LOUTAO 127:1 - SHEEYU BAIBEL (BSI)

¹ Mapao nou koa ki nasü soushu peimoyu thaio, ki soua buyu maitao vei telai sü hamako baie; Mapao nou nuh teidei nasü kho peimoyu thaio, reihkhao maitao nou kho-a buyu hai hako baie.

LOUTAO 127:1 Iomraidhean Croise

1 VEMAITO 5:12

Mapao nou chaachou soukhai touyu thaifüa Solomon hisü ratsü hai peie. Hiram ae Solomon kohisü keavei lathaoyu sü peie, alia puhai koa vo soukhaitoue.

1 PUOPAOKO 28:10

Mapao nou neye panou puhvei sheeyu Rathoki nasü soure donou doloure touyu sü sülo. Südonou chuo vah sü souta khaio, soutaosoua lelaloua nou vah sü soukhaio.”

1 PUOPAOKO 28:20

David veo nou puh nahpoutu Solomon hi paoe, “Khuveilo ae khouchilo. Vah sü soutakhaio, hataralia neye panou daichaoso. Ngaopiso moyuma chathai taso, daiolouzü Ramai Mapao, avei Ramai nou neye sü salai peilai. Nenou puhvei Rathoki nasü souche loumo koute puhnou neye thaokhai toulai moe.

1 PUOPAOKO 29:19

Anahpoutu Solomon ye panou puhvei hrümai ae tsüle teitei nou peia nevei chikhatao ae kharochi khesü züa bupeio, ae Enou soulo tea souda peikhai touyu Rathoki nasü panou souchelo.”

LOUTAO 120:1

E veahoyu phaki, Enou Mapao ye sü ku-e, ae puhnou Eye chila peie.

LOUTAO 121:1

Enou deichi khesü zhu-e; daikinou Eye soukha peire nasü velai?

LOUTAO 122:1

Puletao nou ahi haibüa paoyu phaki E lesa sho-e, “Etao Mapao vei ki hi velai khe.”

LOUTAO 123:1

Raki vanou vebuh soukhaitou-a buyu Mapao, Enou neye lashu zhua nou bue.

LOUTAO 124:1

Mapao nou Etaoye kozho peimoyu thaio, Etao daipha soulai? Israel maitaore, chila peikhaio!

LOUTAO 125:1

Mapao ye lüa louche-a buyu maitao hai Zion Deichi büwe, süna hai soulü louhoe, ae teisa nou bukoute-a bailai.

LOUTAO 126:1

Mapao nou Etaoye Jerusalem hi sa-a dakhai vepeiyu phaki, haisü zhiho mekou büa baie!

LOUTAO 72:1

Oh Ramai, veo sü nevei checheyu na hai doupeio, nevei kaozü nasü puh hi paongao peio,

LOUTAO 78:69

Puhnou buh sühinou rakiva puhvei ki buyu na büa puhvei Rathoki sü souloure; Puhnou teisa panou khouchia buloure donou deiphao soupeiyu büa sünasü soushupa peiwure.

TSÜCHITAO 16:9

Mai ali nou tsüchodawe, ana Mapao nou puhvei phika süthaita peiwe.

KOPAODOUWO 9:11

Süthai-a Enou ngaoe, teinghi kheh hio tuvayu hai tuveiyu navei souwumoe, moa reih hai khouko aveih navei soutumoe, moa raokhao hai tsüveio vei souchamoe, moa kini hai kaiyu maivei souwumoe, moa jüva souyu hai dokaisüo vei souwumoe; ana teile ae rako thaifüa mai hrülai hi pa-a baiwe.

SOLOMON VEI LOU 3:3

Enou nuh sühao-a zhutayu phaki nuh khomai ye ngao-e, Enou puletao hi noue, “Neletao aleshipu ye ngao homoe?”

SOLOMON VEI LOU 5:7

Nuh khomai taonou nuh sühao zhutayu phaki, puletao nou Eye ngaolou-a baire, puletao nou Eye dapeie, puletao nou Eye zipeie; romü khoyu maitao nou avei sahpu nasü soupha peia baire.

ISAIAH 27:3

“Enou reihkhao soua kipei hainasü khowe, teisa Enou hainasü dzü zükou tewe. Mai taralia panou hainasü soushi more donou Enou hea-khei kho-a bue.

ISAIAH 56:10

Puhnou paoe, “Süthai-apei mai hrülai hai nghithou chakhai toure, puletao hai halia sümore; dao moyu sei ali büre, puletao sü zhi-a memu-a bubaire, ae zü-zhiyu sü puletao nou jüpa-e.

ISAIAH 62:6

Oh Jerusalem, nevei kivo vahi Enou reihkhaomai khaipei khaitoue, puletaoye sü panou hea-khei-a ngasou buso. Mapao hinou buyu maitao, thaokhai toumoa vah soua bulo, asosouo.

JEREMIAH 51:12

Babilon vei kivo dakhore donou shee soungao peio. Reihkhao maitao khaipulo! Reihmaitao panou da-a kholo!” Mapao nou Babilon maitao hi soulai tea paokhai touyu khesü soupeiwure.

JEREMIAH 51:31

Babilon vei veo hisü puhvei nuhdu hai kainghou veishi hinou daphe dapho loure tea kopomaitao nou tobai soumoa tuve pao-a nou bure.

1 KORINTHMAI 15:14

alia Khrista hai hrishu loumoe toulouzü, süthaisü Ehnou paodouyu hai hako baire, ea neletao vei lü-a hako baire.

1 KORINTHMAI 3:7

Südonou shothou peiyu puh-a dzü züpeiyu puh-a matsü moe. Haisü Ramai likheithe kobaie, daiolouzü puhnou süübe naye soudupeie.

GALATIAMAI 4:11

Enou neletaoye donou te-a vah souyu sü hako baire moma tea ngaopiwe.

PAODAKHAIYU CHIKHA 8:18

Ana ne Ramai Mapao ye licholo, daisounou touyuo kinangi phoulou süyu khouko sü puhnou ne hi peie, alia südonou zhou teithe büa, dao neletao poupao hi puhnou vo soukhai touyu nasü lühthou peio.

JOSHUA 2:2

“Taho matsü sou-a nou Jeriko teidei nasü zhukhaio.” Paoyu chipao thaifüa puhai nou tare, alia Rahab tea kua buyu khakha pfüpai ki hisü puhai nou ve loulouwe, alia sühinou ve chaolouwe.