JOSHUA 6:21 - SHEEYU BAIBEL (BSI)

²¹ Nuhdu sünahi buyu poutumai alia naotumai hrülai, nahlemai alia tsümai hrülai, cho-ngha, zhaotu, alia rhei teitei hai khoche nou daotha khaire.

JOSHUA 6:21 Iomraidhean Croise

1 VEMAITO 20:42

Rachipaolawo nou veo hi paoe, “Mapao nou haibüa paoe: ‘Daiolouzü Enou southawo tea ne hi kharochi peikhai touyu mai nasü nenou phapeiwure. Südonou nevei hrirai sünou puhvei hrirai thaosü poloulai, ae puhvei reihmaitaoye panou talouyu donou nevei reihmaitao sü souhawulai.’ ”

JEREMIAH 48:18

Dibon hinou hrüa buyu maitaore, neletao nou khaophu soua buyu buh hinou taokoulo, ae deiphi hinou kou bulo! Daiolouzü Moab ye soushi peikhai touyu maitao nou ne pei hi aetou more; puletao nou nevei reihkhaobu veishi soushi laiwure.

PAODAKHAIYU CHIKHA 13:16

Nuhdu sühinou hrüyu maitao vei na veishi sü poloua nuhdu vei kijü, maisou ludu hi pove jükhailo, alia sükhesü neletao nou neletao vei Ramai Mapao hi meidei-a posheela peio. Teisa panou nuh sünasü soushi souha khai-a bailai, panou soushupu khaitoulai moe.

PAODAKHAIYU CHIKHA 2:34

Süphaki Etao nou nuhdu khesü nüloue, alia nuhdutao hi hrüyu mai hrülai - naotu poutu alia nahmai hrülaiye sü southa khaire.

PAODAKHAIYU CHIKHA 7:16

Neletao Ramai Mapao nou neletao bah hi thoupeiyu tyahrü hrülaiye sü souhakhai tiwuo, puletaoye zhuveaso; moyuma puletao rah khesü thoso, daiolouzü sünasü neletaoye donou shorü thoukhai touyu büa bailai.

JOSHUA 10:28

Joshua nou süzhou teithe hinou Makkedah teidei polouwe alia puhnou sühi veo alia nuhmai hrülaiye sü southawure; mai alikheia shomoa souha khaitouwure. Puhnou Jeriko veo hi souyu zhaibüa Makkedah veo hia soupeie.

JOSHUA 10:39

Puhnou teidei süna hai nuhdu taoli loua nou poloure, alia sühi buyu mai teiteiye nou southa khaitouwure. Puletao nou Hebron alia Libnah vemai ahai hi soupeiyu büa Debir alia sühi veo hia soupeie.

JOSHUA 11:11

Puletao nou nuhdu sühi buyu mai teitei yesü khoche nou daotha khaiwua souha khai touwure; mai aliro panou hrimoa southa kaitouwure, alia Hazor nuhdu nasü meinou deiwure.

JOSHUA 11:14

Muteiyu natao alia hrikhaonatao hai Israel mainou lahye donou nuhdu sütao hinou poloue, ana sühinou hriyu hrikhaona teitei nou southa khaitouwure.

JOSHUA 8:2

Neletao nou Jeriko veo alia nuhdu sünahi souyu büa nou Ai mai veo alia sühi buyu mai hi soulai; neletao nou soushi khaitouyu natao alia kikhaorü likhei neletao vei zhasoua bailai; nuhdu nahisü thailo nou reih soupoa loukhaio.”

JOSHUA 8:22

Alia nuh hi buyu maitao nou puletaoye hushia pare; sübüa nou Ai maiye sü touchü hi thouwua Israel mai nou puletaoye sü southa khaire, panou mai aliro hria tutalou moe.

JOSHUA 9:3

Ana Gibeaon mai nou Joshua nou kabüa Jeriko alia Ai mai ye souhawure touyu süloukhaie,

PONGAOPEIYU 18:21

Sükisü khoushoyu rakivamai alinou dushoyu thouh veiyu chuhpa deiyu chuhli poloua süsü zaihi polaithouloua paoe, “Haibüyu zhai hinou dushoyu Babilon nuhduye sü chihsho-a polaithouwu-a panou ngaopukhai laimoe.

1 SAMUEL 15:3

Südonou taho Amalek maiye southakhai touo, ae puletao vei buyu na veishi souhakhaio. Halia shokhai peiso: naotu poutu ae nahmaitou hrülai nou southakhai touwo; nghitu zhaotu, racho, rheisüh ae kikhaorü teitei nou southakhaio.”

1 SAMUEL 15:8

Puhnou Amalek maivei Veo Agag ye hria nüloure ae mai hrülaiye sü southakhai toure.