JOSHUA 6:4 - SHEEYU BAIBEL (BSI)

⁴ Napaomai anai nou shabe anai poa Vo Sübvü nghoujü nou talai. Teithe anai zhou napao maitao nou shabe nghoua nou neletao nou nuhdu nasü tasühao anai kholai.

JOSHUA 6:4 Iomraidhean Croise

SHURAI 2:3

Alia Ramai nou teithe anai nasü shiha peie alia soushee peie daiolouzü süzhou teithe hai teideiphao souchewure.

1 VEMAITO 18:43

Puhnou puhvei kilai mai hi paoe, “Tapa zai hilova zhukhaio.” Kilaio nanou taho zhuloua dakhai ve paoe, “Enou halia zhingao moe.” Elijah nou sübüa bakha anai koute hai taho zhukhaio tea paoe.

2 VEMAITO 5:10

Elisha nou puhvei kilai aliye seipa puhye taho Jordan Rei hinou bakha anai hai dzü khüsheelo, sükulouzü puhvei sou nasü veiloua bailai tea paopeie.

2 VEMAITO 5:14

Südonou Naaman nou Jordan rei hisü koutare, ae Elisha nou paoyu büa puhnou reidzü hinou bakha anai hai dzü daloure, ae puhvei sou sü veikei touloure. Puhvei souketao hai nahmaitou ali vei vasou büa veishore.

2 PUOPAOKO 13:12

Ramai nou Etao vei süthai-apeio sü soua salaie, ae puhvei napao maitao nou shabe sü neletao pei hi soureih souyu phaki nghoure donou poa lai-e. Oh Israel maitaore, neletao vei puopaoh Ramai Mapao ye reih souso, neletao hai reih veilou laimoe!”

2 PUOPAOKO 20:17

Neletao nou reih sü soulai moe, neletao nou reihna tuloua la-a bulouzü chebaie, Mapao nou neletao thaosou reih sü soupeilai. Judah ae Jerusalem hinou hrüa buyu maitaore, ngaopiso, ae chathai taso; reih sü souta khaio, ae Mapao nou neletaoye kozho peilei.”

2 PUOPAOKO 20:19

Levi khü hinou Kohath ae Korah puonah maitao nou Israel maivei Ramai Mapao ye sü lashu shusoua paoshowe.

2 PUOPAOKO 20:21

Puhnou maikhe mai hi chi phalou nou Mapao ye lou soushore donou lou souyu maitaoye panou sheeyu sabanü thouloua reihmaitao nghoujü nou rai-a “Mapao ye paosholo, daiolouzü puh vei leshi zhuvea hai akhai ha-e” tea lou sou poa ta-e.

JOB VEI LARÜBVÜ 42:8

Südonou chode anai ae zhaotu anai poloua Job hi pfüve Job ye panou neletaoye donou naasou-a mei dei-a posheela peikhaio. Job nou neletaoye donou veachi paopeilai ae Enou puhvei veachi sü kei-nou pei-a neletao nou ngaozüa buyu hraongu nasü panou ngaolai moe. Job büa neletao hai Eye donou acheche chi paomoe.”

ISAIAH 27:13

Süzhou teithe sü shabe houpoa Assaria teidei hi ho hrütayu maitao ae Ejipt teidei hinou ho hrütayu maitaoye sü kudakhai loulai, alia puletao nou sheeyu deichi Jerusalem hinou ve Mapao ye sü tholai.

LEVIMAI LARÜBVÜ 14:16

ae puh bah toutu zhoulova nou süloua Mapao vei nghoujü hinou puhye sü bakha anai hai kavu peilai.

LEVIMAI LARÜBVÜ 4:6

Puhnou puh bahtoutu hai souzhe hisü thaithou süloua sheeyu haosah hisü bakha anai hai kavu peilai.

ZEKHARIAH 4:2

“Ne dai ngaoe?” Enou chila peie, “Sana nou soukhai touyu meivabvü khaiyu buh ali ngaoe, alia sünavei pe hinou meidzü bvü ali bue; sühisü meivabvü anai bue, alia meivabvü ali hinou meitaoyu mü anai bue.

