JOSHUA 4:6 - SHEEYU BAIBEL (BSI)

⁶ Thainekou nele nahmai nou ‘Chuh haitao daivanou hai hi shukhaitou-e,’ teanou nemai hi nouyu phaki, sütao hai neletaoye donou shee ali soure donoue,

JOSHUA 4:6 Iomraidhean Croise

LOUTAO 44:1

Oh Ramai, raichoki nenou Etao vei poupaoh maitao hi soupfü peikhai touyu vah haso khesü, puletao nou Etao hi paongao peiyu hai Etao nou vuzünou choure.

LOUTAO 71:18

Chuo Esü tsüloure ae apei paopare, Eye thaolai peiso, Oh Ramai! Enou nevei khouko ae aduso nasü vere khaphao veishi hi shapao peia buyu phaki Eye koa salai peio.

TAPALOUYU 12:14

Teithe süzhou hai neletaoye donou licholoure teithe ali soulai, alia Mapao nou neletaoye donou daisou peie touyu licho-a nüh nülai. Nüh haina sü teisa nou reih-a neletao nou nülai.”

TAPALOUYU 13:14

Haithaiko neletao nahmai nou neletao hi ‘Haihai dai vanoue?’ tea noulouzü, ‘Mapao nou Etaoye Ejipt teidei hinou maivei qila soua hrüyu phaki, puhnou Etaoye khupa soua sapa peie’ tea chila peilai.

TAPALOUYU 13:9

Haibüa reihyu hai neletaoye panou licho loure donou neletao bah hi ae neletao pu hi shee saokhai touyu büa Mapao vei chikha khesü panou süloure donoue. Daiolouzü Mapao nou khupasoua neletaoye Ejipt teidei hinou sapapei khaitoue.

TAPALOUYU 31:13

“Israel mai hi haibüa paopeio: ‘Soteithe nasü neletao nou reihlai, daiolouzü teithe haizhou, E alia neletao ae haithai hrüvere bonakha hrülai kohisü shee ali soulai, sübüa E hai Mapao nasüe alia neletaoye Enou soushee loua panou avei mai soure touyu sü süloulai.

ISAIAH 38:19

Enou chu neye paoshoyu büa hria buyu mainou neye sü paoshoa bue. Ne hai tobai soumoa leshi peiyu nasüe tea puo khemai nou nahmaitao hisü paodou peiwe.

ISAIAH 55:13

Poudai nou hrüa buyu hiphao hisü haosüübe nou pahpa hrüloulai, shube khenou hrüa buyu hisü vaobe, chasüübe nou hrüloulai. Haina nou ngailou hoyu teisa vei shee, ae Mapao Enou haisü soupeie touyu licho loure donou shee alisoua khaipeilai.”

EZEKIEL 20:12

Ahai koa nou ae-ao soukhai touyu nasü panou licho loure donou ae Enou puletaoye soushee peiwure touyu nasü panou süloure donou Enou puletao hi so teithe reilo tea nou peie.

EZEKIEL 20:20

Soteithe nasü sheeyu teithe ali soua khailo sübüa sünanou ahai koa vo soukhai touyu vei shee soulai, ae sünanou E hai neletao vei Ramai Mapao nasüe touyu neletaoye panou süloulai.

MAIPEI PHOUYU 16:38

Sütao hai Mapao vei posheelabu hi pokou peiyu phaki, shee-a baie. Südonou poukai nüvei deiyu meibvütao hai puletao vei mah donou meinou deitha khaitouyu maitao hinou polo, sütao hai deithou hukao ali büa poureih toulo ae poa posheelabu hoyu sü soulo. Hai nasü Israel mai soupi peiyu ali soua panou ngao-a bulai.”

SEI-ATAMAI VAHTAO 2:39

Daiolouzü Mapaowo Eletao Ramai nou apaopei khaitouyu nasü puh hi kuve-a buyu mai hrülai hi süolouzü neletao, nele nahmaitao ea adoukounou buyu mai hrülai donoue.”

PAODAKHAIYU CHIKHA 11:19

Ki hinou buyu phaki-a, ludu hinou ta-a buki-a, zütayu teile hia alia kaishuyu phaki-a neletao nahmai hi ko haitao hai doupeio.

JOSHUA 22:27

ana sünasü panou neletao alia Etao kohi, alia eletao tyaonah taoye panou shee ali soupeiloure donou soua baie, Etao-a neletao ye rai-a nou Mapao yesü tho-we alia puh nghoujü nou meidei-a pothowe alia Vo soua sheelawe touyu nasü shee ali soupeire donou soua baie, sükumolouzü haithai bonahkhanou Etao tyaonah hie, ‘Mapao-e thoyu hi neletao zha hae,’ tea nou paore ngaopiyu donou baie.

JOSHUA 4:21

Alia puhnou Israel mai hi paoe, “Haithai neletao nahmai nou nele hi ‘Chuh haitao daidonou haihi khaiwe’ teanou neletao hi nouyu phaki,

JOSHUA 4:5

Joshua nou puletao hi paoe, “Neletao vei Ramai Mapao Sübvü nghoujü nou tapoa Jordan rei touchü hi koulo, alia sühinou chuh chekhi Israel mai khü kiahai donou phao hinou polou-o.