JOSHUA 3:6 - SHEEYU BAIBEL (BSI)

⁶ Alia Joshua nou napao maitao hia paoe, “Vo Sübvü nasü polou-a maisou nghoujü nou raitalo.” Puletao nou Vo Sübvü nasü poloua nou maisou jünou rai-a tare.

JOSHUA 3:6 Iomraidhean Croise

1 VEMAITO 8:3

Süthai-apei maitao velou jüche loukhai-e, napao maitao nou Vo Sübvü nasü poloure,

2 PUOPAOKO 5:4

Süthai-apei mai hrülai nou tave jülouyu thai, Levi maitao nou Vo Sübvü nasü kaopoloua nou,

MIKAH 2:13

Ramai nou puletao vei ludu sü houpeilai ae hukhamai soua nüpoa tayu hinou süthaisa-a papeilai. Puletao nou nuhdu vei rokhubomü khesü dakhao paloua lahdo souloulai. Puletao vei veo, Mapao puhnou puletaoye süthaisa-a papeilai.

MAIPEI PHOUYU 10:33

Maikhe mainou sheeyu Sinai deichi nasü thaowua tapayu phaki, puletao hai teithe asü ta-e. Mapao vei Vo Sübvü nasü puletao jünou rai-a takou tewe, ae buh daikinou fühao soua bulai touyu sü phoutawe.

MAIPEI PHOUYU 14:15

Chuo nenou nevei mai haitaoye southa louzü, nevei kathe ae khouko ava süyu tyahrütao nou haibüa paoshulai,

EBRIAMAI 6:20

Eletao sühsoua Eletao jünou raia Jisu nou buh sühisü talouloue ea Melkizedek vei napao zhai süna thaifüa puh hai teisa nou Napao Peichana souloure.

JOSHUA 3:3

alia puletao hi haibüa kharochi peie, “Neletao nou Ramai Mapao vei Vo Sübvü nahai naasou peia buyu Levimai nou kaopoa tayu ngaolouzü, neletao-a buh hai nasü thao-a puletao thaifü talo.

JOSHUA 3:5

Joshua nou süthai mai khemai hisü paoe, “Neletao lah neletaoye sousheelo; daiolouzü neletao hi dosho Mapao nou khupa shoyu vah sou ngaolai.”

JOSHUA 3:7

Süthaisü Mapao nou Joshua hi paoe, “Enou Moses ye kozo peiyu büa nea kozo peilai touyu hai Israel maiye panou süloure donou, zhou teithe Enou Israel mai hrülai nghoujü nou neye poku shopeilai.

JOSHUA 6:6

Sübüa nou Nun nahpoutu Joshua nou napao mai teitei ye kuloua paoe, “Mapao vei Vo Sübvü polo, alia napao mai anai nou shabe nghou poa Mapao vei Vo Sübvü nghoujü nou talai.”