MALAKAI 1:4 - SHEEYU BAIBEL (BSI)

⁴ Hakinou Edom mainou haibüa paolouzü, “Etaoye souphe soupho laire, ana soushi khaitouyu buhtao sü Etao nou soushu pulou bailai.” Hrülai pei buo Mapao nou haibüa paolai, “Puletao nou soushuloua malae, ana Enou soushisasa peiwu bailai, puletaoye shiyu tyahrü alia Mapao nou hrühphao nou rarouyu teidei-e teanou mainou kumosa.”

MALAKAI 1:4 Iomraidhean Croise

JOB VEI LARÜBVÜ 12:14

Ramai nou soukhaoyu naye thaonou soushupu loulai? Alia Ramai nou hukhaki hi thoukhaiyu naye thaonou shupapei lousüe?

JOB VEI LARÜBVÜ 34:29

Ramai nou halia soukhai toulai moe touyu thaio mai linoua puhye paoshi laimoe. Puhnou puhvei pah pfüku louyu thaio, Etaoye soukha peire mai lia ha-a bailai.

JOB VEI LARÜBVÜ 9:4

Ramai hai tsüdo veih shoe alia khouko bushoe, Mai linoua puh nghoujünou la-a dulou hoe.

LOUTAO 127:1

Mapao nou koa ki nasü soushu peimoyu thaio, ki soua buyu maitao vei telai sü hamako baie; Mapao nou nuh teidei nasü kho peimoyu thaio, reihkhao maitao nou kho-a buyu hai hako baie.

LOUTAO 137:7

Oh Mapaowo, Edom mainou Jerusalem ye polouyu teithe puletao nou dai soupeie touyu khesü licho peio. Puletao nou haibüa paoyu sü licho peio, “Beikhei hi koute souphepho laikhai touwo.”

LOUTAO 33:10

Tyahrü khenou tsüchoda khaitouyu khesü Mapao nou halia moyu hi southou khaipeie; maikhe mainou soulai tea tsücho-a buyu khesü puhnou pa soulou moe.

TSÜCHITAO 21:30

Tsüvei linoua, kaiyu linoua, douzüapei linoua po-a Mapao ye dulou hoe.

ISAIAH 10:4

Neletao sü panou soureih souyu hinou thaitawulai moyuma hukha mai soua panou nüsata khaitouwulai. Mapao vei lekha rarou sü chukoute-a khaita mohie, puh bah sü lapoa puletaoye tudeipure donou buhie.

ISAIAH 11:14

Puhai koa nou teinghi loulo buyu Philistin maiye sü reih soulai, ae teinghi palovatha nou buyu maikhe maivei kinangi khesü shaoloulai. Puhai nou reih hulou Edom ae Moab mai jünou veiloulai, alia Ammon mai nou puhai vei chi zülai.

ISAIAH 34:10

Hea-khei sü mei tao-a bulai, meikhao sü teisa nou khaoa bukoutelai. Teidei sü maiphao teitei hinou shi-a bailai, alia mai ali koute-a teidei sünasü tacho talai moe.

ISAIAH 34:5

Mapao nou raki vanou puhvei khoche sü soudaloure, haina sünou Edom mai pei hi ae puhnou soushi souhawulai tea buyu maitaoye sü souhawulai.

JEREMIAH 31:17

Haithai naki donou neletao hai areih bue, neletao vei nahmaitao sü ki hi dakhai veloulai. Haisü Mapao Enou paoe.

JEREMIAH 49:20

Südonou Enou Edom maitao hi soupeilai tea tsüchoda khaitouyu ae Teman maitao hi soulai tea tsücho-a buyu khesü keilo. Puletao vei nahmaitao hai pairou poa talai, ae mai hrülai sü pihi rara-a bulai.

JEREMIAH 49:7

Edom vanou Khoukhoulai Mapao nou haibüa paoe, “Edom maitao hai puletao vei tsü aveih nasü hadou? Puletaoye paodou-apei maitao hai haliro paodou peiloure sü harevu? Puletao vei ratsü veishi sü hatadou?

JEREMIAH 49:8

Dedan hi maitaore, tutalo! Tutsülo! Enou Esau vei tyaosholea ye sü souha laire, daiolouzü Enou puletaoye tudeere teile sü vere.

