JOSHUA 3:8 - SHEEYU BAIBEL (BSI)

⁸ Alia nenou Vo Sübvü poa tayu napao maitao hisü, ‘Jordan rei touchü hi kouloure toulouzü neletao nou sühinou latsü poa bulo,’ teanou kharochi peio.”

JOSHUA 3:8 Iomraidhean Croise

2 VEMAITO 2:6

Süthaisü Elijah nou Elisha hi paoe, “Chuo buh hai hinou chao-a baio, Mapao nou Eye Jordon rei hi tawo tea kharochi peire.” Ana Elisha nou chila peie, “Hria buyu Mapao ae neye donou E neye thaokhaiwua talai moe touyu hai chaachou soua paowe.” Südonou puhai sü koa nou tare,

2 PUOPAOKO 29:15

Mai haitao nou puletao vei thaihou jürai soua buyu Levi maitaoye sü kuve jüloure, ae puletao hai naanou soure donou soushee loure. Süthaisü Veo nou puletao hi kharochi peikhai touyu thaifüa Rathoki sü Mapao vei Chikha thaifüa soushee tare.

2 PUOPAOKO 29:27

Süthaisü meidei-a posheela peio tea Veo Hezekiah nou kharochi peie, ae meidei-a posheelayu phaki, maikhe mainou Mapao ye paoshoyu lou soue, alia lou souyu maitao nou shabe nghou-a ae poa lou souyu basei teitei noupu Mapao ye lou sousho-e.

2 PUOPAOKO 29:30

Veo ae süthai-apei maitao nou Levi maitao hi Veo David ae rachipaolawo Asaph nou Mapao ye lou soushore donou dapapei khaitouyu loutao nou Mapao ye sousho tea paopeie. Puletao nou sasho-a Mapao ye lou soushore, ae puletao nou nakou khoukhü loua Ramai ye tho-e.

2 PUOPAOKO 30:12

Ramai nou kozho peia Judah hi maitao nou tsüle ali souloua veo ae peikho maitao nou kharochi peikhai touyu nasü züa vah haso khesü soupeie.

NEHEMIAH 13:22

Enou Levi maitaoye lah sousheeloua taho rokhubomü khesü kholo ae Soteithe hai shee-a khailo tea kharochi peie. Oh Ramai, haina vanoua Eye licho peio, ae nevei dushoyu leshi hinou Eye vupeio.

NEHEMIAH 13:28

Joiada hai Napao Peichana Eliashib vei nahpoutu-e, ana puh nahpoutu mai ali nou Beth Horon nuhdu hinou hrüyu Sanballat nah naotu paiye na-e, südonou Enou Joiada ye sü Jerusalem hinou hutawure.

TAPALOUYU 14:13

Moses nou maikhe mai hi paoe, “Ngaopiso! Soutaosou lalo, zhou teithe Mapao nou neletaoye khailupa peire donou vah souyu sü zhukhaio, daiolouzü zhou neletao nou ngao-a buyu Ejipt maiye sü neletao nou ngaopu laimore.

DOPFÜYU 3:26

Südonou Etao hai heameapoa puhvei vu kholouyu haina-a veika-e, Etaoye khailupa peiloure donou puhvei vu kholo.

JOSHUA 3:17

Alia Israel mai taonou deithe hilo tacho kouyu phaki, Mapao vei Vo Sübvü poa laiyu napao maitao nou Jordan rei touchüh hinou lahpoa tahrüh teitei nou Jordan rei tacho paloumo koute bupeie.

JOSHUA 3:3

alia puletao hi haibüa kharochi peie, “Neletao nou Ramai Mapao vei Vo Sübvü nahai naasou peia buyu Levimai nou kaopoa tayu ngaolouzü, neletao-a buh hai nasü thao-a puletao thaifü talo.

JOSHUA 3:7

Süthaisü Mapao nou Joshua hi paoe, “Enou Moses ye kozo peiyu büa nea kozo peilai touyu hai Israel maiye panou süloure donou, zhou teithe Enou Israel mai hrülai nghoujü nou neye poku shopeilai.

JOSHUA 3:9

Joshua nou Israel maitao hisü paoe, “Haihi takolo, alia Ramai Mapao vei chi sü keikhaio.”

JOSHUA 4:11

Puletao nou rei tacho chelouyu thai, Mapao vei Vo Sübvü poyu napao maitao nou maisou nghoujü nou rei sü kacho koue.