JOSHUA 7:25 - SHEEYU BAIBEL (BSI)

²⁵ Joshua nou paoe, “Ne dai souyu donou etao pei hi veayu pove peiwe? Mapao nou ne hia zhou veayu pove pei baie.” Süthai Israel mai hrülai nou puhye sü chuhnou khyathawude; puletao nou na veishi sü meinou deiwure.

JOSHUA 7:25 Iomraidhean Croise

SHURAI 34:30

Süthaisü Jakob nou Simeon ae Levi hisü paoe, “Buh haihi hrüa buyu Kanaan mai, Periz mai ae mai hrülai nou Eye panou ngaoraloua Eye souvea peire do ashi nasü nehai chena nou soupeire. Amaitao sü chita baie, alia puletao nou ve jüloua Eye hulouyu thaio Etao mai hrülai nou thai-a bailai.”

SHURAI 38:24

Khouh asü thaisü, mainou Judah hisü paore, “Ne mou Tamar sü khakha-a nahmai hrüloure she.” Judah nou “Puhye vakou daopa loua mei deithawo” tea paore.

1 PUOPAOKO 2:7

Karmi nahpoutu Akhan nou posheelayu navei vaolouyu vanou Israel mai pei hi veahoyu sü pove peie.

TSÜCHITAO 1:19

Zhaipou shia nou ngaolouyu vei ludu sü haibüa baie, sünanou puletao vei hrü sü pota-a baiwe.

TSÜCHITAO 15:27

Zümo hinou dutou nüyu maina sü puh kikhahi veahoyu southoulou baiwe, ana seihla ngaorayu mai sü hriloulai.

LEVIMAI LARÜBVÜ 20:14

Mai ali nou pfü ae nahmai ahai nou nalouzü, puletao mai asü nou mei hinou deithawulai, daiolouzü puletao nou kaomoyu vah souwure; sübüyu vah haso khesü panou neletao hi vepaso.

LEVIMAI LARÜBVÜ 21:9

Hakinou napao vei nah naotumai nou khakhapfü souta louzü, puhnou puh puoye hraongu soupeiwure, südonou honapaiye sü mei hinou deithawulai.

LEVIMAI LARÜBVÜ 24:14

“Mai sünasü fühao vei vakou sapalo, ae puhnou Ramai ye chaayu hai chouyu mai hrülaiye panou puh pei hi bah deiloua puh hai mahwure touyu vei shaki sü soupeio, süthaisü puhye maisou nou chuh nou deithawuo.

GALATIAMAI 5:12

Neletao le souchoro-a buyu puletao donou louzü hee rodeyu likhei baimoa lah puletao vei vasou süna teitei-a vadelaiyu sü Enou züpawe!

PAODAKHAIYU CHIKHA 13:10

Puletaoye chuh nou deitha-o! daiolouzü puletao nou neye Ejipt teidei, mai qila souyu teidei hinou sapa peiyu nevei Ramai Mapao hinou neye panou tarei tare donou puletao nou tewe.

PAODAKHAIYU CHIKHA 13:11

Süthaisü Israel mai hrülai nou hai khesü choulai; puletao nou ngaopilai, alia haibüyu vah hai neletao hrohinou soupu laimoe.

PAODAKHAIYU CHIKHA 17:5

sübüa vah ashi soubuyu poutu moa naotu puhsü nuh romü hi saloulo, alia mai süna hai chuh nou deitha-o.

PAODAKHAIYU CHIKHA 21:21

Süthaisü nuh hi buyu maitao nou puhye chuh nou deithalai. Sübüa nenou ashi nasü neletao hinou souhalai. Hai hai Israel mai veishi nou choulai alia ngaopilai.

2 THESSALONIMAI 1:6

Alia Ramai nou souzü nasü soupeilai, süolouzü neletaoye souvea-a buyu puletao pei hisü puhnou vea-hoyu pove peilai,

EBRIAMAI 12:15

Ramai vei zhuvea hinou thaikhai talou more donou ea khataoyu matsülou loua paopa maiye soubvüa mai alaoye souzhaiwu more zhutoulo.

JOSHUA 6:18

Neletaowo louzü, souhawure nataoye thainü more donou alia sütao polou more donou alia Israel mainou chaoyu buh souhare buh ali souwu more donou, kaozhoushi sühi panou vemore donou, souhare hi peithou khaitouyu natao hinou tarei talo.

JOSHUA 7:15

Souhawure hi peithou khaitouyu na polouyu mai nasü puhvei na veishi nou koa meinou deiwulai, daiolouzü puhnou Mapao nou Vo soukhai touyu nasü pfüthowure alia Israel maiye hrao soupeiwure.”

1 SAMUEL 14:29

Süthaisü Jonathan nou chila peie, “Apuo nou maikhe maiye sü souvea showure! Zhukhaio, Enou laivoudzü daotu tou louyu thai, vapu shore!