MALAKAI 4:2 - SHEEYU BAIBEL (BSI)

² Ana azhih ngaopi-a laiyu neletao donou avei khailu peiyu vei khouko hai teinghi büa palai, ae souvei peiyu shouh pfüa palai. Vee hinou payu chotu nou asasho-a choyu büa neletao nou cholai.

MALAKAI 4:2 Iomraidhean Croise

2 SAMUEL 23:4

puh sü teihao chaomoa leirei touyu shona hi vapeiyu teinghi raiwe, teirükou shopeiyu thai, teinghei nou phupeia pouzü, süüzü lapayu raie.”

LOUTAO 103:3

Puhnou avei mah veishi khaipeie, ae avei sounou teitei sü souvei paie.

LOUTAO 147:3

Puhnou tsüle pepoa buyu maitaoye sü souvei peie, ae zhizhu khaitoua buyu maitaoye sü kiko peie.

LOUTAO 61:5

Oh Ramai, Enou ne hi apaokhai touyu khesü nenou süwe, ae neye tsükhou-a buyu maitao vei kikaa khesü nenou Eye peie.

LOUTAO 67:1

Oh Ramai, Etaoye zhuvea peio ae Etaoye shiha peio; Etaoye leshi zhuveayu hinou zhupeio,

LOUTAO 84:11

Daiolouzü Ramai Mapao hai Etaoye vupa-apeio ae kathe bushoyu veo nasüe, puhnou Etaoye zhuvea peie ae tsükhouyu nasü peie. Acheche hinou hrüyu maiye sü puhnou haveih khesü peiba chamoe.

LOUTAO 85:9

Cheche vujünou puhye tsükhoua buyu maitaoye sü puhnou khailu peilai, ae puhvei khouko ava nasü teisa nou Etao vei teidei hisü bupeilai.

TSÜCHITAO 4:18

Ana acheche maivei luduwo teinghi payu büe, hea touchü hi koumo koute valailai payu kue.

ISAIAH 30:26

Mapao nou puhvei maitaoye souveaho peiyu hinou zhilouyu zhimü khesü, puhnou souveih peiyu teithe zhousü khouh hai teinghi büa valai, ae teinghi va hai chujünou vu anai vapulai, teithe anai vakouyu büa va veih sholai.

ISAIAH 35:6

Phibah shiyu mai nou kho-shu büa tuta loulai, ae la hayu mainou sasho-a nou lou soulai. Radeiki hisü nou dzüla palai ae reidzü sü külai.

ISAIAH 49:6

Mapao nou ahi haibüa paoe, “Avei kilaiwo, Enou neye panou dupuyu vah sü soulai. Shokhaitoua buyu Israel maitaoye nenou kupoa dakhai ve kiduso peiyu likhei bailai moe, neye panou tyahrü hrülai vei ava ali soulai, sübüa deiphao teitei sü panou khailu louyu sü ngaoloulai.”

ISAIAH 50:10

Mapao ye ngaopi-a puhye tsükhouyu mai hrülai, ae puhvei kilaiwo chi züyu mai hrülai, neletao nou ta-a buyu ludu nasü zhi-a buyuma, Mapao ye sü louchelo ae neletao vei Ramai hinou bulo.

ISAIAH 53:5

Ana Etao nou mahmo souyu donou puhye sü zhipeia baie, Etao vei vah ashi souyu vanou puhye dapeia baie. Puhye souvea peiyu donou Etaoye souveih peia baie, ae puhye zhimü soupa peiyu donou Etaoye souvei peie.

ISAIAH 9:2

Azhi hinou ta-a buyu maitao hai dushoyu ava ali ngaoloure; puletao hai zhitei touyu teidei hinou hrüa bue, ana chuo ava sünou puletao hisü vapoa bure.

JEREMIAH 17:14

Oh Mapaowo, Eye souvei peio, sükulouzü Esü veiloua bailai. Eye vupa peio, sükulouzü Esü kaozhou vei-a bailai. Daiolouzü Enou paoshoyu nasü ne baie.