JEREMIAH 5:17

Neletao nou chachi pove khaitouyu thou ae touso khesü puletao nou touloua bailai; neletao vei nah naotu poutu khesü puletao nou southa bailai. Puletao nou neletao vei kikhaorü khesü touloua bailai, alia neletao vei darkhabe ae doushibe tao-a soushi souha bailai. Neletao nou louchesho-a soushu khaitouyu nuhdutao ae bokhatao-a puletao vei reihmai nou soushi bailai.

DOPFÜYU 3:37

Mapao vei leli loumoa nou mai linoua halia soupfü louhoe.

EZEKIEL 11:10

ae neletaoye panou lah neletao vei teidei hinou soureih mai bah hinou pa thai-a bailai. Süthaisü mai hrülai nou E hai Mapao süe touyu süloulai.

EZEKIEL 25:13

Chuo Enou Edom maiye tudee peilai ae puletao mai hrülai alia kikhaorü veishi nou southawulai tea Enou paosü papeiwe. Enou puletao vei teidei, Teman nuhdu hinou souhawulai, ae sühinou hrüyu maitaoye sü soureih souyu hinou southalai.

EZEKIEL 25:14

Avei Israel maitao nou Eye donou Edom mai hisü khüngu phouloulai, ae puletao nou avei lekha rarou nasü puletao hi soupeilai. Süthaisü Edom mainou avei khüngu nasü kabüwe touyu hai süloulai, ae puletao nou E hai Mapao-e touyu hai süloulai.”

EZEKIEL 26:14

Enou neletao vei teidei hisü halia panou bulai moe, khah phouyu mainou khahbesah panou phukhaire donou chuh-rao likhei shokhai peia bailai. Nuhdu nasü soushupu loulai moe. Haisü Mapao Ramai Enou paowe.”

EZEKIEL 35:4

Enou neletao vei nuhdu khesü soushilai, ae neletao vei teidei sü soupa rarou khaiwulai; süthaisü neletao nou E hai Mapao-e touyu sü süloulai.

EZEKIEL 35:9

Enou neye sü teisa donou soushi khaiwulai, ae mailia panou nevei nuhdutao hisü hrüpulai moe. Süthaisü neletao nou E hai Mapao-e touyu süloulai.

AMOS 1:11

Mapao nou paoe, “Edom mainou vu asü-dai soucho soulayu donou, puletaoye tudeere nasü pokhaiwu laimoe. Daiolouzü puletao thaihou-jürai soua buyu Israel maiye sü thaokhai toumoa teisa nou hubaie.

AMOS 3:15

Teisai vei ki ae teilü vei ki teanou soukhai touyu ki khesü Enou soushi souhawulai. Mutei shoa paongi nou soukhai touyu ki ae dushoa soukhai touyu ki khesü soushi souhawu bailai.”

AMOS 5:11

Neletao nou touha soha maiye taina-a puletao vei buyu teitei sü saoloure. Südonou neletao nou ki aveih soukhai touyuma sühi buloulai moe; alia neletao nou darkhabe alao shokhai toua buyuma, sünavei rashi dzü sü neletao nou kelou laimoe.

AMOS 6:11

Zhukhaio, Mapao nou tudee veyu phaki, ki adu-atai teitei nou peko sasa ta bailai.

AMOS 6:2

Kelnah nuhdu nasü takou zhukhaio; süthaisü dushoyu Hamath nuhdu nasü ve zhukhaio; sühinou takouh Philistin maivei Gath nuhdu nasü zhukhaio. Neletao vei vedei hai puletao vei jünou veipu hiwu? Ho puletao vei teidei hai neletao vei teidei jünou kahpu hivu?

OBADIAH 1:1

Obadiah nou zho ngaoyu — Ramai Mapao nou Edom maiye donou paoyu chipao. Etao nou Mapao hinou veyu ko choue, alia tyahrütao hrohinou ko polamai ali seive peire: “Soudalo! Etao nou Edom mai hisü reih huloulai!”

OBADIAH 1:10

“Daiolouzü ne thaihou soua buyu Jakob ye sü neletao nou taida peia ae southa peiyu vanou neletao sü hraongu ngaolai ae neye teisa nou souhawulai.

MALAKAI 1:3

ana Enou Esau ye ngaorae; Enou puhvei deichi khesü panou hakata-a baie, alia puhvei tyaonahtao sü rekou buyu lakhao khehi peithouwure.”

MATHIU 12:30

“Eye donou moyu maitalisü Eye chechenou motouwe, Eye koa podzükha moyu maitalinou chechenou sourarouwe.