JOSHUA 5:1 - SHEEYU BAIBEL (BSI)

¹ Jordan vei teinghi loulo buyu Amor vemai hrülai, alia zai pehinou buyu Kanaan vemai hrülai hai Mapao nou Jordan reidzü southe peia Israel maiye panou Jordan rei kacho koukhai loure touyu ko süloua, puletao nou Israel maiye ngaopi sholoure, alia khuveia dulai touyu tsüa puletao hi hazhi toure.

JOSHUA 5:1 Iomraidhean Croise

SHURAI 12:6

Abram nou Shekem nuh hi sheeyu Moreh hi buyu phüsüübe tachoe. Süteile kisü Kanaan mainou dei sünahi hrüa bue.

SHURAI 48:22

Khoche ae voulou nou poa hulailoua polouyu Amor mai dei, deinai veishoyu Shekem nasü Enou neye chinamai kukhetao jünou peipulai.”

2 SAMUEL 21:2

(Gibeon mai hai Israel mai moe; puletao hai Amor maivei me taiti alie, puletaoye vupa peilai tea Israel mainou chaachou soukhaitoue, ana Saul nou Israel mai alia Judah maiye donou lenou soulou-a Gibeon maiye southa kawu bailai tea teloure.)

1 VEMAITO 10:5

Puhvei tousoyu buh, khonüh nüa buyu phaki kilai maitao nou puhvei paikhao pola peiyu, ae Rathoki hi posheela peiyu veishi sü ngaoloua honapai hai khupa soua nou ssü hailou hore.

EZRA 9:1

Vah haitao hai soucheyu thaisü, Israel mai hi süthai-apei maitao nou Ahi ve haibüa paoe, “Süolouzü Israel mai, napaomai ae Levi maitao hai tyahrü kukhe mai hinou kupalou more, puletao hai Ammon mai, Moab mai ae Ejipt mai, moa Kanaan mai hinou veyu mai, Hit mai, Periz mai, Jubush mai ae Amor maitaoye koa ngaorayu vah haso teitei sü soua bure.

LOUTAO 135:11

Amor maivei veo Sihon, Bashan maivei veo Og, alia Kanaan teidei hi buyu veo mai hrülai hai southa peie.

TAPALOUYU 23:28

Enou neletao jünou rai-a neletao ngaobayu maitao hisü rahtayu seive peilai, sübüa panou Hiv mai, Kanaan mai ae Hit maiye sü hulai peiwulai.

ISAIAH 41:5

“Teidei kadou kounou hrüa buyu maikhe sü Enou souyu vah haso khesü ngaoloure, puletao nou ngaoloua pishi-a nou nguhrührüa bure. Südonou puletao sü tave jüloua nou veloure.

EZEKIEL 16:3

Mapao Ramai nou Jerusalem donou haibüa pao-a nou bure tea paopeio: “Neye sü Kanaan maivei teidei hinou naloue, Ne puo hai Amor mai baie, ae ne pfü hai Hit mai-e.

EZEKIEL 21:7

Puletao nou ne hi daisounou dopfüa lüwe tea noulouzü, veahoyu sü velaire, südonou lüwe tea chila peio. Ko süna choulouyu phaki, puletao vei lüthou hisü ngaopiyu nou phoutao loulai, puletao vei bah sü lülou hoa bailai, puletao vei khuvei nasü hata-a bailai, ae puletao vei khoubou sü ngurürüa bailai. Teile sünasü velai; teile sünasü hai hi ve-a bure.” Haisü Ramai Mapao nou paowe.

DANIEL 5:6

Süthaisü veo vei zhuh hai tyaku tare, alia puh sü ngaopi shore, ae puhvei khoubou ahai sü ngurürü shihrührü loure.

AMOS 2:9

“Ana Amaitaore, neletaoye donou Enou Amor maiye sü souha khaitou peie, puletao sah shoyu hai sedar süübe kue, alia chesüübe büa khoue; Enou puhvei pei hi rashithou ae khehi maa khesü souhapeie.

MAIPEI PHOUYU 13:29

Amalek mainou teidei khelova hai hrüwe; Hit mai, Jebus mai, ae Amor mai nou deichi vasü hrüwe; ae Kanaan mainou Mediterranean zai pehao hi alia Jordon rei pehao hisü hrüwe.”

JOSHUA 17:12

Ana Manasseh mainou nuhdu sütao hi hrüa buyu maitao yesü hulailou moe, südonou Kanaan mainou teidei sühinou hrüa bubaie.

JOSHUA 17:18

ana deichi hi buyu nuhtao hai nele vei zha soulai, sühi buyu nuhtao hai vaohrao baiyuma, neletao nou süsü sousheeloua deirai akhai hi koute polo, alia Kanaan mainou rheiluki hai hunou soua pfüyuma, mokhaia khoushoa reih souvei-a bukhaiyuma, neletao nou puletaoye sü hulailou süe.”

JOSHUA 24:15

Neletao nou Mapao vei vah sü sounü molouzü zhounou thao vah soulai touyu dolouwo, nele puopao taonou rei holova buki thoyu rah nou laiho, neletao nou hrüa buyu Amor maivei rah nou laige; E alia Ahvei kihikhamai-o louzü Mapao vei vah soua bailai.”

JOSHUA 3:16

Reikounou kükouyu reidzü taohai dousho-a nou Zerethan pehi Adam nuh koute külya pare, alia khekou Arabah vei zai, alia Thai Zai hilo kükouyu taozü decha touwure; alia mai khemainou Jeriko pa hilonou tachopa loure.

JOSHUA 3:17

Alia Israel mai taonou deithe hilo tacho kouyu phaki, Mapao vei Vo Sübvü poa laiyu napao maitao nou Jordan rei touchüh hinou lahpoa tahrüh teitei nou Jordan rei tacho paloumo koute bupeie.

PONGAOPEIYU 18:10

Puhvei veahoyu hi lou zha ngaozhoyu sü ngaopi-a puletaosü adou konou la-a haibüa paolai, Daizhozhou ngaopisa! Daizhozhou ngaohisa! Oh dushoyu nuhdu, Oh khoukhoulai nuhdu, Babilon! Teilecho ali levai hinou nevei hakayu sü veloure!

CHIKUAPEI MAITAO 1:1

Joshua thaitayu thai, Israel mainou Ramai hi noue, “Thao vei khü nou Kanaan maiye reih soulou railaige?”

CHIKUAPEI MAITAO 11:23

Israel maivei Ramai Mapao nou Israel maiye donou Amor maiye sü hulai peie.

CHIKUAPEI MAITAO 3:3

Tyahrü sütao sü haitaoe: Philistin mai nuhdu angou, Kanaan mai hrülai, Sidon mai, Lebanon deichi hinou hrüyu Hiv mai, Baal Hermon deichi hinou poa Hamath louyu ludu hi kouyu teitei-e.

CHIKUAPEI MAITAO 4:2

Südonou Mapao nou puletaoye sü Hazor hinou hrüa buyu Kanaan mai veo Jabin bah hi zhothou peiwure. Puhvei reihmai peikhowo zhih sü Sisera touwe. Puhnou Harosheth-ha-goiim hinou hrüe.

1 SAMUEL 25:37

Thainesho hai Nabal nou tsü palouyu thai, honapai nou puh hi ko khesü paongao peie, ae puh hai levea loua lülou hore, ae po thaitare.