JOSHUA 9:10 - SHEEYU BAIBEL (BSI)

¹⁰ alia puhnou kabüa Jordan dapolo buyu Amor mai veo ahai hi souyu, Heshbon mai veo Sihon alia Ashtaroth hinou hrüa buyu Og mai veo Bashan hi souyu vah teitei-a Eh nou süre.

JOSHUA 9:10 Iomraidhean Croise

SHURAI 14:5

Po kiadai kousü Khedorlaomer alia puhye koa müpfü zhoyu vemai taonou Ashteroth Karnaim hinou Rephaim, Ham hinou Zuzim, Shareh-kiria thaim deikho hinou Emin,

1 PUOPAOKO 6:71

Gershon puonah maitaoye khelo peikhai touyu nuhdutao alia süpetao hi buyu hiphao noupu peie; Teinghi palova Manasseh maitao nou Bashan hi buyu Golan nuhdu alia Ashtaroth nuhdu peie.

MAIPEI PHOUYU 20:14

Moses nou Kadesh hinou Edom hi veo hisü haibüa kopomaiye seita-e, “Nevei thaihou jürai soua buyu Israel mainou haibüa paowe: Etao nou veahoyu veishi hai nenou süwe,

PAODAKHAIYU CHIKHA 1:4

Haihai Mapao nou Israel maiye panou Heshbon hinou buyu Amor maivei veo Sihon, alia Ashtaroth ae Edrei nuhdu hinou hrüyu Bashan maivei veo Og puhai jünou reih veilouyu thainoue.

PAODAKHAIYU CHIKHA 2:30

“Ana Heshbon hi veo Sihon nou süsü aetou peinü more, daiolouzü Ramai Mapao nou puhle sü soukhou peiwure, daisounou touyuo Etaoye panou reih soukou puhvei teidei sü poloure donoue, teidei sünasü Etao nou chukoute hrüa bue.

JOSHUA 12:4

Puletao nou Rephaim mai teidei hinou akhai nasoua Bashan veo Og hi reih veiloue; puhnou Ashtaroth alia Edrei hinou mave soua bue.

JOSHUA 13:31

alia Gilead teidei dahli, Ashtaroth alia Edrei, Bashan hi buyu Og veo vei nuhdu teitei louwe; haitao hai Manasseh nahpoutu Makir kihikhamai dahli ye peie.

JOSHUA 2:10

Daiolouzü neletao nou Ejipt teidei hinou tapayu phaki, Zai Ho dzü sü kabüa neletao Mapao nou neletao nghoujü nou southe peie touyu, alia neletao nou Jordan rei tachopa Sihon alia Og, Amor maivei veo ahai ye neletao nou kabüa shishoa souha peie alia puhai hi daie soupeie touyu Etao nou choue.

JOSHUA 2:9

haibüa nou paoe, “Mapao nou nemaiye teidei hainasü peiwure touyu E-a süwe, alia Eh nuh maitao nou nele ye sü ngaopi sholoure, alia hai hi hrüa buyu Eh nuhmai hrülai nou neletao ye dure donou khuveiyu hai ali-a hazhire.

JOSHUA 9:11

Südonou nuh hi tsümai alia teidei hinou hrüa buyu mai teitei nou etao ye taho haibüa paopeiwo teanou seivewe, ‘Neletao nou veidu hi toure donou touso poloua taho neletao ye daowo, alia haibüa neletao hi paokhaio, Etao hai nele vei kilai baie; südonou etao ye koa vo soupeio,’ teanou.

JOSHUA 9:9

Puletao nou chila peie, “Nevei kilaiwo bu doushoyu nuh hinou ve-e, daisounou touyu nele Ramai Mapao zhih hai duwe; Puhnou Ejipt hi kabüa nou vah souwe touyu teitei hai etao nou choue,