JOSHUA 9:13 - SHEEYU BAIBEL (BSI)

¹³ Zhaohbvü hai-a araikio shihtoua zhaoh lathou loua pfütae, ana chuo etao nou doushoa ludu tayu donou, hai-a pasa tare; alia etao vei sahbanü alia phikha-a pasasa tare.”

JOSHUA 9:13 Iomraidhean Croise

MATHIU 9:17

Moa maitalinou-a darkha zhaoh ashu hai souheebvü akuna hi thoutamoe, hakinou thoulouzü souheebvü taosü pfükhowulai ea darkha zhaoh sü küpalai, alia souheebvü taosü soushiwu bailai. Süjüwo darkha zhaoh ashuhai sheetouyu souheebvütao hi lathou baiwe ea sübüa sühaisü veishoa khailou baiwe.”

MARK 2:22

Moa maitalinou darkha zhaoh ashuhai souhee zhaohlah kutaohi lathouwumoe, daiolouzü darkha zhaoh nou souhee zhaohlahye sü pfükhowu bailai, alia zhaoh ea souhee zhaohlahtao ahaikhei nou soushiwu bailai. Ana darkha zhaoh ashu sü souhee zhaohlah ashu hi lathoulai.”

LUK NOU RÜYU KO AVEIBVÜ 5:37

Moa maitalinoua darkha zhaoh ashuhai souheebvü kutaohi thoukhai moe; hakinou thoulouzü, darkha zhaoh ashu nasünou souheebvü taoye sü soukhowulai ea sünasü vakouhi küpa bailai, alia souheebvü taosü soushiwu bailai.

PAODAKHAIYU CHIKHA 29:5

Enou po raidai neletaoye rekounou süthaisa-a tayu hisü neletao vei sabanü ae phikha khesü shita-a banoure hamoe,

JOSHUA 9:12

Haihi Etao raokhao bue; Etao nou ludu ta-a buki toure donou kihio lüa nou pfütae, ana chuo zhukhaio, Etao raokhao hai thekeire alia kirü tare.

JOSHUA 9:14

Sükua paopei khaie, Israel mainou Mapao vei vu noukhai toumoa nou puletao ye koa touso tou zholoure.

JOSHUA 9:4

Puletao nou da-a nou shodo souloure: puletao nou taho touso souda loure, alia rheisüh phao hisü lükhabvü kulinou khailoue, alia puletao zhaoh bvü sü shisasayu linou rüloue,

JOSHUA 9:5

alia puletao phikha sü kuyu linou kholoua pasasayu sah bahnü noulouwe; alia puletao nou toure raokhao sü chirürüyu noupoloua nou tare.