JOSHUA 8:2 - SHEEYU BAIBEL (BSI)

² Neletao nou Jeriko veo alia nuhdu sünahi souyu büa nou Ai mai veo alia sühi buyu mai hi soulai; neletao nou soushi khaitouyu natao alia kikhaorü likhei neletao vei zhasoua bailai; nuhdu nahisü thailo nou reih soupoa loukhaio.”

JOSHUA 8:2 Iomraidhean Croise

2 PUOPAOKO 13:13

Jeroboam nou puhvei reihmai kamai-a panou Judah maitao thailo nou tutsüa daloure donou seitawure, ae reihmai kukhe teitei sü puletao vei nghoujü nou bue.

2 PUOPAOKO 20:22

Puletao nou lou soutayu phaki, Mapao nou Judah mai pei hi reih soulai tea veyu Ammon, Moab ae Edom maiye sü soupho rarou khaiwure.

LOUTAO 39:6

khungu ali büa hata-a baie. Puhnou soupfükhai touyu veishi sü hamako baie; puhnou kini pojü khaitue, ana thaonou poloulai touyu sü puhnou sümoe.

TSÜCHITAO 13:22

Mai aveih mainou puhvei tounah mai hi nangi khesü kaa khaidai peiwe, ana mah maili vei chingi sü acheche mai donou pojü khaipeia baie.

TSÜCHITAO 28:20

Louchelou veiyu mai nasü vasa-a nou puhvei hrü hai hrüche loulai, ana thasho-a nou toungi nüyu maisü souvea peimoa panou talai moe.

JEREMIAH 17:11

Kaozü moyu hinou kini ngaolouyu maitao hai raohou alinou dzü dzükhai toua toutu komoyu bütoua baie. Puhnou vasho-a buyu teile hinou puhvei nangi khesü hata-a bailai, ae akhai hisü vomai ali büa puhsü halia bulai moe.

JEREMIAH 51:12

Babilon vei kivo dakhore donou shee soungao peio. Reihkhao maitao khaipulo! Reihmaitao panou da-a kholo!” Mapao nou Babilon maitao hi soulai tea paokhai touyu khesü soupeiwure.

PAODAKHAIYU CHIKHA 2:35

Etao nou kikhaorü khesü poloue, ana nuhdu khesü soushiwure.

PAODAKHAIYU CHIKHA 20:14

Ana naotumai, nahmai, kikhaorü alia nuhdu hi buyu na veishi hai poloua bailai. Neletaoye ngaobayu maitao vei na khesü neletao nou khi-a bailai, daiolouzü süsü neletao vei Ramai Mapao nou neletao hi peiwure.

PAODAKHAIYU CHIKHA 3:2

Ana Mapao nou ahi paoe, ‘Puhye ngaopiso, daiolouzü Enou puh, puhvei maitao alia puhvei teidei teitei sü ne hi peilai. Neletao nou Heshbon hi buyu Amor mai veo Sihon hi soupeiyu zhai büa puh hi-a soupeio.’

JOSHUA 10:1

Jerusalem hi veo Adonizedek nou Joshua alia Israel mai nou Ai mai teidei poloua sühi veo ye southawuyu alia Jeriko mai veo hi kabüa soupeie touyu, süthaisü Gibeon hi hrüa buyu mainou Israel maiye chavei louyu kotao süloukhaie,

JOSHUA 10:28

Joshua nou süzhou teithe hinou Makkedah teidei polouwe alia puhnou sühi veo alia nuhmai hrülaiye sü southawure; mai alikheia shomoa souha khaitouwure. Puhnou Jeriko veo hi souyu zhaibüa Makkedah veo hia soupeie.

JOSHUA 11:14

Muteiyu natao alia hrikhaonatao hai Israel mainou lahye donou nuhdu sütao hinou poloue, ana sühinou hriyu hrikhaona teitei nou southa khaitouwure.

JOSHUA 6:21

Nuhdu sünahi buyu poutumai alia naotumai hrülai, nahlemai alia tsümai hrülai, cho-ngha, zhaotu, alia rhei teitei hai khoche nou daotha khaire.

JOSHUA 8:12

Puhnou mai thehngou phali panou reih huloure donou teinghi loulo vanou buyu Bethel alia Ai mai nuh kohi khaiwure.

JOSHUA 8:14

Ai mai veo nou haihai ngaolou khaie, puhnou nuhdu hi buyu mai hrülaiye sü panou thashoa reihna tudaloua nou shona nou Jordan Deikho hisü Israel maiye reih soure donou khetare; ana puhnou Israel maitaoli puhvei nuh thailo nou reih huloulai donou da-a bue touyu sülou more.

JOSHUA 8:19

Joshua nou puh bah hi buyu heung nasü polakhaie, nuh thailo nou tuchüa buyu maitao nou nuh sü hulou poloure, alia puletao nou nuhdu sü thashoa nou mei deitare.

JOSHUA 8:24

Israel mainou Ai maiye rekounou southa khaitouyu thai, puletao nou Ai nuh hisü dakhai veloua sühi buyu na veishi hai khoche nou daoshi khaiwure.

JOSHUA 8:3

Süthaisü Joshua nou tashuloure, alia Ai nuhdu hi tapa reih soure donou reihmai hrülaiye sü saloure; Joshua nou reih souveiyu mai thehshirou doloure, alia sümaitaoye sü kheinou seitawure.

JOSHUA 8:7

Süthaisü neletao nou buyu buh hinou tapaloua nuhdu nasü reih hupoa lou polo; daiolouzü Ramai Mapao nou neletao bah hisü veilouyu peilai.

JOSHUA 8:8

Neletao nou talou nuhdu polouyu thai, nuhdu nasü meinou deiwulai. Mapao nou paopeiyu büa neletao nou soulai; süsü Enou neletao hi kharochi peiwure.”

JOSHUA 8:9

Joshua nou puletaoye sü seitawure; puletao nou taho Ai maivei teidei, teinghi loulova nou buyu Bethel alia Ai nuh kohinou buloure; ana süzhou khei sü Joshua nou puh nuhmai ye koa nou bubaie.

JOSHUA 9:3

Ana Gibeaon mai nou Joshua nou kabüa Jeriko alia Ai mai ye souhawure touyu süloukhaie,