JEREMIAH 30:17

Enou neletaoye souveipu peilai; Enou neletao vei zhimü khesü souku peilai, ngaoba maitao nou neletaoye haibüa pao-a buyuma, ‘Zion hai mai nou komore, ae mai linoua zhuvea leshi peimore.’ Haisü Mapao Enou paowe.”

JEREMIAH 33:6

Ana Enou nuhdu hai nasü souveipu peilai ae maikhe maiye sü pfüphao aveih peipulai. Enou puletaoye vasa payu ae kaonayu sü peilai.

EZEKIEL 47:12

Reipe teitei hi hai süübe tyatyali panou paopalai ae touso sü panou peilai. Süübe sütao vei süünghou hai deraikhai toulai moe, ae tobai soumoa rashithou hai shipei koute-a bulai. Khouh palou hai rashithou ngaotou koutelai, daiolouzü sütao hai Rathoki hinou küpayu reidzü sünou dzüzü peiwe. Süübetao nou touso hai peilai, ae süünghou khenou maikhe maiye souvei peilai.”

HOSEA 6:1

Maikhe mainou paoe, “Etao Mapao hi dakhaive baikhe; daiolouzü Puhnou Etaoye soushi peia baie, Puhnou chua veikhai mosoua Etaoye souvei peilou süe; daphe-dapho peiyu nasü puhnou baie, südonou puhnou chua Etaoye soumu peishulai.

HOSEA 6:3

Etao nou sülou laikhe, Etao nou Mapao ye süloure donou telaikhe; tei thepa vuzü laiyu büa Mapao-a Etao hi vevuzülai; puhnou Etao hi teirü büa velai, alia poutsü payu teile hi teirükou peiyu büa puhnou Etao hi vevu zülai.

MALAKAI 3:16

Süthaisü Mapao ye piyu mainou ali nou alihi paoyu Mapao nou keiwe alia choue, alia Mapao piyu mai ae puh zhih tsükhouyu maisü Puh nghoujü hinou licho louyu larübvü hi rüthou khaire.

MATHIU 11:5

nghichamaitao nou ngaoloure, phishomainou taloure, loukhaora soumaiye sü soushee peire, noupe mainou chouloure, thaimaiye souhri peire, alia toure hamai hisü ko avei paodou peire.

MATHIU 23:37

“Rachi paolamai taoye southeayu ea nehi seiveyu taoye chuhnou deitheayu, Oh Jerusalem, Jerusalem! Houkünou toutu taoye puh soukhenou bvüpeiyu kua Enou ne nahmaitaoye pha kasho koute tobai soumoa bvüpei nüsa, ana nenou bae!

LUK NOU RÜYU KO AVEIBVÜ 1:50

Alia puhvei zhuveahai maikha-kha hinou puhye piyu maitaohi bue.

LUK NOU RÜYU KO AVEIBVÜ 1:78

Eletao Ramai khu-leshi vanou, teizhi hinou buyu ea athai khu hinou buyu maitaoye vapei loure donou,

LUK NOU RÜYU KO AVEIBVÜ 2:32

puhsü tahrüh kukhemai taohi nevei tsüdo pongao peire donou ava, alia nemai Israel maitao hi khouko-ava pove peiloure nasüe.”

JOHAN 1:14

Alia Chipao sünasü vasou daloua zhuvea ea achechenou phoupeia alia Eletao nou puh vei khouko-ava hai Puo hinou veyu likhuyu Nahpoutu vei khouko-ava kua ngaoe.

JOHAN 1:4

Puh hisü ahri bue, alia ahri nasü maikhemai vei ava nasüe.

JOHAN 1:8

Puhwo ava süna moe, ana ava navei zhopaoh soure donou ve-e.

JOHAN 12:40

“Puhnou puletao nghithou souchare ea puletao le soukhoure, sükumo louzü puletao nou puletao nghithounou ngaolou shulai ea puletao lenou sülou shulai, alia puletaoye souvei peire donou Ahi khaive shulai.”

