JOSHUA 8:35 - SHEEYU BAIBEL (BSI)

³⁵ Moses nou kharochi peikhai touyu tao hai Joshua nou Israel mai hi, naotumai tao hi, mai taidu hi, alia vakou nou ve hrüa buyu mai teitei hisü chako aliro phoupei chemoyu hae.

JOSHUA 8:35 Iomraidhean Croise

EZRA 10:1

Ezra nou Ramai ki hinou veachi pao-a kra-a mah paopa buyu teile hi, Israel mai hrülai: naotu poutu ae nahmai, puletao mai hrülai nou puhye sühao poa bue; maikhe mai-a alao sou kra-e.

NEHEMIAH 8:2

Südonou Ezra nou Chikha Larübvü nasü naotu poutu, ae sükulou süyu mai hrülai vejüa buyu buh hisü pove loure.

NEHEMIAH 8:3

Puhnou rokhubomü hilo reiloua Chikha nasü shona nou poa hea koute hai phoungao-e, ae mai hrülai nou lenou shoa kei-nou peie.

TAPALOUYU 12:38

Mai kukhe mai-a loua nou kikhaorü, zhaotu ae nghitu alao koa puletaoye tae.

JEREMIAH 26:2

Mapao nou ahi haibüa nou paoe, “Rathoki vei bomü hinou laloua Judah vei nuhdutao hinou hrüyu maitao nou ratholai tea velouyu mai hrülai hisü Enou ne hi paopeio tea kharochi peikhai touyu khesü maikhe hi paopeio. Chipao ali koute-a paoche moyu sü souso.

JOEL 2:16

maisouye save jülouo. Vejüa buyu maisouye sü sousheelo, tsümai taoye save jülo, nahmai-a save jülo, naonao buyu nahmai koutea save jülo. Nghisha soulai tea buyu na-a pa puh kisü thaowu-o, nghilai tea buyu napai-a pa puh buh sü thaowo.

ZEKHARIAH 8:23

Süzhou teithe hisü vakoumai kirou nou Jihudimai ali hi ve haibüa paolai, ‘Etao-a neye sa-a talai, daiolouzü Ramai nou neletaoye koa salai peiwe touyu choue.’ ”

MARK 10:14

Ana Jisu nou süsü ngaoloukhaie puh hai lekhaloua puh rozümaitao hi paoe, “Nahtumai taoye panou Ahi kouwo, alia puletaoye nuso, daiolouzü Ramai Vedeihai haibüyu maitao veie.

SEI-ATAMAI VAHTAO 20:27

Daiolouzü Enou neletao hi Ramai vei lichoyu teitei paongaoyu hisü halia pokukhaiyu hae.

SEI-ATAMAI VAHTAO 21:5

Ana Eletao nou puletaoye koa sühinou bure teile cheyu kisü buh süsü thaowu-a Eletao veih duhi talou khaire; alia puletao hrülainou maipfümai ea nahmaitao ye koa Eletaoye nuhdu hinou paosapoa zaipei hi vepeiwu-a sühinou Eletao hrülaisü kou khou khüloua veachi paoe.

PAODAKHAIYU CHIKHA 29:10

“Zhou neletao mai hrülai hai neletao Ramai Mapao nghoujü hinou labue — neletao vei süthai apei maitao, peichamai, tsümai, peikhomai, poutumai hrülai,

PAODAKHAIYU CHIKHA 29:11

neletao nahmai, chapfü maitao, neletao hinou ve hrüa buyu vakou mai hrülai, süü raoyu ae dzü popeiyu mai hrülai koa labue.

PAODAKHAIYU CHIKHA 29:9

Südonou vo haina hai soutaosoua zütou toulo, sükure toulouzü neletao nou souyu vah teitei hi kaozhou veilai.

PAODAKHAIYU CHIKHA 31:12

Neletao nuh teidei hinou hrüa buyu naotu poutu, nahmai ae shetumai hrülaiye kuve jüloua puletaoye panou chouloua neletao Ramai Mapao vei chikha khesü pa ngaopilo alia soutaosoua panou zülo.

PAODAKHAIYU CHIKHA 4:2

Enou neletao hi paopeiyu chikhatao hisü haliro thoupuso moa poa popaso. Enou neletao hi peikhai touyu Ramai Mapao vei chikha khesü zütoulo.