JOSHUA 9:24 - SHEEYU BAIBEL (BSI)

²⁴ Puletao nou Joshua hi chila peie, “Etao nou daivanou haibüa soue toulouzü, nele Ramai Mapao nou puhvei kilai Moses hi teidei haitao peilai tea paopeiwure alia teidei hai hinou hrüa buyu mai teitei ye southakhai touwulai touyu Enou süloue, südonou neletao ye ngaopiyu donou haibüa souwure.

JOSHUA 9:24 Iomraidhean Croise

JOB VEI LARÜBVÜ 2:4

Saitan nou haibüa chila peie, “Mai ali hai hri-a buloure donou puh vei buyu teitei sü peilou süe.

MATHIU 10:28

Alia pfüphaoye southealou khaia rakoye southealou hoyu puletaoye piso; ana pfüphao ea rako ahaiye koa meizaihi pothou souhalou süyu Ramaiye pilo.

JOSHUA 10:2

Puhsü ngaopisholoure, daivanou toulouzü Gibeon maivei teidei hai veo mainou buyu nuhdu ali-e, Ai maivei nuh jünoua dupu hie, alia sühi buyu maitao hai sou-reih souvei shoyu mai khaitoue.

JOSHUA 2:11

Etao nou sühai choulou khaie, Etao khuh hatare, alia mai lihiro lüthou veiyu sü bumore, daiolouzü nele Ramai Mapao hai raki alia deiphao teitei hinou Mapao-e.

JOSHUA 2:9

haibüa nou paoe, “Mapao nou nemaiye teidei hainasü peiwure touyu E-a süwe, alia Eh nuh maitao nou nele ye sü ngaopi sholoure, alia hai hi hrüa buyu Eh nuhmai hrülai nou neletao ye dure donou khuveiyu hai ali-a hazhire.

JOSHUA 6:21

Nuhdu sünahi buyu poutumai alia naotumai hrülai, nahlemai alia tsümai hrülai, cho-ngha, zhaotu, alia rhei teitei hai khoche nou daotha khaire.

JOSHUA 9:9

Puletao nou chila peie, “Nevei kilaiwo bu doushoyu nuh hinou ve-e, daisounou touyu nele Ramai Mapao zhih hai duwe; Puhnou Ejipt hi kabüa nou vah souwe touyu teitei hai etao nou choue,