JOHAN 8:12

Jisu nou puletao hi paopukhaie, “E hai deiphao ava nasüe; Athai füyu puhnou teizhi hi talai moe, ana ahri vei ava nasü ngaoloulai.”

JOHAN 9:4

Teinghi bubukinou Eye seive peiyu puh vei vah taosü Eletao nou souvuzülai. Maita linoua vah soulou hore kheisü laire.

SEI-ATAMAI VAHTAO 13:26

“Athaihou jürai soua buyu Abraham nahmaitao ea neletao hrohinou Ramaiye pi-a hrüyu tahrüh kukhe maitao, Eletao hisü khailupeiyu ko haina seive peikhaitoue!

SEI-ATAMAI VAHTAO 13:47

Daiolouzü Mapao nou haibüa Eh hi chikha peikhaitoue: ‘Neye panou deiphao akhai koute hi khailu peiyu sü pove peire donou, Enou neye tahrüh kukhemai vei ava panou souloure.’ ”

SEI-ATAMAI VAHTAO 26:18

Nenou puletao nghithou sü souhepa peilai, alia puletaoye teizhi hinou avahi ea Saitan vei khouko hinou panou Ramai hi dakhai velai, sübüa puletao nou Eye lülouyu vanou puletao mahsü khailu peiloulai ea Ramai nou dolouyu maitao hrohinou puletao buh sü ngaoloulai.

2 THESSALONIMAI 1:3

Eh thaihou jürai khemai, neletao vanou Ehnou teisanou Ramai hi kalo paovuzülai. Ehye donou süsü souzüshoe daiolouzü neletao vei lühai alaosou dumaimai khere ea neletao alinou liye donou leshiyu neletao vei leshinahai pulailai khere.

2 PITAR 1:19

Südonou Ehnou rachi paola mainou paoyu chipaosü louche putare. Neletao nou haina hisü le peitou louzü veilai, daiolouzü haina hai teithe louloua shona teivuh vei avanou neletao lekhehi vapeimo koute teizhi buh hinou va-a buyu meibvü süna kue.

2 PITAR 3:18

Ana Eletao Mapao ea khailu-apeio Jisu Khrista vei zhuvea ea tsü hinou tobai soumoa dushulo. Puh hisü chua, akhainou khaikoute-a adushosü souloutheo! Amen.

1 JOHAN 2:8

Sütoukhaia Enou neletao hi chikha ashuli rüwe, daiolouzü hainavei acheche nasü Khrista hinou ngaoe ea neletao hi-a ngaoe. Daiolouzü teizhi nasü talata-a bure, alia checheyu ava nasü varupoa bure.

PONGAOPEIYU 11:18

Tahrüh kukhe maitao nou lekha rarou loure, daiolouzü nevei rarouyu phasü veloure; alia thaimaiye chiku laiyu teilesü vere. Ne kilaitao, rachi paolamaitao ea sheeyu maitaoye alia nezhihye tsükhouyu tai du hrülaiye buu peilaiyu teilesü veloure, Alia deiphaoye souhayu maitaoye souhare teilesü veloure!”

PONGAOPEIYU 2:28

alia Enou puh hisü shona teivuh-a peilai.

PONGAOPEIYU 22:16

“Jisu Enou lüloumaime taoye donou zhopaoh hainasü neletao hi peiloure Avei Rakivamai naye seivewe. Ehai David vei Ma ea Taonah, alia vavei shoyu Shona Teivuh nasüe.”

PONGAOPEIYU 22:2

alia rei süsü nuhdu sünavei duva tsüle hinou kükouwe. Rei sünavei pe holo hailova hisü po ali hinou lüh kiahai rashi shiyu ahri süübe paopa-a bue, süsü khou tsühnou rashi shiwe. Alia süübe sünavei sünghoutaosü tahrüh khemaitao vei sounou souvei peire donoue.

RUTH 2:12

Nenou soukhai touyu nasü Mapao panou shiha peitheo, alia nenou Israel Ramai hi, puhvei shouh khenou bailoulai teanou veyu hai, Mapao ye panou chekho tea shiha peiyusü souloutheo.”