JOSHUA 6:23 - SHEEYU BAIBEL (BSI)

²³ Reikei poyu hainou talouloua Rahab, honapai pfüpuo, proumaitao, alia puhye sabuyu mai teiteiye sapaloue; puletao nou honapai kityarai hrülaiye vakou sapapeie, alia save Israel mainou fühao soua buyu buh hisü khailoue.

JOSHUA 6:23 Iomraidhean Croise

SHURAI 12:2

Enou neye tyahrü aduli soupeilai alia Enou neye ha peilai alia ne zhih sü soudu-sousho peia neye panou maikhemai vei shiha nasü soulai.

SHURAI 18:24

Phalisü nuhdu sühi acheche mai raingou bulouzü, acheche mai raingou vanou nuhdu sünasü khailu peimoa souha bailaiwu?

SHURAI 19:29

Ana Ramai nou deikho hi buyu nuhdu ahaiye souhayu kisü Puhnou Abraham ye lichopeie, alia Lotye panou hriloure donou tupaloue.

MAIPEI PHOUYU 31:19

Maiye southayu mai hrülai moyuma thaiphao deiyu mai hrülai hai fühao vei vakou nou teithe anai koute bulai. Teithe asü zhou ae teithe anai zhou hai lah neletaoye naanou hinou sousheelo ae neletao nou hukhamai soua nülouyu naotu maitao-a sousheelo.

SEI-ATAMAI VAHTAO 10:28

Sühinou puhnou puletao hi paoe, “Jihudimai alinou tahrüh kukhemai aliye koa laiyu moa puhye ve daoyu hai Eh vei razhai thaifüa aetoumoe touyu sü nele lah nelenou sütoua bue. Ana Enou maitaliye chaa taoe moa sheemoe tea chowu laimoe touyu sü Ramai nou Ahi ngaopeire.

SEI-ATAMAI VAHTAO 27:24

‘Paul pikhaiso! Ne Kaisar nghojü hi ve lavuzülai, alia zhukhaio Ramai nou neye zhuvea peiyu vanou neye koa dzüluki hinou laiyu maikhemai hrülaiye sü khaipa peilai,’ tea paoe.

1 KORINTHMAI 5:12

Daiolouzü vakoumaiye chikuyu sü hakia Avah khaimoe. Neletao nou chikure süwo louzü lüloumaime hrohi buyu sümaitao baimowu?

EPHESAMAI 2:12

Teile sükisü neletao sü Khrista hinou ku-a bue. Neletaosü vakou teidei maitaoe ea Ramai nou dolouyu maitao hi lou zhomoe. Neletaosü Ramai nou puh maitao hi apaopei khaitouyu hinou soushukhai touyu votao hi lou koa zha ngaozho moe, alia neletaosü deiphao haina hinou areih lia ha-a ea Ramai loumo-a hrüe.

EBRIAMAI 11:31

Lü vanou khakhapfü Rahabye sü Ramai chi zübayu maitaoye koa souhawu moe, daiolouzü puhnou Israel maitao vei reihkei pomai taoye soutaosoua shepeie.

EBRIAMAI 11:7

Lü vanou Noha nou ngaomoyu natao vanou Ramai nou tukha peiyu kisü puhnou züloua puh kikhamaitao khailu paloure donou dzüluki ali daoloue. Alia sükuyu vanou puhnou deiphaomaiye sü mah dukhaipeie, alia sübüa lü vanou veyu acheche navei kaa nasü puhnou thaoloue.

JOSHUA 2:13

alia apuo, apfü, athaihou-jürai maitao, alia avei tyarai mai hrülai ye hria vupeio, alia athai hinou Etaoye vupa peio.”

JOSHUA 2:16

Süthaisü honapai nou puh hai hisü haibüa paoe, “Nehai deichi lova tapalo, tailo tamolouzü ne haiye thaihu tayu maiye ve daolou shulai; alia sühinou ne haiye thaihu tayu mai khaivemo koute teithe asü tutsülo; süthainou nehai vei ludusü ta-a baio.”

JOSHUA 2:18

Etao nou teidei haina hi reih hulouyu phaki ahai ye panou taokou louyu rai nghororoyu haina nou nevei vabomü hi khikhailo, alia ne pfüpuo, ne proumaitao, alia nepuo kihikhamai hrülai yesü ki haina hi save khailo.

CHIKUAPEI MAITAO 1:25

Mai honapu nou puletaoye nuhdu hi louyu ludu sü ngaopeie, südonou puletao nou nuhdu hi hrüyu mai hrülaiye sü southa khaire, ana puletao nou mai honapu ae puh vei kihikha maiye southa moa phapeie.