordan rei kachopare. Sühisü maikhemai alaosou puh hi tave dzüloure ea puh nou raichoki büa puletaoye doupeie.

MARK 2:1

Alia puhnou teithe daotuthai Kapernahum hi khaiveyu kisü, puh hai kihi bure touyu kosü kubou loure.

MARK 3:1

Süthaia Jisu nou rathobuh hi khailou khaire, alia sühisü bah pothaimai ali bue.

MARK 6:2

Alia Soteithe zhousü puhnou rathobuh hinou doupei tare. Mai alaosou sühi bue; alia puhnou paoyu sü puletao nou choulouyu kisü, puletao hrülainou khupaloua haibüa noue, “Mai hainanou daikinou haitaohai ngaoloue? Puh hi peikhai touyu haina hai dai ratsüsa? Puh nou kabüa khupa vahtao soulousa?

LUK NOU RÜYU KO AVEIBVÜ 10:15

Alia Kapernahum newo, rakihi khete kukhe laiwu? Neye akhai hayu raobvü hi polai thouwulai.”

LUK NOU RÜYU KO AVEIBVÜ 13:10

Alia Soteitheki ali hisü Jisu nou rathobuh ali hinou doupei-a bue.

LUK NOU RÜYU KO AVEIBVÜ 4:16

Süthaisü Jisusü puhnou hrüpayu nuh Nazareth hi tavere; alia Soteithe kisü puhsü puhzhai thaifüa rathobuh hi tare. Alia puhnou sheeyu larübvü nasü phoure donou lashu loure;

LUK NOU RÜYU KO AVEIBVÜ 4:23

Puhnou puletao hi paoe, “Veikhaimoa neletao nou Ahisü haibüa paopawuyu tsüchi nasü paolai. ‘Pou-apeio, nelah souveilouwo! Alia paokhailai, Nenou Kapernahum hinou souloue tea Eletao nou choulouyu vah taosü lah nevei nuhbuh hia soungaokhaio.’”

SEI-ATAMAI VAHTAO 17:2

Chuo Paul nou lah puh zhai thaifüa puletao vei rathobuh hi talouloua Soteithe asü koute puhnou maikhemai taoye koa sheeyu larübvü hinou pha-kua,

SEI-ATAMAI VAHTAO 18:4

Alia puhnou Soteithe tsü rathobuh hinou puletaoye pha-kua Jihudimaitao ea Greekmai taoye sü paothou panou louche loure donou tewe.