JOSHUA 3:10 - SHEEYU BAIBEL (BSI)

¹⁰ Joshua nou haibüa paoe, “Neletao nou hriyu Ramai hai neletao hrohinou bue touyu süloulai, alia Puhnou veikhai moa neletao ye donou Kanaan mai, Hit mai, Hiv mai, Perizz mai, Girgash mai, Amor mai, alia Jebus maiye huta peilai.

JOSHUA 3:10 Iomraidhean Croise

SHURAI 15:21

Amor mai, Kanaan mai, Girgash mai alia Jebus mai haitao vei teidei teitei-a loua nou peilai.”

1 VEMAITO 22:28

Mikaiah nou paoe, “Nenou kaozhou vei-a dakhai velouyu thaio, Mapao nou Eye chaku peimoe touyu sülo.” Ae puhnou paopue, “Enou paoyu sü mai hrülai nou süpeio!”

2 VEMAITO 19:4

Assaria hi veo nou puhvei peikho maiye seive hriyu Ramai ye sü paoshi-a nou bure. Nevei Ramai Mapao ye sü panou puletao nou paoshi-a buyu khesü chouloua puletaoye tudee peiyu sü soupeio. Sübüa hria buyu Etao vei maitaoye donou Ramai hi veachi paokha peio.”

1 PUOPAOKO 1:14

puh vanou hrüveyu tyahrütao hai Jebus mai, Amor mai, Girgash mai,

LOUTAO 42:2

Hrüyu Ramai, Enou neye sü reisho-a nou kho-a bue; Enou duki taho nevei nghoujü hinou neye tholou laige?

LOUTAO 9:16

Mapao hai puhvei checheyu chidei hisü nou lah puhye süngao peiwe, ae mai ashimai hai lah puletao vei rüh hinou muloua baiwe.

TAPALOUYU 17:7

Puhnou buh sünasü Massah (la-a nou zhuyu) ae Meribah (nolyalyayu) tea sapeie, daiolouzü Israel mainou vamoa nolyalyare ae Mapao nou daie soulou süsa tea la-a nou zhure, ae haibüa paoe, “Mapao nou Etaoye salaiho salai mosa?”

TAPALOUYU 3:8

Südonou chuo Enou puletaoye Ejipt mai bah hinou vupa loure donou vere, alia puletaoye sü teidei aveih, chonaodzü ae laivoudzü nou küa buyu teidei hi, chuchu Kanaan mai, Hit mai, Amor mai, Periz mai, Hiv mai ae Jebus mainou hrüa buyu teidei hisü save thoupeilai.

TAPALOUYU 33:2

Enou neletaoye panou khosa-a tapeire donou rakivamai aliye seive peilai, alia Enou Kanaan mai, Amor mai, Hit mai, Periz mai, Hiv mai, ae Jebus maiye huta peilai.

ISAIAH 7:14

Südonou Mapao nou neletao hi shee ali peilai, süolouzü loumainah ali nou nah hrüloua nahpoutu ali naloulai, ae puh zhih sü Immanuel tea salai.

JEREMIAH 10:10

Ana Mapao louzü checheyu Ramaie; Puh sü hriyu Ramaie ae teisa vei veo nasüe. Nenou lekha payu phaki deiphao hai nüsü vewe; ae nenou rarouyu kisü deiphao mainou lalou hoe.

HOSEA 1:10

Ana Israel maitao hai teithe li zai hi vünai bülai, süzhou mai linoua puletao ye duloulai moe, mokhaia puletao hrüh chosha louho soulai; “Neletao hai Amai moe” tea paoyu thaosü, “Hriyu Ramai nah khemai” tea Enou puletao ye paolai.

MAIPEI PHOUYU 13:29

Amalek mainou teidei khelova hai hrüwe; Hit mai, Jebus mai, ae Amor mai nou deichi vasü hrüwe; ae Kanaan mainou Mediterranean zai pehao hi alia Jordon rei pehao hisü hrüwe.”

MATHIU 16:16

Simon Pitar nou chila peie, “Newo hriyu Ramai Nahpoutu Khristae.”

JOHAN 6:69

Alia nehai Ramai hinou veyu Masheeo nasüe touyu hai Ehnou louche loure ea süloure.”

PAODAKHAIYU CHIKHA 31:17

Sübüa vepayu teithe hisünou Enou puletao pei hi rarou talai, ae puletaoye sü thaokhaiwua azhu sü pfüa vaita-a bailai. Puletao hi veahoyu khaikho vedaoyu phaki, süzhou teithe puletao nou haibüa paolai, ‘Etao Ramai Mapao nou Etao hrohinou bumoa tayu donou haibüa veahoyu sü ve daomovu?’

