JOSHUA 3:17 - SHEEYU BAIBEL (BSI)

¹⁷ Alia Israel mai taonou deithe hilo tacho kouyu phaki, Mapao vei Vo Sübvü poa laiyu napao maitao nou Jordan rei touchüh hinou lahpoa tahrüh teitei nou Jordan rei tacho paloumo koute bupeie.

JOSHUA 3:17 Iomraidhean Croise

2 VEMAITO 2:8

Süthaisü Elijah nou puhvei sah hai phaloua nou kheiloure ae sünanou poa puhnou reidzü sü dapeie; ae reidzü sü ahai soua petare, sübüa Elisha puhai nou rei sü the-a nou kacho paloue.

LOUTAO 66:6

Puhnou zaidu nasü dei theyu hi soudapa peie, Etao puopaoh maitaoye panou reidu sü phi nou kacho paloue. Puhnou soupeikhai touyu vah haso donou Etao nou lesa-e.

TAPALOUYU 14:21

Süthaisü Moses nou puh bah sü zai pei hi lapapei khaie, süzhou khei mathe Mapao nou chihshoyu teikhei sü teinghi palova sünou pa zaidzü sü hükhai tare ae zaidzü sü daodewua panou deithe soutare.

TAPALOUYU 14:22

Israel mainou zai toutsü hinou deithe-a tapaloue, ae dzü nou puletao vei nalo ae zhoulo ahai vasü kivo büa bupeie.

TAPALOUYU 14:29

Ana Israel mai louzü zai toutsü hinou nalo ae zhoulo ahai vasü dzü nou kivo büa bupeia deithe hinou tachopa loure.

ISAIAH 25:8

Puhnou athai nasü teisa polaiwulai, ae Mapao nou mai hrülai nghithou hisü nghidzü southe peilai, alia deiphao hinou hrüa buyu puhvei maitao nou veaho-a chaa pfüa buyu nasü polai peilai, daiolouzü Mapao nou haibüa paoe.

EBRIAMAI 11:29

Lü vanou Israel maitao nou Zaiho nasü deithe hi büa tacho paloue; ana Ejipt maitao nou sübüa tacho paloure donou teyu kisü puletao sü dzü hinou maotheare.

JOSHUA 4:1

Israel tyahrütao nou Jordan rei tacho palouyu thai, Mapao nou Joshua hi paoe,

JOSHUA 4:10

Moses hi Mapao nou kharochi peikhai touyu taohai Joshua nou maisou hi phouche loumo koute, Vo Sübvü poa buyu napao maitao nou Jordan rei touchü hinou la-a bupeie. Süphaki Israel mainou thasho-a rei sü kacho kouloue.

JOSHUA 4:11

Puletao nou rei tacho chelouyu thai, Mapao vei Vo Sübvü poyu napao maitao nou maisou nghoujü nou rei sü kacho koue.

JOSHUA 4:22

neletao nou nele nahmai hi haibüa paolai, ‘Israel mainou Jordan reidzü thea nou tacho paloue.’

JOSHUA 4:3

alia puletao hi kharochi peio, ‘Jordan rei touchü hinou chuh kiahai polo, süsü napao maitao phinou heayu fütao hinou polo, alia po-a takou neletao nou zhoukhei chaolaiyu buh hisü khailo.’ ”

JOSHUA 5:1

Jordan vei teinghi loulo buyu Amor vemai hrülai, alia zai pehinou buyu Kanaan vemai hrülai hai Mapao nou Jordan reidzü southe peia Israel maiye panou Jordan rei kacho koukhai loure touyu ko süloua, puletao nou Israel maiye ngaopi sholoure, alia khuveia dulai touyu tsüa puletao hi hazhi toure.