LOUTAO 127:2 - SHEEYU BAIBEL (BSI)

² Hrire donou shona nou kushu zhisho-a ae kheiki züta nasho-a nou teroupoa vah soupüa buyuma hamako baie, daiolouzü Mapao nou leshiyu maiye sü puletao nou züzhi-a buyu hinou peia baiwe.

LOUTAO 127:2 Iomraidhean Croise

JOB VEI LARÜBVÜ 11:18

Süthaisü neye donou veayu ali-a hazei tea vasho-a hrülai, Ramai nou neye vupeilai alia soyu peilai.

LOUTAO 3:5

Enou dazü tae ae zhitare, alia kheimathe Mapao nou Eye vupeie.

LOUTAO 4:8

Enou kaonaphi-a zülai ae zhiloulai, Oh Mapaowo, ne likhei nou Eye kaozhou aveih chekho-a peia baie.

LOUTAO 60:5

Nevei khouko sünou Etaoye khailupa peio; nenou leshi-a buyu maitaoye sü panou turei paloure donou Etao vei veachi sü keinou peio.

TSÜCHITAO 10:22

Mapao vei shiha nou soungi peiwe, alia puhnou sühisü leveayu hai thoupei moe.

KOPAODOUWO 1:14

Teinghi khehnou souyu vah lilihai Enou ngaowure; alia zhukhaio, hai teitei hai hamako baie, ae teikhaiye huhyu ali baie.

KOPAODOUWO 4:8

Mai alisü puh nah-a moa thaihou-jürai-a hae, ana puhvei terouyu hai akhai hae, alia puh nghithou hai kini nou ngaoposhu khayu hae. “E hai thaoye donou terou soua lahye savayu ali-a peimoa buwe” teanou puletao lah noue. Hai-a hamako baie alia lesa moyu vah ali baie.

KOPAODOUWO 5:12

Vah soumai ali hai, puhnou toupouyuma moa touchiyuma vasho-a zhilou baiwe; ana toungiyu maili vei kouliyu haina vanou puhye pa zhilai moe.

KOPAODOUWO 6:7

Mai alinou terouyu hai puhvei müye donoue, ana puhvei müzo hai rukhalou moe.

JEREMIAH 31:26

Süthaisü maikhe mainou haibüa paolai, ‘Enou zü-zhi ta-e ae veisho-a kaishu ngaoloue.’

EZEKIEL 34:25

Enou puletaoye panou kaozhou ashi daokhai toulai moe touyu vei vo ali puletaoye koa soupeilai. Enou teidei hi rekhaona ashi buyu teitei sü hulai peilai, sübüa panou avei zhaotu khesü kaozhou vei-a dou hinou hrülai ae vaohro hinou pa züzhilai.