JOSHUA 4:7 - SHEEYU BAIBEL (BSI)

⁷ süphaki, Mapao vei Vo Sübvü poa Jordan rei kacho kouyu phaki reidzü hai kümoa baire teanou neletao nahmai hi paolai. Vo Sübvü süna poa kouyu phaki, Jordan rei sü dadewu baire. Südonou chuh haitao nou Israel maiye pa teisa licho loure donou shee ali souwulai.”

JOSHUA 4:7 Iomraidhean Croise

LOUTAO 111:4

Mapao nou Eletaoye panou puhvei khupayu vah haso khesü licho louwe; ae puh hai maiye leshi zhuvea peisüh sho-e.

TAPALOUYU 12:14

Teithe süzhou hai neletaoye donou licholoure teithe ali soulai, alia Mapao nou neletaoye donou daisou peie touyu licho-a nüh nülai. Nüh haina sü teisa nou reih-a neletao nou nülai.”

TAPALOUYU 28:12

Israel mai khü kiahai taoye panou licho loure donou chuh süna ahai sü phao daoyu ephod vahisü soupa khailo, alia Aaron nou puletao zhih sü teisa panou licho loure donou pfülai koutelai, sübüa Enou avei maitaoye sü teisa tsüloulai.

TAPALOUYU 30:16

Israel mai hinou khailupa peire donou kikhah khalouyu pousha taosü poa Enou buyu Ratho kipao hi vah soulai. Kikhah hainasü puletao hrirai khailupa peire vei muh nasüe, ae Enou puletaoye vupa peire sü ngaikhai toulai moe.”

ISAIAH 66:3

“Maikhe mai hai lahkuku nou jüpayu hisü tare. Puletao nou chode ali dathaloua posheela peiyu moyuma maiye dathaloua posheelayu mai sü raibüa baie; zhaotu ali poa sheelayu moyuma sei ali ngu rashaloua posheelayu na-a kheihao baie; mai ali nou thoudzü vei posheela peiyu na ae vo zhe nou poa sheelayu na-a zhotou baie; kainüvei pou nou licho loure donou poa sheelayu na ae bashara hi veachi paoyu na-a zhobütoua baie. Puletao nou sheemoyu vah khesü soua rathoyu nasü jüpa tare.

MAIPEI PHOUYU 16:40

Hai nanou Israel mai hi, mai taralia Aaron vei tyaosholea moyu mai ali nou Mapao nghoujü nou mei dei-a posheela peilai moe, hakinou puletao nou sübüa soulouzü Korah alia puhvei maitao büa souha bailai touyu vei paopi peiyu ali soua bulai. Mapao nou Moses hinou Eleazar hi kharochi peikhai touyu teitei sü puhnou souche peie.

MAIPEI PHOUYU 17:5

Süthaisü Enou dolouyu maina vei süpo hai bo lapalai. Haibüa soupeia Enou Israel maiye panou ne pei hi tobai soumoa raoyu nasü souha peilai.”

1 KORINTHMAI 11:24

alia puhnou Ramai hi kalo paowu-a süsü soukhoe, alia haibüa paoe, “Haisü neletaoye donou soukhoyu Apfüphaoe. Eye licho loure donou haisü soukhaio.”

PAODAKHAIYU CHIKHA 16:3

Sou hai khei thoua soukhai touyu raokhao koa touso. Teithe anai koute hai khei thoumoyu raokhao nou tou-o, veahoyu raokhao, daiolouzü neletao nou Ejipt hinou tapayuki thararanou Ejipt hai thao-a ta-e touyu pa teisa liloure donou.

JOSHUA 4:6

Thainekou nele nahmai nou ‘Chuh haitao daivanou hai hi shukhaitou-e,’ teanou nemai hi nouyu phaki, sütao hai neletaoye donou shee ali soure donoue,