JOSHUA 6:17 - SHEEYU BAIBEL (BSI)

¹⁷ Nuhdu alia sühinou buyu na teitei hai souha khaiwure donou Ramai hi peithouwure. Ana etao nou seitayu reihkei pomaiye Rahab nou vupeiyu donou, Rahab alia puhye koa puh ki hinou buyu maitao likhei panou hria bailai.

JOSHUA 6:17 Iomraidhean Croise

SHURAI 12:3

“Neye shiha peiyu maisü Enou ha peilai. Ana neye chaa peiyu maiye sü Enou chaa peilai. Alia ne vanou tyahrü hrülaiye Enou shiha peilai.”

EZRA 10:8

Mai taralia teithe asü levai nou veloulou more toulouzü, puh vei na buyu veishi hai kabailai, alia dakhai veyu me hi panou loulaimoe.

ISAIAH 34:6

Puhvei khoche hisü zhaotu alia nghitu hai poa sheelayu phaki zhe ae southa neakhai touyu büa taolai. Daiolouzü Mapao nou Bozrah nuhdu hinou posheelayu sü soulai, ae Edom teidei hisü nou maiye southa sholai.

JEREMIAH 46:10

Zhou teithe hai Khoukhoulai Ramai Mapao vei teithe-e: zhou teithe puhnou khüngu phouloulai; zhou puhnou puhye ngaobayu maitaoye tudee peilai. Zhou teithe puhvei khoche sü rukhamo koute toulai, ae puletao vei zhe sü reikhamo koute kelai. Zhou teithe Ramai Mapao nou reilova buyu Euphratis reipe hinou posheela peilai.

EZEKIEL 39:17

Ramai Mapao nou ahi haibüa nou paoe, “Thai-a bailaiyu mainare, holo hailo nou buyu raohou ae hrikhaona veishi sü Enou puletaoye donou souda-a buyu posheela nasü tave toukhaio tea kulo. Hai zhou hai Israel maivei deichitao hinou khonü dusho-a nou nüh nüki, ae puletaoye panou sou sü toulai ae zhe sü kelai.

LEVIMAI LARÜBVÜ 27:21

Podakhai louyu Po kouyu phaki, dou nasü Mapao vei teisa nou soua bailai, ae süsü napao maivei soulai.

MIKAH 4:13

Mapao nou haibüa paoe, “Jerusalem hi maitaore, taho neletaoye ngaobayu maitaoye sü tudee peikhaio. Enou neletaoye sü hu nou kai soukhai touyu ae baosahu nou phimou soupfüyu chode ali büa soukhouchi peilai. Nenou tyahrü taoli hai sousasa peilai, ae zhaipou shiyu hinou pojükhai touyu nangi khesü teideiphao veishi vei Mapao ahi pove sheela peilai.”

MATHIU 25:40

Alia Veonou puletao hi chila peilai, ‘Chekhaoa Enou neletao hi paoe, neletao nou tai-noukayu Athaihou jürai haitao hrohinou alihi soupeiyu hai neletao nou Ahi soupeiwe.’

1 KORINTHMAI 16:22

Maitalinou Mapaoye leshi molouzü, puhsü cha ngaotheo! Maranatha — Eh Mapao, thala-a vepeio!

1 KORINTHMAI 2:7

Enou paodouyu tsü dokai hainawo louzü emai nghojünou kukhai touyu Ramai vei kheitsü baie, ana haina hai deiphao soumo jühinou Ramai nou Eletao vei khouko ava donou doche louyu ratsü nasüe.

GALATIAMAI 3:10

Daiolouzü razhaivei vahtao hinou lüa buyu maikhemai hrülaisü cha khehinou bue; daiolouzü sheeyu larübvü hinou haibüa rüthou khaitoue, “Razhai bvü hi rüthou khaitouyu teitei teisanou zülou moyu puletao hrülai sü Ramai vei cha khehi bue!”

GALATIAMAI 3:12

Ana razhaiwo lü vanou soushu moe, daiolouzü sheeyu larübvü nou paoyu büa, “Razhai thaifüa moshilaiyu teitei souyu maitalinou hriloulai.”

PAODAKHAIYU CHIKHA 20:17

Neletao vei Ramai Mapao nou kharochi peiyu büa Hit mai, Amor mai, Kanaan mai, Periz mai, Hiv mai alia Jebus mai hrülaiye sü souha laikhai-o.

EBRIAMAI 11:31

Lü vanou khakhapfü Rahabye sü Ramai chi zübayu maitaoye koa souhawu moe, daiolouzü puhnou Israel maitao vei reihkei pomai taoye soutaosoua shepeie.

EBRIAMAI 6:10

Ramaiwo cheche moyu moe. Neletao nou soukhai touyu vah moa neletao nou chukoute puhye donou neletao thaihou jürai Khrista maitao hi soukha pei-a leshiyu pongaokhai touyu sü puhnou ngaipei laimoe.

JEMS 2:25

Süzhaibüa, khakhapfüpai Rahab nou-a Israel mai reihkeipomaiye shepei-a ea puletaoye bo kukhe alilo vanou panou tupa loure soukha peiyu hinou puhye sü puh vah vanou Ramaiye koa souzüloue.

JOSHUA 2:1

Süthaisü, Nun nahpoutu Joshua nou kheikhei sou-a reihkei pomai ahaiye sü haibüa pao-a nou Shittim hinou seita-e,

JOSHUA 2:22

Süthaisü hohai nou tapo-a deichi lova patare, alia sühinou puh haiye thaihu tayu mai khaive mokoute teithe asü bue. Puh haiye thaihu tayu mainou ludu sasü thaitsüpoa tare ana puh hai yesü ngaolou more.

JOSHUA 7:1

Ana Israel mainou souhawure hi peithou khaitouyu natao hisünou soumahwure; daiolouzü Zerah vei pfümounah hinou veyu Zabdi tyao Karmi nahpoutu Akan nou souhawure hi peithou khaitouyu na daotu vaoloure, süvanou Mapao vei lekha-rarou sü Israel mai hi vere.

1 SAMUEL 15:3

Südonou taho Amalek maiye southakhai touo, ae puletao vei buyu na veishi souhakhaio. Halia shokhai peiso: naotu poutu ae nahmaitou hrülai nou southakhai touwo; nghitu zhaotu, racho, rheisüh ae kikhaorü teitei nou southakhaio.”

1 SAMUEL 15:6

Puhnou Ken mai hisü haibüa nou rai-a paopeie, “Neletao hai Amalek maiye koa buso, daiolouzü Enou Amalek maiye soureih soutayu phaki neletao-a koa southa shulai.” Ken mai hai Israel maitao nou Ejipt teidei hinou tapayu phaki, puletaoye zhuvea peia soukha peie. Südonou Ken maiye southa moa panou tarei paloue.