ZEKHARIAH 4:6

Rakivamai nanou ahi paoe, “Mapao vei chipao haitao hai Zerubbabel ye donoue: Nevei pfüchi alia khouko vanou veilou laimoe, ana Avei Rako vanou veilou bailai.

MAIPEI PHOUYU 23:1

Balaam nou Balak hi paoe, “Eye donou posheelabu anai soupeio, ae chode anai alia zhaotsü anai ahi pove peio.”

JOSHUA 6:13

napao mai anai taonou shabe anai poa Mapao vei Vo Sübvü jünou rai-a shabe sü nghoupoa takoue. Reih basei poyu maitao nou puletao jünou rai-a tapeie, alia thailo tayu reihkhao maitao nou Mapao vei Vo Sübvü najünou na-anou tae. Shabe sü thaokhai toumoa nghoupoa tae.

JOSHUA 6:3

Neletao nou nuhdu sünasü tasühaolai, reihmai teiteinou koa vu ali tasü haolai. Sübüa nou neletao nou teithe arou talai.

JOSHUA 6:5

Puletao nou shabe paisho shoa nghouyu neletao nou süloure toulouzü, neletao mai hrülai nou paili sou-a shusou-a shalai; süthaisü nuhdu vei kivo sü kaolou khonou-a bailai, alia mai hrülai nou reih sü huloulai.”

PONGAOPEIYU 1:20

Nenou Abah zhoulo vahinou teivuh anai ea meibvü dzü khaiyu buhtao ngaoyu sütaovei kukhaiyu kona louzü teivuh anaitaosü lüloumaime anai vei rakiva maitaoe, alia meibvü dzükhaiyu buh anaitao nou lülou maime anaitaoe.

PONGAOPEIYU 1:4

Johan nou Asia teideihi buyu lüloumaime anaihi rüe. Chuchu buyu raikinou buyu ea thaikhai hi velaiyu Ramai puh hinou, alia puhvei vebuh nghojünou buyu rako anaitao hinou,

PONGAOPEIYU 10:3

Alia puhnou souveotao nou rayu kua paikushoa shapae. Puhnou sübüa shapayu kisü teisüyu vei pai anai nou puh hi chila peie.

PONGAOPEIYU 15:1

Süthaisü kukhe dushoyu ea khupa shoyu sheeli süolouzü veahoyu anai poa buyu rakivamai anaitaoye sü rakivanou Enou ngaoe. Sütaosü veahoyu akhai taoe, daiolouzü sütaosü akhaisoua Ramai rarouyu pongaoyu taoe.

PONGAOPEIYU 15:7

Sükisü hrikhaona adai hrohinou alinou teisa nou hria buyu Ramai vei rarou nou phoutsü poa buyu sana pai anaitao sü popa rakivamai anaitao hi peie.

PONGAOPEIYU 16:1

Süthaisü Rathoki hinou kushoyu pai alinou rakivamai anaitao hi haibüa paoyu sü Enou choue: “Neletao taloua Ramai vei rarouyu pai anaitaosü deiphao hi lakoukhaio!”

PONGAOPEIYU 5:1

Alia vebuh süna vahi buyu mai süna bah zhoulo vanou Enou larübvü ali ngaoe; Sühavei phao-le ahai hisü larüchah rüthou phoutsü khaitoua paoshee anai nokhaitoue.

PONGAOPEIYU 5:6

Süthaisü Enou Zhaotu aliye vebuh tsüle hinou, hrikhaona adaitaonou ea tsümaitao nou sühao-a buyu sü ngaoe. Zhaotu sünasü raichoki datheayu kue. Sünavei kai anai ea nghithou anai bue. Nghithou sütaosü deiphao teiteihi seitayu Ramai vei rako anaitaoe.

PONGAOPEIYU 8:2

Sükisü Ramai nghojünou la-a buyu rakivamai anaiye Enou ngaoe, alia puletao hisü be anai peire.

PONGAOPEIYU 8:6

Süthaisü rakivamai anaitao nou be anaitaosü poa houngre donou souda loure.