JOSHUA 6:27 - SHEEYU BAIBEL (BSI)

²⁷ Mapao nou Joshua ye sü kozo peie, süvanou puhvei zhih sü teidei teitei hi sütare.

JOSHUA 6:27 Iomraidhean Croise

SHURAI 39:21

Ana Mapao nou Josef ye sü kozho peie ae puhye shiha peie, südonou hukhaki hi peikhowo nou puhye sü jüpa loure.

2 SAMUEL 7:9

Nenou tayu buh teitei hi Enou neye koa sata peie, neye huveyu soureihmai teitei jünou neye panou veiloue, Enou neye panou deiphao hi süthai-apei dudulaina soupeie.

1 PUOPAOKO 14:17

Ae teidei teitei hisü David zhih hai tashore, ae Mapao nou tyahrü hrülaiye sü panou puhye ngaopire.

ESTHER 9:4

Daiolouzü Mordekai hai chuo veo vei vedei hinou khouko pfüshoyu mai ali soure, alia vedei teitei hisü puh zhih hai tashore; alia Mordekai hai khouko ngaopu khaikhai pare.

MATHIU 14:1

Teile süpha kisü Galilee hi Veo Herod nou Jisu zhih hai chouloure.

MATHIU 18:20

Daiolouzü Azhih hinou mai ahai nou moa asünou vedzüa buyu hisü, E-a puletao hrohi bue.”

MATHIU 28:20

Enou neletao hi chikha peikhai touyu teiteisü züloure donou puletao hi doupeio; alia zhukhaio, maihrü akhai koute Enou neletaoye teisanou koa bue.”

MATHIU 4:24

Südonou puh kohai Suria teidei teiteihi kupoa tare ea maikhe mainou puh hisü lishi-a bumai hrülai, sou tyalinou soua bumai ea sounghei-nghei-a bumai, rashinou louyumai, soura soumai ea pothaimai taoye pove-a puhnou puletao hrülaiye souvei khaipeire.

2 KORINTHMAI 13:14

Mapao Jisu Khrista zhuvea, Ramai leshi, alia Rako Mashinou koa bupeiyu sünanou neletao hrülaiye koa bupeiyu souloutheo. Amen.

PAODAKHAIYU CHIKHA 31:6

Le lachü toulo ae khuveilo, puletaoye ngaopiso; daiolouzü neletao Ramai Mapao nou neletaoye salai peilai. Puhnou neletaoye pa kaodu talai moe moa neletaoye puhnou thaopeilai moe.”

2 TIMOTHI 4:17

Ana Avanou chipao nasü soutaosou paodou chekhouloua tahrüh kukhe maitao hrülaiye panou chouve loure donou Mapao nou Ahinou lapei-a Eye khouko peie; alia sübüa Eye khaosouveo mü hinou vupapeie.

2 TIMOTHI 4:22

Mapaowo nou ne rakoye koa buyu souloutheo. Ramai zhuvea nou neletao hrülaiye koa buyu soulouwo.

JOSHUA 1:5

Enou Moses ye zopeiyu büa, nea zopeilai; mai linoua ne hria bukisa ne nghoujü hinou lalou laimoe; Enou ne hi vetemoyu soulai moe alia neye thaowukhai toulai moe.

JOSHUA 1:9

Enou ne hi kharochi peiwe, “Khouchilo alia khuh veilo; ngaopiso, mokhai-a lüa kouwusou, daiolouzü nenou tayu buliki nevei Ramai Mapao nou neye koa salai peilai.”

JOSHUA 9:1

Jordan vei teinghi loulo nou buyu vemai hrülai, deichi alia deikho hinou buyu mai-a, alia Zaidu pehinou poa kouh Lebanon vei pahilo buyu Hit mai, Amor mai, Kanaan mai, Perizz mai, Hiv mai alia Jebus mai teitei nou haihai süloukhaie,

JOSHUA 9:3

Ana Gibeaon mai nou Joshua nou kabüa Jeriko alia Ai mai ye souhawure touyu süloukhaie,

JOSHUA 9:9

Puletao nou chila peie, “Nevei kilaiwo bu doushoyu nuh hinou ve-e, daisounou touyu nele Ramai Mapao zhih hai duwe; Puhnou Ejipt hi kabüa nou vah souwe touyu teitei hai etao nou choue,

CHIKUAPEI MAITAO 1:19

Mapao nou Judah maiye soukha peia panou puletaoye deichi hinou buyu nuhdutao sü poloue, ana deikho hinou buyu maitaoye sü hulailou more, daiolouzü puletao hisü hunou souyu rheiluki khesü buloure.

1 SAMUEL 18:14

ae puhnou soureih soutayu teitei sü ngaloue, daiolouzü Mapao nou puhye koa salai peie.

1 SAMUEL 2:30

Raichoki Israel maivei Ramai Mapao Enou nevei puopaoh mai hi ae nevei kihikha maitao ye teisa panou napao soua avei kuvah panou soulai tea chaachou soukhai toue. Ana chuo Enou sübüa panou soupu khailai more. Eye tsükhouyu maiye Enou tsükhou peilai, ae Eye ngaorayu maiye sü E-a ngaora-a bailai.