JOSHUA 6:25 - SHEEYU BAIBEL (BSI)

²⁵ Joshua nou reikei pomaiye Jeriko hi seiveyu phaki, Rahab nou hona haiye vupeiyu donou, Rahab alia honapai kihikha maitao alia homai taovei natao noupu Joshua nou souha moa vupapeie. Honapai kityaraitao nou süthai Israel maiye koa hrütare.

JOSHUA 6:25 Iomraidhean Croise

SEI-ATAMAI VAHTAO 2:21

Alia sükisü Mapaowo zhih kua bumai taliye sü khailu peilai.

EBRIAMAI 11:31

Lü vanou khakhapfü Rahabye sü Ramai chi zübayu maitaoye koa souhawu moe, daiolouzü puhnou Israel maitao vei reihkei pomai taoye soutaosoua shepeie.

JEMS 2:25

Süzhaibüa, khakhapfüpai Rahab nou-a Israel mai reihkeipomaiye shepei-a ea puletaoye bo kukhe alilo vanou panou tupa loure soukha peiyu hinou puhye sü puh vah vanou Ramaiye koa souzüloue.

JOSHUA 2:1

Süthaisü, Nun nahpoutu Joshua nou kheikhei sou-a reihkei pomai ahaiye sü haibüa pao-a nou Shittim hinou seita-e,

JOSHUA 2:18

Etao nou teidei haina hi reih hulouyu phaki ahai ye panou taokou louyu rai nghororoyu haina nou nevei vabomü hi khikhailo, alia ne pfüpuo, ne proumaitao, alia nepuo kihikhamai hrülai yesü ki haina hi save khailo.

JOSHUA 2:4

Ana Rahab nou puh hai yesü pokuwure, alia honapai nou habüa reihmaitao hi chila peie, “Ovai shemai ahai ahi ve-e, ana puhai daikinou veyu Enou sülou moe,

JOSHUA 2:6

Ana honapai nou puhai yesü khopei hi sapa louhbe khukhu sou-a khokhai touyu hrohinou pokupeie.

JOSHUA 4:9

Joshua nou chuh kiahai taosü polou-a Jordan rei touchü hi, napao maitao nou Vo Sübvü poa layu fütao hinou shuwure. Sühai chukoute sühinou bue.