JOSHUA 8:1 - SHEEYU BAIBEL (BSI)

¹ Mapao nou Joshua hi paoe, “Ngaopi souwo mokhaia lekhaiwu sou; reih souyu mai teitei ye saloua nou Ai mai nuh hisü talou khaio; Enou neletao hi Ai mai veo, puhvei nuhdu alia teidei sühi buyu teitei nou neletao bah hi peithouwure.

JOSHUA 8:1 Iomraidhean Croise

LOUTAO 27:1

Mapao hai avei ava ae Eye khailupa apeio nasüe; Enou mailia ngaopi laimoe. Mapao nou Eye kaozhou ashi teitei hinou vupa peiwe, haliro Enou ngaopire sü ha-e.

LOUTAO 44:3

Nevei maitao hai puletao vei teidei sü khoche nou poa kolou moe, puletao nou soureih veilouyu hai lah puletao vei khouko vanou moe; ana nevei khoukho, ae nevei pfüchi, ae nenou kozho peia salai peiyu donou baie, daiolouzü nenou puletaoye sü leshi peie.

LOUTAO 46:11

Khoukhoulai Mapao nou Etaoye salai peie, Jakob vei Ramai hai Etao vei baibue.

ISAIAH 12:2

Ramai hai Eye khailu apeio nasüe, Enou puhye louchelai alia haku liye pilai moe; daiolouzü puhnou avei khouko ae pfüchi nasüe, puh hai Eye khailupa peiyu nasüe.

ISAIAH 43:2

Neletao nou reidzü kacho phaki, Enou neletaoye salai peilai; ae veahoyu ve daoyu phaki, sükheye panou neletao jünou veilou ngalou laimoe. Neletao nou mei tachoyu phaki, meiye sü panou neletaoye dei laimoe; ae neletao vei hrümai hi tatei shoyu vedao-a buyuma sükheye panou neletaoye soushiwulai moe.

JEREMIAH 46:27

“Avei maitaore, ngaopiso, Israel maitaore, chathai taso. Enou neletaoye dousho-a buyu teidei hinou vupa peilai, neletaoye hukhamai soua nüpoa tayu teidei hinou khailupa peilai. Neletao nou ki hisü dakhaive loulai ae kaona-a hrüloulai; neletao hai zhoukao vei-a buloulai, ae mai linoua neletaoye soupilai moe.

JEREMIAH 49:3

Heshbon hi maitaore, kra-a dopfülo! Ai maiye sü souhawure! Rabbah hi naotu maitaore, dopfülo! Soukhousah banaolo ae dopfülou khaio. Bürarou poa nou tuta khaio. Neletao vei Molek rahye sü puhvei napao maitao ae veo nahpoutu maitaoye koa vakou nüpoa tare.

DANIEL 2:21

Puhnou phateile sü souda peiwe, vemaiye popa pothou peiwe; Puhnou tsüvei mai hi tsüsü thoupeiwe, ae tsüsüyu mai hisü tsüdo peiwe.

DANIEL 4:25

Süolouzü neye maisou hrohinou hulaiwulai, ae neye panou rekhaona taoye koa hrütalai; Kukulai hi Abuwo Ramai nou deiphao mai vedei pei hia khosa-a hrüwe alia puhnou vebuh sü peinüyu mai hi peiwe touyu nenou süloumo koute po anai hai neye panou chode ali büa poudai toulai, alia neye rakiva nou kouyu vidzü panou ne pfüphao sü koucha-a hrülai.

DANIEL 4:35

Puhye donou deiphao mai hai hazhotou lia moe; rakivamai ae deiphao mai hrülai hai puhvei khakhe hinou bue. Mai tarali nou puhye dulou hoe, mokhaia puhnou souyu vah khesü daivanou souwe tea noulou hoe.

MATHIU 8:26

Jisu nou puletao hi chila peie, “Neletao daidonou piwe? Lü taishoyu maitaore!” Süthaisü puhnou shuloua teikhaitaoye ea zaiye soloure donou kharochi peie, alia sühisü kaonaphi loure.

PAODAKHAIYU CHIKHA 1:21

Zhukhaio, neletao Ramai Mapao nou teidei nasü neletao hi peiwure, neletao puopao Ramai nou apaopei khaitouyu thaifüa tapa teidei sü poloua thaolo, ngaopiso moa chathaiso.’

PAODAKHAIYU CHIKHA 31:8

Mapao nou neye sü sa-a tapeilai; puhnou neye pa kaodu takhailai moe moa neye thaopei laimoe, südonou ngaopiso moa le khaitaso.”

PAODAKHAIYU CHIKHA 7:18

Puletaoye sü ngaopiso; neletao Ramai Mapao nou Pharaoh veo hi ae Ejipt maitao hi dai-e soupeie touyu khesü licholo.

PAODAKHAIYU CHIKHA 7:21

Mai sütaoye ngaopiso; daiolouzü Ramai Mapao hai neletao hrohinou bue, puh hai dushoyu Ramai-e alia ngaopi shoyu Ramai-e.

JOSHUA 1:9

Enou ne hi kharochi peiwe, “Khouchilo alia khuh veilo; ngaopiso, mokhai-a lüa kouwusou, daiolouzü nenou tayu buliki nevei Ramai Mapao nou neye koa salai peilai.”

JOSHUA 10:7

Südonou Joshua nou reihmai hrülai ye sü saloua Gilgal hinou tashu tare.

JOSHUA 10:8

Mapao nou Joshua hi paoe, “Puletao ye ngaopi souo, daiolouzü Enou puletao hai ne bah hi peiwure; puletao nou nele ye hakilia dulou hoe.”

JOSHUA 2:24

Puhai nou Joshua hi paoe, “Cheche vujünou Mapao nou teidei süna hai Etaoye peiwure, alia süthemoa sühi buyu mai hrülai hai lethai tare alia etaoye ngaopi shoa bubaire.”

JOSHUA 6:2

Mapao nou Joshua hisü paoe, “Zhukhaio, Enou Jeriko hi veo alia puhvei reihmai teitei nou ne bah hisü peiwure.

JOSHUA 7:9

Daiolouzü Kanaan alia teidei hai hinou hrüa buyu mai teitei nou haisü chouloua etaoye ve sühaoloua nou, alia etaoye souha khaiwu louzü; nevei zhih aveih adu naye donou Ne daie soulai?”