JOSHUA 4:14 - SHEEYU BAIBEL (BSI)

¹⁴ Süzhou teithe Mapao nou Israel maisou nghoujü nou Joshua ye sü poku shopeie, puletao nou Moses ye tsükhou peiyu büa Joshua hria buki sasü khuhraoa tsükhou peie.

JOSHUA 4:14 Iomraidhean Croise

1 VEMAITO 3:28

Israel maitao nou Solomon vei chidei sünasü choulouyu phaki, puletao nou puhye sü tsükhou shore, daiolouzü Ramai nou puh hi kaozü hinou soupfü loure vei ratsü hai peiwe touyu sü süloure.

2 VEMAITO 2:15

Jeriko hinou buyu rachipaola peiyu mai raingou taonou puhye ngaoloua nou paoe, “Chuo Elijah vei khouko hai Elisha hi bure!” Puletao nou puh hi takouloua puhye nakou khurüe,

1 PUOPAOKO 29:25

Mapao nou Israel mai hrülaiye sü panou Solomon ye ngaopi-a khuhaoyu sü soupeie, ae puhnou puhye sü Israel maivei veo kukhe maitao jünou soudu sousopu peie.

2 PUOPAOKO 30:12

Ramai nou kozho peia Judah hi maitao nou tsüle ali souloua veo ae peikho maitao nou kharochi peikhai touyu nasü züa vah haso khesü soupeie.

TAPALOUYU 11:3

Mapao nou Israel maiye panou Ejipt maivei nghingao hinou tsükhouyu soupeiwure. Süpei hinou Moses ye Ejipt teidei hinou peikho maitao ae maikhe mainou khuhao shoyu ae dushoyu mai ali-e tea panou poloure.

TAPALOUYU 14:31

Mapao vei khouko, puhnou Ejipt maiye souha peiyu sü Israel mainou ngaoloure, ae puletao nou Mapao ye ngaopire, ae puletao nou Mapao ye alia puhvei kilai Moses ye louche loure.

TSÜCHITAO 24:21

Anahna, Mapao ye alia vemaiye tsükhoulo. Puhaiye khaityayu maiye sü koa vah souzhoso;

ROMMAI 13:4

daiolouzü puh hai lah nevei avei donou vah souyu Ramai vei kilaibaie. Ana nenou ashi soulouzü, süthaisü puhye sü piloukhaio, daiolouzü puhnou raoha-a khoche sü pomoe. Puhsü ashi souyumai pei hi Ramai vei rarou pove peilaiyu puhvei kilaie.

1 KORINTHMAI 10:2

Alia puletao hrülaiye sü Moses vei thaifümaitao soua teihao hinou ea zai hinou dzükhao dapeire,

JOSHUA 3:7

Süthaisü Mapao nou Joshua hi paoe, “Enou Moses ye kozo peiyu büa nea kozo peilai touyu hai Israel maiye panou süloure donou, zhou teithe Enou Israel mai hrülai nghoujü nou neye poku shopeilai.

JOSHUA 4:13

Mai thehraidai phali reih basei polou-a reih soure donou Mapao nghoujü nou Jeriko deikho hisü takou loure.

JOSHUA 4:15

Mapao nou Joshua hi paoe,

1 SAMUEL 12:18

Südonou Samuel nou veachi paoe, ae süzhou teithe hinou Mapao nou teisüyu ae teirü ashi sü seive peire. Süthaisü maikhe mai hai Mapao ae Samuel ye sü ngaopi sholoure,