JOSHUA 7:9 - SHEEYU BAIBEL (BSI)

⁹ Daiolouzü Kanaan alia teidei hai hinou hrüa buyu mai teitei nou haisü chouloua etaoye ve sühaoloua nou, alia etaoye souha khaiwu louzü; nevei zhih aveih adu naye donou Ne daie soulai?”

JOSHUA 7:9 Iomraidhean Croise

LOUTAO 115:1

Oh Mapaowo, nevei tobai soumoa leshi peiyu donou, ae nevei chilee checheyu donou nevei zhih aveih nasü paosholai, Etao hi paolai moe, neye likhei kathe aveih nasü pao-a bailai.

LOUTAO 48:10

Buh veishi hinou neye sü maikhe mainou paoshowe, ae nevei kathe hai deiphao teitei hi süve khaire.

LOUTAO 79:9

Etaoye soukha peio, Oh Ramai, Etaoye khailupa peio; neye tsükhou loure donou Etaoye vupa peio ae Etao vei mahmo khesü khaipeio.

LOUTAO 83:4

Puletao nou paoe, “Khe, puletao vei tyahrü veishi nou souha peilai she, sübüa Israel maiye panou teisa nou ngaibailai khe!”

LOUTAO 83:5

Puletao nou tsüle ali souloua me zholoure; puletao nou ne pei hi hrailai donou vo souloure:

TAPALOUYU 32:12

Daisounou Ejipt maiye panou haibüa paolai, ‘Puletaoye souhawure donou sata baie alia deiphao hinou souhawure donou sata baie.’ Nevei lekha rarou nasü khaipeia baio, ae nevei maitaoye souhawulai touyu nasü khaipeia baio.

EZEKIEL 20:9

Ana Enou sübüa soupei more, daiolouzü puletao nou koa hrüyu maitao nghoujü nou Enou puletaoye sü Ejipt hinou sapa peilai tea paosüpa peiwure, südonou avei zhih sü panou shimore donou Enou soupei more.

JOEL 2:17

Mapao vei napao maitao, alia puh vah souyu maitao ye pa rathoki bomü phi ae rashilayu buh kohinou kra-a panou paokhaio, “Oh Mapaowo, nevei maitaoye vupeilaio, alia tyahrü khemai panou ngaora-a konüyu tyaonah soupeisouo. Daidonou puletao nou Etao ye haibüa paolai, ‘Puletao vei Ramai daiki bue?’ ”

MIKAH 7:10

Süthaisü Etaoye ngaobayu maitao nou haisü ngaolai, “Neletao vei Ramai Mapao sü daiki bue?” tea konüyu maitao sü hraongu ngaolai. Puletao nou kaodu tayu sü Etao nou ngaolai; ae puletaoye sü mainou taidei poa ta-a bailai.

MAIPEI PHOUYU 14:13

Ana Moses nou Mapao hi paoe, “Nenou mai haitaoye sü nevei khouko sünou Ejipt hinou sapa peikhaitoue. Nenou nevei maitao hi soupeikhai touyu vah khesü Ejipt mainou choulouyu phaki,

JOHAN 12:28

Apuo, nezhih adusho soulouwo!” Sükisü rakinou paili shakoue, “Enou sünahai soudusho peire, alia Enou sünahai soudusho pupeilai.”

PAODAKHAIYU CHIKHA 9:28

Sükumore toulouzü, nenou Etaoye sapa louyu teidei sühi mainou Mapao sü puletao hi paopeikhai touyu teidei hi puletaoye save thoulou hoyu vanou alia puletaoye ngaorayu vanou, puh nou puletao sü rekounou saho southalai tea sapoa tapa baie tea paoshulai.

JOSHUA 7:10

Mapao nou Joshua hi paoe, “Kushulo! Daisounou ne pah sü pfükua nou bue?

JOSHUA 7:8

Oh Mapao, Israel mai hai ngaobamai hinou tutare toulouzü, chuo E daie paolai.

1 SAMUEL 12:22

Mapao nou neletaoye sü thaokhai toulai moe, daiolouzü puhnou neletaoye sü puhvei mai panou soulai tea chaachou souwure.