JOSHUA 7:15 - SHEEYU BAIBEL (BSI)

¹⁵ Souhawure hi peithou khaitouyu na polouyu mai nasü puhvei na veishi nou koa meinou deiwulai, daiolouzü puhnou Mapao nou Vo soukhai touyu nasü pfüthowure alia Israel maiye hrao soupeiwure.”

JOSHUA 7:15 Iomraidhean Croise

SHURAI 34:7

Sükisü Jakob nahmaitao-a dou hinou kihi khaivere. Alia puletao nou ko haina süloukhaie levea shore ae rarou loure, daiolouzü Shekem nou Jakob nahpai hi hashi soupeiyu hai Israel mai hrülai pei hi hao soupeia baie, daiolouzü haibüyu vah hai souyu phamoe.

2 SAMUEL 13:13

Vah haibüyu paitya soulouzü E daitoulai? Avei hraongu sü kakua E pfüloulai? Ne-a daitoulai? Zhuvea nou Veo hisü rai-a noulo, sükulouzü Eye puhnou ne hi peivuzüa bailai.”

JOSHUA 7:11

Israel mainou mah souwure; Enou sousouwo teanou vo soukhai touyu nasü neletao nou pfüphewure; neletao nou souhawure hi peithou khaitouyu nasü vaoloure, süsü poloua nou lah neletao vei chingi soure donou khailoure.

JOSHUA 7:16

Joshua nou thainesho shohna nou kushu zhilou-a Israel mai khü-khü nou save-e, alia Judah khüye sü doloure;

CHIKUAPEI MAITAO 20:10

Etao Israel mai khü teitei nou mai kaihli hinou mai kirou ae mai theli hinou mai kaihli hai panou soureih soumai vei touso pfülalai, alia mai kukhetaoye panou Gibeah hi hrüyu Benjamin khüye puletao nou Israel mai hi haonghu vah souyu donou puletaoye reih soure donou talai.”

CHIKUAPEI MAITAO 20:5

Gibeah nuhdu hi mainou khei nou ve Eye southalai tea Enou buyu ki nasü ve sühao loure, ana Eye southalou moa akhapfüye nüloua kheimathe sabu-sazü peiwure alia süvanou honapai sü thaire.

CHIKUAPEI MAITAO 20:6

Enou akhapfü thaiphao sü poloua souvava nou daode loua Israel mai khü teitei hisü souva chekhi seita peie, daiolouzü puletao nou haibüa vah ashi souyu hai Etao Israel mai hrülai hi soupeia baie.

1 SAMUEL 26:21

Saul nou David hi chila peie, “Anahpoutu David, dakhai ve-a baio, Enou mahre. Enou neye sü soushipu khailai more, daiolouzü zhoukhei-a nenou avei hrirai sü khailupa peie. Enou soupfüyu vah khesü kaomo shoa nou souwure.”