JOSHUA 9:7 - SHEEYU BAIBEL (BSI)

⁷ Ana Israel mainou Hiv mai hi paoe, “Neletao hai Ehye koa ngheia bubai mowu, etao nou nele ye koa kabüa nou vo soukhailai?”

JOSHUA 9:7 Iomraidhean Croise

SHURAI 10:17

Hivmai Arkimai, Sinaimai,

SHURAI 34:2

Süphaki Hivmai puona Hamor, buh sühi veo souyuna nahpoutu Shekem nou puhye ngaolou khaie, puhnou süthailoua sazü peire.

2 SAMUEL 24:7

Süthaisü puletao nou tashoupoa kou reihbuh soutou khaitoua buyu Tair maivei nuhdu hi veloue, sühinou tapoa Hiv mai alia Kanaan maivei nuhdu veishi hi tahoe. Tapoa ve akhai hisü Judah maivei teidei khekou buyu Beersheba hi veloue.

TAPALOUYU 23:22

Ana neletao nou puh chi zülouzü alia Enou neletao hi kharochi peikhai touyu teitei souloure toulouzü, neletao ngaoba maitaoye sü Enou dupeilai.

TAPALOUYU 3:8

Südonou chuo Enou puletaoye Ejipt mai bah hinou vupa loure donou vere, alia puletaoye sü teidei aveih, chonaodzü ae laivoudzü nou küa buyu teidei hi, chuchu Kanaan mai, Hit mai, Amor mai, Periz mai, Hiv mai ae Jebus mainou hrüa buyu teidei hisü save thoupeilai.

TAPALOUYU 34:12

Neletao nou takoure teideitao hi hrüa buyu maitaoye koa vo soukhai tiso, hakinou puletaoye koa vo soulouzü, sünasü neletaoye donou shorüh thoukhai touyu büa bailai.

MAIPEI PHOUYU 33:52

teidei sühi hrüyu mai hrülai hai hulaikhai touwo. Chuh nou ae hu nou soukhai touyu bashara veishi ae puletao nou rathoyu buh teitei hai souha laikhai tou-o.

PAODAKHAIYU CHIKHA 20:16

“Ana, neletao vei Ramai Mapao nou neletaoye peilaiyu teideitao reih soua polouyu phaki, sühi hrüyu mai hrülaiye sü southakhai-o.

JOSHUA 11:19

Gibeon hinou hrüyu Hiv mai likhe Israel maiye reih soumoyu baie. Teidei kukheo louzü reih hinou veiloua puletao nou pokhai toulouwe.

JOSHUA 9:1

Jordan vei teinghi loulo nou buyu vemai hrülai, deichi alia deikho hinou buyu mai-a, alia Zaidu pehinou poa kouh Lebanon vei pahilo buyu Hit mai, Amor mai, Kanaan mai, Perizz mai, Hiv mai alia Jebus mai teitei nou haihai süloukhaie,

CHIKUAPEI MAITAO 2:2

Neletaoye panou teidei haihi hrüa buyu maitaoye koa vo soulai moe, neletao nou puletao vei bashara khesü soushi souphe peilai.’ Ana neletao hai Enou paoyu büa soumore. Enou souso tea paoyu nasü soua baire.

CHIKUAPEI MAITAO 3:3

Tyahrü sütao sü haitaoe: Philistin mai nuhdu angou, Kanaan mai hrülai, Sidon mai, Lebanon deichi hinou hrüyu Hiv mai, Baal Hermon deichi hinou poa Hamath louyu ludu hi kouyu teitei-e.