JOSHUA 7:21 - SHEEYU BAIBEL (BSI)

²¹ Soushi khaitouyu natao hrohinou hüvei shoyu sah ali, shahu sühcho ahai pha, alia sana kehli, süsü shekel raingou phali ngaolou khaie, Enou thaisho loua poloure; na sütao hai avei sahpao hinou heku khaitoue.”

JOSHUA 7:21 Iomraidhean Croise

SHURAI 10:10

Shurai hi hai puhvei vedei sü Babel, Erek ae Akad, haitao asü nou Shinar (Babilon) teidei hinou bue.

SHURAI 3:6

Südonou naotupai hai rashibe nasü ngaovei sholoure, ae rashithou sü toua touvei shore büa ngaoloure, alia haisü touloua tsüsü laiyu rashie tea zhingaoloua rashi nasü haitou loure; alia honapai nou dali hai puh chaa hia peie, alia puhnou süsü touloure.

SHURAI 34:27

Daothayu thailo Jakob nahmai kukhenou puletao tupaiye soushi peiyu khüphoua talou kina teitei sü poloure.

SHURAI 6:2

Ramai vei nahpoutu maitao nou deiphao mai naotu-loukhe hüvei shoyu zhingaolou khaie lah kukunou jüpa doloua naloure.

2 SAMUEL 11:2

Teitheli teinghei ngailouyu phaki, David nou züphao hinou tashulou-a kipei tapa sühao-a bue. Süphaki puhnou naotumai ali dzükhüa buyu sü zhingao loure. Naotupai sü hüvei shore.

2 VEMAITO 7:8

Mai adai taonou fühao hai hi takouloua sahpao hisü taloure ae puletao nou touso khesü touloure alia shahu, sana ae sabanü khesü poloua nou buh kukhe ali hi pove poku loure; süthaisü puletao nou dakhai ve sahpao kukhe lihi loue ae sübütoua puletao nou souloure.

JOB VEI LARÜBVÜ 31:1

E loumainah aliye hashi sounü hinou anghithou zhukhai laimoe tea chaachou souwure.

LOUTAO 119:37

Eye panou komoyu nali hi avei tsüle hai peiso, nenou apaokhai touyu thaifüa ahi veisho-a bupeio.

TAPALOUYU 20:17

“Kinapa maivei kilu thainüso, kinapa maivei chapfü moyuma kilai mai, mokhaiyuma kinapa vei hana taralia jüpaso.”

TSÜCHITAO 1:19

Zhaipou shia nou ngaolouyu vei ludu sü haibüa baie, sünanou puletao vei hrü sü pota-a baiwe.

TSÜCHITAO 23:31

Zhaoh hai homara-a buyu phaki, pai hinou reipha phayu ki alia lavü kouyu phaki zhaoh sü zhuso.

TSÜCHITAO 28:22

Toteiyu mai linou toungire donou tu-a laiwe, anou touhayu nou puh pei hi velaire touyu hai puhnou sümoe.

TSÜCHITAO 4:23

Nevei tsüle hai tsüreia khailo, daiolouzü sühinou ahri dzünghou küpawe.

ISAIAH 28:15

Neletao hai khaophu soua bure, daiolouzü neletao hai thaiyu maiye koa vo souwure, ae rabedushaoye koa nou ae-ao soukhaiwure tea nou neletao hai hashi tarali veyuma neletaoye soushi lou hore, daiolouzü neletao hai dayu ae kaozü moyu hinou bailou süre tea bure.

ISAIAH 29:15

Mapao hinou kheikhei soua vah soua laiyu maitao alia tutsüa thaonou Etaoye ngaolai ae thaonou Etaoye süloulai tea buyu maitao, neletao hai daizhou koute vealaisa!

HABAKKUK 2:9

Hashi hinou ngaoloua soushi louhore teanou deitaoh hinou pa phe soukhai tiyu mai hai daizhou vealaisa!

LUK NOU RÜYU KO AVEIBVÜ 12:15

Alia puhnou puletao hrülaihi paoe, “Leikeilo, alia loküyu teitei hinou neletao zhutoulo; daiolouzü emai hrühai puhvei kini alao soua buyu süna hinou bubaimoe.”

LUK NOU RÜYU KO AVEIBVÜ 12:2

Popa ngaolai moyu hokhaiyu halia hae, moa sülai moyu kukhaiyu halia hae.

EPHESAMAI 5:3

Neletaowo Ramai vei maitaoyu donou neletao hrohinou khulou souyu moa sheemoyu vah tali moa loküyu sütaohai zhih koutea panou sa-a neletao hrohi buwulaimoe.

EPHESAMAI 5:5

Haisü neletao nou süvuzülo süolouzü khulou souyumai, sheemoyumai moa loküyumai (loküyu hai basharaye thoyu zhai alie) talinou Khrista ea Ramai vei Vedei hi zhalia ngaokhai laimoe.

PAODAKHAIYU CHIKHA 7:25

Puletao vei bashara khesü mei deilaiwuo. Puletao hi buyu shahu moyuma sana khesü jüpaso, alia poa poso. Neletao nou süsü poloure toulouzü, neletao-a thai bailai, daiolouzü süsü neletao Ramai Mapao nou ngaorayu ali-e.

KOLOSSEMAI 3:5

Südonou neletao lekhe hinou deiphao vei züpa vah soua buyu taosü southeawuwo, sütaowo louzü khulou souyu, sheemoyu vah souyu, kezhe züpa, ashi züpayu ea dutounüyu haitaoe, (daiolouzü dutounüyu hai basharaye thoyu zhai alie).

EBRIAMAI 13:5

Neletao hrümaisü pousha züpayu hinou dosoulo, alia neletao vei bubuyu sünanou khralou baio. Daiolouzü Ramai nou haibüa paoe, “E nehinou takhai laimoe; moa Enou neye thao khai laimoe.”

JEMS 1:15

Süthaisü züpa nanou pou pfülouyu kisü mah napeiwe; alia mah nanou liche louyu kisü athai napeiwe.

JOSHUA 7:20

Akan nou Joshua hi chila peie, “Ovai Enou Israel maivei Ramai Mapao nghoujü nou mah souwure, alia Enou haibüa nou souwe:

JOSHUA 7:22

Süthaisü Joshua nou kopomaiye seitaho panou zhue, alia puletao nou sahpao hinou na sütao hai shahu alia sana koa deikhe nou heku khaitoua ngaoloue.

2 PITAR 2:15

Puletao hai acheche ludu nasü thaowu-a motare; zümoyu vah souyu vanou ngaolouyu poushanaye leshiyu Beor nahpoutu Balaam vei luduna thaifüa puletaosü tare,