JOSHUA 9:17 - SHEEYU BAIBEL (BSI)

¹⁷ Israel mainou tapoa kou teithe asü zhousü puletao vei nuh hisü koure. Puhmai vei nuhdutao hai daidaie toulouzü - Gibeaon, Chephirah, Beeroth alia Kirithjearim haitaoe.

JOSHUA 9:17 Iomraidhean Croise

2 SAMUEL 4:2

Saul nahpoutu vei reihmai peikhoyu mai ahai bue, mai alina zhih sü Bannah alia kukhe alina zhih nou Rekhab toue; puhai sü Beeroth hi buyu Benjamin khü hi Rimmon nahpoutu kheie. (Beeroth hi bumai-a Benjamin khü vei maie tea chowe.

1 PUOPAOKO 2:50

Haitao hai Kaleb vei tyaosholea maitao-e. Hur hai Kaleb ae Ephrath nahpoutu tsükana-e. Hur nahpoutu Shobal nou Kiriath Jearim nuhdu nasü soushupeie.

1 PUOPAOKO 2:52

Kiriath Jearim soushu-apeio Shobal vei nahpoutu kukhe maitao hai Haroeh, ae Menuhoth nuhdu hinou hrüa buyu dalilo,

1 PUOPAOKO 2:53

Kiriath Jearim hi hrüyu maitao, Ithrit maitao, Put mai, Shumath mai, ae Mishrait mai-e. (Zorah ae Eshtaol nuhdu hinou hrüyu maitao-a puhvei tyaosholea-e).

1 PUOPAOKO 21:29

Teile hai phaki, Moses nou rekou nou soukhai touyu Mapao vei Sahpao ae meidei-a posheelayu posheelabu nasü Gibeon hinou rathoyu ki hi buhie.

JEREMIAH 26:20

(Mai kukhe ali Mapao zhih hinou Jeremiah büa nuhdu haina ae tyahrü haina donou rachipaola peia bue, puh sü Kiriath Jearim puona Shemaiah nahpoutu Uriah toue.

JOSHUA 10:2

Puhsü ngaopisholoure, daivanou toulouzü Gibeon maivei teidei hai veo mainou buyu nuhdu ali-e, Ai maivei nuh jünoua dupu hie, alia sühi buyu maitao hai sou-reih souvei shoyu mai khaitoue.

JOSHUA 15:60

Kiriath-baal (Süolai Kiriath-jearim), alia Rabbah: nuh ahai.

JOSHUA 15:9

Süthaisü deichi tao hinou poa Nephtoah dzülaa hi loue, alia sühinou poa Ephron deichi hi buyu nuhtao hi koue; sühinou Baalah (süolai Kiriathjearim) hilo hripoa kouhwe.

JOSHUA 18:14

Süthai deiraih hai dakhai shako teinghi loulova buyu deichi hi kouhloua khelokouh Beth-horon pahi buyu Judah mai vei teidei Kiriath-baal (mokhai-a Kiriath-jearim) touyu hilo kouhwe. Teinghi loulova deiraih sü haitaoe.

JOSHUA 18:15

Khelo vei deiraih hai Kiriath-jearim deikai hinou poshia Ephron deiraih hilo kou Nephtoah dzüla hi koue.

JOSHUA 9:16

Vo souyu teithe asü thaisü, puletao hai puhmai vei kinapa baie alia koa nou süpe hinou hrüzhoa buyu mai baie touyu süloure.

JOSHUA 9:18

Ana Israel mainou puletao ye reih soumoe, daiolouzü Ramai Mapao zhih hinou puletao ye koa chaachou souwure. Südonou Israel mai hrülai nou süthai-apei maitao pei hisü raore.

JOSHUA 9:3

Ana Gibeaon mai nou Joshua nou kabüa Jeriko alia Ai mai ye souhawure touyu süloukhaie,

JOSHUA 9:9

Puletao nou chila peie, “Nevei kilaiwo bu doushoyu nuh hinou ve-e, daisounou touyu nele Ramai Mapao zhih hai duwe; Puhnou Ejipt hi kabüa nou vah souwe touyu teitei hai etao nou choue,

CHIKUAPEI MAITAO 18:12

Puletao nou tave Judah teidei hinou buyu Kiriath Jearim tea kuyu buh hinou fühao souloua chaore. Südonou buh sünasü chukoute hai Mahaneh-dan (Dan maivei fühao buh) tea süwe, süsü Kiriath Jearim teinghi loulova nou bue.

1 SAMUEL 6:21

Puletao nou Kiriath Jearim maitao hi haibüa ko seitare, “Philistin mainou Mapao vei Vo Sübvü nasü Etao hi seive peikhai toure. Takou haina sü poloua neletao hi pove khailo.”

1 SAMUEL 7:1

Südonou Kiriath Jearim hi mainou ve Mapao vei Vo Sübvü nasü poloua deichi vanou buyu Abinadab ki hisü pove khaiwure, ae puh nahpoutu Eleazar ye panou Vo Sübvü nasü zhure donou sousheeloua vahbu thoupeie.