JOSHUA 5:14 - SHEEYU BAIBEL (BSI)

¹⁴ Puhnou chila peie, “Maimai donoua moe, ana Mapao vei reihmai peikhowo soua E chu haihi vewe.” Süthai Joshua nou dei hi kaokou loua puhye sü khurüe, alia puh hisü paoe, “A Mapaowo, ne kilai ahi dai kharochi peire bue?”

JOSHUA 5:14 Iomraidhean Croise

SHURAI 17:17

Süthaisü Abraham nou pei pfüna kouloua nüre ae puh lah haibüa tsüchoe, “Po kaih payu mai ali hinou nahmai hrülousü hiwu? Alia po raikü payu Sarah nou nahmai nalousü hiwu?”

SHURAI 17:3

Süthaisü Abram nou pei pfüna kouloure ae Ramai nou puh hi paoe,

2 SAMUEL 7:19

Ana Ramai Mapaowo, hainou akhai soumo khai-a naki hrüvere avei tyaosholea pei hi-a nenou havei soupeilai tea apaopeikhai touyu haitao hai chunou Eye panou süloue.

2 SAMUEL 7:20

Avei Ramai, avei Mapaowo, E ne hi daichi paopulai! Ne lah nevei kilai ye süwe.

LOUTAO 110:1

Mapao nou avei paopu hisü paoe, “Enou neye ngaobayu maitao hai nevei phi khevai pothou khailoumo koute abah zhoulo vanou bulo!”

LOUTAO 24:10

Dushoyu veo sü thaoge? Veilou ngalouyu Mapao puh hai dushoyu veo nasüe.

TAPALOUYU 4:10

Ana Moses nou Mapao hi paoe, “Oh Mapaowo, Eye seita peiso, E hai chi paolousüyu mai moe alia ne kilai hi nenou chi paopeiyu thaia, Esü raolousü moe. E hai la daokhaokhaoyu ae haoshi shoyu mai ali baie.”

TAPALOUYU 4:13

Ana Moses nou chila peie, “Oh Mapaowo, zhuvea nou mai kukhe aliye seita pei baio.”

ISAIAH 55:4

Enou puhye panou tyahrütao vei süthai-apei ae peikhowo sü soupeie, alia avei khouko khesü puh vanou maikhe mai hi ngaopeie.

ISAIAH 6:8

Süthaisü Mapao nou haibüa paoyu Enou choue, “E thaoye seitalai, alia thaonou Eye donou tapeilai?” Enou chila peie, “E hai hi bue, Eye seita peio.”

EZEKIEL 3:23

Südonou Enou deikho hisü ve-e ae Enou raichoki Khebar rei hinou ngaoyu bütoua Mapao vei khouko ava hai ngao-e. Enou apei hai deiphi hi pfünakou loure,

DANIEL 10:13

Parsia vei vedei khoyu rakivamai nanou Eye teithe kaili nuchao loure. Ana rakivamai hi peichayu Maikhel nou Eye ve soukha peie, südonou Enou puhye Parsia hi khaiwua haihi vewe.

DANIEL 10:21

Ana acheche larübvü hinou rüthou khaitouyu nasü Enou ne hi paopeilai: Puletaoye reih züyu hisü Eye soukha peire mai kukhe ali-a hae, neletaoye soukha peiyuna rakivamai Maikhel likhi baie.

DANIEL 12:1

“Süphaki ne vei maitaoye kho-apeio dushoyu rakivamai, Maikhel sü tashulai. Süteile phaki neletao teidei hi raichoki vepakhai toumoyu veahoyu khesü velai, ana süphaki Ramai vei larübvü hi zhih rüthou khaitouyu mai hrülaiye sü khailu peilai.

DANIEL 8:11

Haina nou rakiva reihmaitao vei Veo nahpoutu koutea ngaophou more, ae puhye mei nou deia posheelayu koutea panou soumore, alia puhye thoyu rathoki hai-a soushi laiwure.

LEVIMAI LARÜBVÜ 9:24

Süteile bü hinou Mapao nou mei seikou posheelabu hinou meidei-a posheela peikhai touyu ae southeatao sü meitaoh peie. Maikhe mainou haina sü ngaolou khaie, puletao nou shusoua raore, ae deiphi nakou khurüa ratho-e.

MAIPEI PHOUYU 16:22

Ana Moses ae Aaron nou deiphi pei pfüa nakou loua paoe, “Oh Ramai, ne sü hriyu veishi pei hi Ramai-e, mai ali nou mah soupeikhai-e mai hrülai pei hi ne rarou laivu?”

MAIPEI PHOUYU 16:45

“Mai haitao hinou tavai talo, buh hai hinou Enou mai haitao sü souhawulai!” Puhai nou deiphi hi pei pfüa nakou loure,

MAIPEI PHOUYU 22:31

Süthaisü Mapao nou Balaamye panou rakivamai nanou khoche poa ludu hinou la-a buyu sü ngaoloure. Südonou puhnou pei pfüa nakou khurüe.

MATHIU 22:44

‘Mapao nou A Mapao hi paoe: Enou ne ngaoba maitaoye sü pove ne phihea soupeimo sasü, Abahkha zhoulo hinou bulo.’

MATHIU 8:2

Süthaisü loukhaora soumai alinou puh hi taveloua puh nghojünou kou khoukhüloua paoe, “Mapao, nenou aetou peilouzü, nenou Eye soushee peilou süe.”

LUK NOU RÜYU KO AVEIBVÜ 1:43

Ana daidonou A Mapao pfünou Ahi taveloua Eye süzhozhou khu-leshi peisa?

LUK NOU RÜYU KO AVEIBVÜ 20:42

Daiolouzü David lahnou Lou Larübvü hinou paoe, ‘Mapao nou A Mapao hi paoe, Enou nevei ngaobamai taoye sü pove nevei phihea soupeimo sasü,

LUK NOU RÜYU KO AVEIBVÜ 5:12

Jisu nou vuhlihi nuhdu ali hinou bubuki, sühisü loukhaora nou souyu mai ali tave; alia puh nou Jisu ye ngaolouyu kisü kou khoukhüloua puh hinou khoe, “Dou-apeio, nenou aetou peilouzü, Eye nenou soushee peilou süe.”

JOHAN 20:28

Thomasnou puh hi chila peie, “A Mapao ea A Ramai!”

SEI-ATAMAI VAHTAO 9:6

ana shuloua nuhdu hisü taloukhaio, alia nenou soure sü daie touyu sü nehi paongao peilai.”

PHILIPPIMAI 3:8

Chechenou na sütao likhei baimoe, ana muhtei koushoyu A Mapao Khrista Jisu vei tsü süna donou Enou ha teitei hai halia kokhaimoe tea choloure, puhye donou Enou ha teiteisü polaiwure; Enou Khristaye zhiloure donou sütao teiteisü nghouh büa choloure,

EBRIAMAI 2:10

Daiolouzü ha teiteiye soupeiyu ea sütaoye zhupeia buyu Ramai puhye donou maikhe maitaoliye save puhvei adusho nasü zha ngaozho loure donou panou veahoyu vanou Jisu ye southou liche peiyu sü kaozüshoe. Daiolouzü puletaoye khailu peiyu hi süthai save peiyu sü Jisu puhbaie.

JOSHUA 20:1

Süthaisü Mapao Joshua hi paoe,

PONGAOPEIYU 12:7

Süthaisü raki hisü reih paloure. Maikhel ea puhvei rakivamai taonou zai nghouduna pei hisü reih züe, zai nghouduna-a puhvei vahmaitaoye koa reih züe,