JOSHUA 3:13 - SHEEYU BAIBEL (BSI)

¹³ Mapao vei Vo Sübvü poa tayu napao maitao nou talou Jordan reidzü heade toulouzü, Jordan reidzü sü kümoa shoa bailai, alia reikou nou kükouyu reidzü tao-a kholi sou-a bu bailai.”

JOSHUA 3:13 Iomraidhean Croise

1 PUOPAOKO 29:11

Ne hai dusho-e ae khouko busho-e, veilouyu ae ngalouyu alia aduso nasü ne baie, daiolouzü raki ae deiphao buyu na teitei sü nevei baie. Vedei khesü nevei baie, ae ha teitei pei sü nenou khasa-a bubaie.

LOUTAO 33:7

Puhnou zaidu teitei sü buh ali hi pove khaipeie; puhnou zaidu hi buyu dzü veishi sü na pokhaiyu kide ali hi khaipei-e.

LOUTAO 74:15

Nenou dzünghou ae dzüla khesü soupeie, nenou reidzü khesü southe peie.

LOUTAO 78:13

Puhnou zaidu nasü souko laipeia puletao panou tacho paloue; ae dzü sü kivo büa latsü tea panou chao-a khopeie.

TAPALOUYU 15:8

Ne ssü sünou zai hi houpei khaie, zaidzü sü ke ali soua butare; zai thoukayu fü hi dzü sü ke soutare.

ISAIAH 54:5

Daiolouzü neye Sou-apeio sünou nevei maipou ali büa sabu peilai, Khoukhoulai Mapao touyu sü puhvei zhih-e. Sheeyu Israel maivei Ramai nou neye sü khailupa peilai, puh hai deiphao teitei vei Ramai nasüe.

HABAKKUK 3:15

Nenou rhei pfüa zai hi taipeiyu vanou dzü khü-a lapae.

ZEKHARIAH 4:14

Süthai puhnou paoe. “Mai haina ahai hai deiphao teitei hi panou Mapao vei vah soure donou theadzü napei khaitouyu nahai-e.”

JOSHUA 3:11

Zhukhaio, hali-hala pei hinou Mapao soua buyu Ramai vei Vo Sübvü nasü neletao pahinou poa Jordan rei hisü kaloure.

JOSHUA 4:7

süphaki, Mapao vei Vo Sübvü poa Jordan rei kacho kouyu phaki reidzü hai kümoa baire teanou neletao nahmai hi paolai. Vo Sübvü süna poa kouyu phaki, Jordan rei sü dadewu baire. Südonou chuh haitao nou Israel maiye pa teisa licho loure donou shee ali souwulai.”