PAODAKHAIYU CHIKHA 5:26

Deiphao mai aliro mei hinou hria buyu Ramai nou raopayu pai chouloua Etao büa hrilouyu buhage?

PAODAKHAIYU CHIKHA 7:1

“Neletao Ramai Mapao nou neletaoye panou hrülaiyu füdei hisü save peilai, alia tyahrü taoliye puhnou hulai peilai. Neletao nou talouyu phaki, neletao jünou dupuyu ae khoupuyu tyahrü anai taosü puhnou hulai peilai, sütaosü daidaie toulouzü: Hit mai, Girgash mai, Amor mai, Kanaan mai, Periz mai, Hiv mai alia Jebus mai-e.

PAODAKHAIYU CHIKHA 7:21

Mai sütaoye ngaopiso; daiolouzü Ramai Mapao hai neletao hrohinou bue, puh hai dushoyu Ramai-e alia ngaopi shoyu Ramai-e.

1 THESSALONIMAI 1:9

Daiolouzü Ehnou neletaoye ve zhuyuki neletao nou kabüa Ehye sasa-a shepeisa ea kabüa cheche ea hriyu Ramai kuvah soure donou neletao nou basharatao hinou Ramai hi dakhai velouresa,

EBRIAMAI 10:31

Hriyu Ramai bah hi kaolouyu hai ngaopi pilai nasüe!

JOSHUA 11:3

Puhnou Jordan vei teinghi palo alia teinghi loulo noubuyu Kanaan mai, Amor mai, Hit mai, Perizz mai, alia deichi hilonou nuh buyu Jebus mai alia Mizpah vei Hermon deichi hilonou hrüyu Hiv mai teitei hisü ko hai paotapeie.

JOSHUA 12:8

Teidei sütao hai daidaie toulouzü: deichi hinou buyu nuhtao, teinghi loulo va deichi phihinou buyu tao, Arabah, deichi phi hinou buyu nuhtao, vaohrotao, alia Negeb hi buyu Hit mai, Amor mai, alia Kanaan mai, Perizz mai, Hiv mai, ae Jebus maivei teideitaoe.

JOSHUA 21:45

Mapao nou Israel mai hi paohpei khaitouyu teitei hai ali-a veikhai toumoa soukhai tou peie; paohkhai touyu teitei sü vechekhai toure.

JOSHUA 22:31

Alia napao Eleazar nahpoutu Phinehas nou Reuben, Gad alia Manasseh maitao hisü paoe, “Zhouo Mapao Ramai-a Etao hi bue touyu süloure, daiolouzü neletao nou Mapao ye khaitya-a dumoe, südonou chuo neletao nou Israel maiye Mapao vei rarou-lekha hinou vupa peiwure.”

JOSHUA 24:11

Südonou neletao nou Jordan talah loua Jeriko hisü veloue, alia Jeriko hi buyu mainou neletao ye reih souwe, alia Amor mai, Perizz mai, Girgash mai, Hit mai, Kanaan mai, Hiv mai, ae Jebus mai nou neletao ye reih souwe, ana Enou puletao yesü nele bah hi peie.

JOSHUA 3:9

Joshua nou Israel maitao hisü paoe, “Haihi takolo, alia Ramai Mapao vei chi sü keikhaio.”

JOSHUA 9:1

Jordan vei teinghi loulo nou buyu vemai hrülai, deichi alia deikho hinou buyu mai-a, alia Zaidu pehinou poa kouh Lebanon vei pahilo buyu Hit mai, Amor mai, Kanaan mai, Perizz mai, Hiv mai alia Jebus mai teitei nou haihai süloukhaie,

1 SAMUEL 17:26

David nou puhye nghia buyu maitao hi noue, “Philistin maipu naye southa loua Israel maiye vupa peiyu naye daili peilai touwe? Heebi moyu Philistin maipu nanou hria buyu Ramai vei reihmaitaoye ngaophou moa vah-a buyu nasü thaoge?”

1 SAMUEL 26:6

Süthaisü David nou Hit puona Ahimelek ae Zeruiah nahpoutu Joab thaihou Abishai hi noue, “Ne hai thaonou Eye koa Saul vei fühao hisü talaige?” “Enou talai,” tea Abishai nou chila peie.