JOSHUA 8:33 - SHEEYU BAIBEL (BSI)

³³ Süthai hai, Israel mai hrülai, vakounou ve hrüa buyu mai, alia puletao vei tsümai, peikhomai, ae chiku-apeimai taonou, Mapao vei Vo Sübvü poa buyu Levi vei napaomai tao lah-a buyu dapolo vanou bue, ae puletao mai dahli nou Gerizim deichi palonou bue, alia mai dahli taonou Ebal deichi hilonou bue. Sübüa nou Israel mai ye ha peire donou Mapao vei kilai Moses nou arai nasou-a kharochi peikhai touyu bue.

JOSHUA 8:33 Iomraidhean Croise

TAPALOUYU 12:49

Israel mai hia alia shetumai nou neletao hi ve koa hrüyu mai hia Tachopa Nüh vei zhai haitao sü raibütoua bailai.”

LEVIMAI LARÜBVÜ 24:22

Chikha hai nasü Israel mai hrülai hi, ae vakou mainou Israel maiye koa hrüzho-a buyu mai hrülai hia talai, daiolouzü E hai neletao vei Ramai Mapao-e.”

MAIPEI PHOUYU 15:15

Vere teile veishi hinou zhai haitao raibütou-a neletao hia ae vakou mai hia ta-a bailai. Neletao-a ae puhtao-a Mapao vei nghingao hiolouzü raibütoua baie;

MAIPEI PHOUYU 15:16

chikha ae zhaitao hai raibütoua neletao hia alia puletao hia ta-a bailai.

MAIPEI PHOUYU 15:29

Zhai hai nasü sümoa soumah khaitouyu Israel mai moa shetumai hrülai hisü raibütoua talai.

JOHAN 4:20

Eh puo-pao mainou deichi haina hinou Ramaiye thowe; ana emainou Ramaiye thore buh louzü Jerusalem hi bai tea nelenou paoe.”

PAODAKHAIYU CHIKHA 11:29

Neletao nou talou polou laiyu teidei hi neletao Ramai Mapao nou neletaoye sa-a talouki, neletao nou Gerizim deichi hinou shiha taosü shapaolai alia Ebal deichi hinou chaa taosü shapaolai.

PAODAKHAIYU CHIKHA 31:12

Neletao nuh teidei hinou hrüa buyu naotu poutu, nahmai ae shetumai hrülaiye kuve jüloua puletaoye panou chouloua neletao Ramai Mapao vei chikha khesü pa ngaopilo alia soutaosoua panou zülo.

PAODAKHAIYU CHIKHA 31:25

puhnou Mapao vei Vo Sübvü khoyu Levi maitao hisü paoe,

PAODAKHAIYU CHIKHA 31:9

Moses nou chikhatao sü rüloua Mapao vei Vo Sübvü poa tayu Livi maitao ae süthai-apei maitao bah hi peiwure.

JOSHUA 23:2

Südonou Joshua nou Israel mai hrülaiye sü; tsümai, alia peikho mai, chiku-apeimai alia vah adu-pfüyu maitao hisü paoe, “E hai chuo tsüloure, alia avei mapo haia taoli pare;

JOSHUA 24:1

Süthaisü Joshua nou Israel mai hrülaiye sü Shechem hinou save jüloue, alia puhnou Israel mai hi tsüsoua buyu maitao, chiku-apei maitao, alia vahdumai taoye kuve jüloue; süthai puletao nou Ramai nghoujü hisü kouloue.

JOSHUA 3:14

Puletao nou puletao vei sahpao nasü thaowure, alia napao maitao nou Vo Sübvü sü kaopoa maisou nghoujü nou rai-a Jordan rei kacho kouyu phaki,

JOSHUA 3:3

alia puletao hi haibüa kharochi peie, “Neletao nou Ramai Mapao vei Vo Sübvü nahai naasou peia buyu Levimai nou kaopoa tayu ngaolouzü, neletao-a buh hai nasü thao-a puletao thaifü talo.

JOSHUA 3:6

Alia Joshua nou napao maitao hia paoe, “Vo Sübvü nasü polou-a maisou nghoujü nou raitalo.” Puletao nou Vo Sübvü nasü poloua nou maisou jünou rai-a tare.

JOSHUA 4:10

Moses hi Mapao nou kharochi peikhai touyu taohai Joshua nou maisou hi phouche loumo koute, Vo Sübvü poa buyu napao maitao nou Jordan rei touchü hinou la-a bupeie. Süphaki Israel mainou thasho-a rei sü kacho kouloue.

JOSHUA 4:18

Süthaisü Mapao vei Vo Sübvü poa laiyu napao maitao nou Jordan rei touchü hinou tapa loure, alia puletao nou tapoa deithe hi paloure toukhai-e, Jordan reidzü sü raiki küyu büa kütare alia kükou reipe teitei sü phouloure.

JOSHUA 6:6

Sübüa nou Nun nahpoutu Joshua nou napao mai teitei ye kuloua paoe, “Mapao vei Vo Sübvü polo, alia napao mai anai nou shabe nghou poa Mapao vei Vo Sübvü nghoujü nou talai.”