JOSHUA 6:24 - SHEEYU BAIBEL (BSI)

²⁴ Puletao nou nuhdu alia sühi buyu natao teitei hai meinou deiwure, ana souhamoyu natao hai shahu alia sana, baosahu alia huche nou soukhai touyu likhao baie, puletao nou na sütao hai Mapao vei chingi soure donou pokhailoue.

JOSHUA 6:24 Iomraidhean Croise

2 SAMUEL 10:5

Puletao hai ki hi dakhai ve hraore. David nou ko hai choulou-a puletao vei mümai paopa loumo koute ki hi dakhai vemoa Jeriko hinou chao-a buo tea kopao tapeie.

2 VEMAITO 25:9

Puhnou Rathoki, veo vei ki ae Jerusalem hinou matsüyu maitao vei ki veishi hai meidei laiwure,

1 PUOPAOKO 18:11

David veo nou sapeina haitao ae puhnou Edom, Moab, Ammon, Philistin ae Amalek tyahrütao hinou polouyu sana ae shahu khesü noupu Mapao vei rathoki hi poa panou vah soure donou posheela peiwure.

MAIPEI PHOUYU 31:10

ae puletao nou nuhdu teitei hai meidei laire.

PAODAKHAIYU CHIKHA 13:16

Nuhdu sühinou hrüyu maitao vei na veishi sü poloua nuhdu vei kijü, maisou ludu hi pove jükhailo, alia sükhesü neletao nou neletao vei Ramai Mapao hi meidei-a posheela peio. Teisa panou nuh sünasü soushi souha khai-a bailai, panou soushupu khaitoulai moe.

PAODAKHAIYU CHIKHA 13:17

Ramai nou aetimoyu nuh sünavei na ali koute-a pa neletao bah hi bulai moe, sükure toulouzü Mapao nou puhvei lekha rarou nasü povai peiwua neletaoye zhuvea leshi peilai, alia neletao puopao hi paodaikhai touyu büa neletao maipei poupa loulai,

PAODAKHAIYU CHIKHA 20:16

“Ana, neletao vei Ramai Mapao nou neletaoye peilaiyu teideitao reih soua polouyu phaki, sühi hrüyu mai hrülaiye sü southakhai-o.

JOSHUA 11:11

Puletao nou nuhdu sühi buyu mai teitei yesü khoche nou daotha khaiwua souha khai touwure; mai aliro panou hrimoa southa kaitouwure, alia Hazor nuhdu nasü meinou deiwure.

JOSHUA 6:19

Ana sühi shahu ae sana teitei, alia baosahu ae huche nou soukhai touyu likhao louzü Mapao ye donou shee-a baie; sütao hai Mapao vei chingi khaiyu buhi pothou khailo.”

JOSHUA 6:25

Joshua nou reikei pomaiye Jeriko hi seiveyu phaki, Rahab nou hona haiye vupeiyu donou, Rahab alia honapai kihikha maitao alia homai taovei natao noupu Joshua nou souha moa vupapeie. Honapai kityaraitao nou süthai Israel maiye koa hrütare.

JOSHUA 8:28

Joshua nou Ai nuhsü meinou deiwure alia sühi buyu na teitei nou soushi khaitouwure, süsü zhaodao-a bue.

PONGAOPEIYU 17:16

Nenou ngaoyu kai kiruotao ea khaosou sünanou khakhapfüpai sünaye ngaoralai. Puletao nou honapaihi buyu ha teiteisü potaloulai ea puhye sü baitoua thaowulai. Puletao nou puhvei vasousü touloulai ea puhye sü meinou deiwulai.

PONGAOPEIYU 18:8

Südonou puhvei veahoyu, süolouzü sounou, dopfüyu ea tokaayu sü teithe alikhei hinou puh hi velai; Alia puhye sü meinou deiwulai; daiolouzü puhye chikuyu Ramai Mapaowosü khou-chihwe.”