JOSHUA 24:20 - SHEEYU BAIBEL (BSI)

²⁰ Neletao nou Mapao ye thaowu-a rah kukhe livei vah soutalouzü, puhnou raiki neletao hi vah aveih soupeiyu büa, neletao yesü soushi souha khaitouwu bailai.”

JOSHUA 24:20 Iomraidhean Croise

1 PUOPAOKO 28:8

“Südonou chuo, avei maitaore, Etao Ramai nghoujünou ae haihi veloujüa buyu Mapao vei maitao nghoujünou Enou neletao hisü paowe, süolouzü veishoyu teidei hainasü neletao vei soua bukoute loure donou ae hai nasü vere bonakha hia kikaa soua peiloure donou, neletao Ramai Mapao nou peikhai touyu chikha khesü soutaosoua zütou touloua hrülo.”

1 PUOPAOKO 28:9

Ae Solomon hisü puhnou haibüa paoe, “Anahpoutu Solomon, nevei puo Ramai ye sü phoulo, ae nevei tsüle teitei nou peia puh vei kuvah sü sounü shoa soulo; daiolouzü Ramai hai Etao vei tsüchoyu ae jüpayu teitei sü süa baiwe. Nenou puhye phou louzü, puhye sü nenou ngaoloulai, ana nenou puhye thaowulouzü puhnou neye teisa nou thaowua bailai.

2 PUOPAOKO 15:2

ae puhnou Veo Asa ye ve daolai tea tare, alia puhnou haibüa paoe, “Veo Asa, ae Judah alia Benjamin mai hrülai, apai keipeio! Neletao nou Mapao ye koa salai louzü, puhnou neletaoye salai koute peilai. Neletao nou puhye phoulouzü, neletao nou puhye ngaoloulai, ana neletao nou puhye thaowu louzü, puh-a neletaoye thaowua bailai.

EZRA 8:22

Daisounou tiyuo Enou veo hisü reih soumai ae reih vei rhei pfüyu maiye peio tea kho haore, daiolouzü Enou veo hisü haibüa paowure, “Eh Ramaio Puhye louche-a buyu maiye sü vupei baiwe, ana Puh ye louche moa buyu mai hisü Puh vei rarou-lekha nasü bue.”

LOUTAO 89:31

ae Enou paodu peiyu khesü ngaophou molouzü, ae avei chikha thaifüa talou more toulouzü,

ISAIAH 1:28

Ana puhnou mah souyu maitao ae puhye khaityayu maitao sü souhawulai; puhye malaiyu mai hrülaiye sü puhnou southawulai.

ISAIAH 63:10

Ana puletao nou puhye khaitya-a dure, alia puhvei sheeyu rakoye sü le souvea peie. Südonou puhnou puletao vei ngaobamai souloua puletaoye reih soue.

JEREMIAH 17:13

Oh Mapaowo, Israel maitao vei areih nasü ne baie; neye thaowua tayu mai hrülai hai hraongu ngaolai. Puletao vei zhih sü vonai phaohi rükhai touyu büa ngaomota bailai, daiolouzü puletao hri-a buyu dzüla, Mapao neye thaowure.

EZEKIEL 18:24

“Ana checheyu mai ali nou vah aveih souyu sü soupu moa vah ashi souta louzü, ae ngaorayu maishi mainou souyu vah khesü puhnou souta louzü puh sü hrilou süwu? Moe! puhnou vah aveih soukhai touyu teitei-a lichopu peilai moe. Puh sü thai-a bailai daiolouzü puh sü chilee cheche more ae puhvei mah donou puh sü thai bailai.

SEI-ATAMAI VAHTAO 7:42

Ana Ramai nou puletaoye thaowu-a panou ratei hi vuh taoye thore hi puletaoye thoupeiwure. Sükuyu hai rachi paolai maitao vei larübvü hi rüthouyu büe: ‘He Israel kikhamai, po raidai rekounou neletao nou kikhaorüh southea-a ea ha nanou potho-a Ahi peiwu?

PAODAKHAIYU CHIKHA 4:25

“Neletao nou talou teidei sühinou nahmai ngaolou ae tyaosholea ngaoloua phasho hrüpayu thaia zhurai taralia bah nou souloua bashara sü thota louzü alia neletao Ramai Mapao nghingao hinou vah ashi ae kaomoyu vah souta-a puhvei lekha rarou daipayu thaio,

PAODAKHAIYU CHIKHA 4:26

Enou zhou raki ae deiphao zhih kuloua neletao hi shakhi souwe, süolouzü neletao nou Jordan rei tacholoua polaiyu teidei hisü nou hata bailai; neletao teidei sühisü phasho-a panou hrülai moe, ana neletaoye souhakhai bailai.

EBRIAMAI 10:38

Ana Avei achecheo sünanou lü vanou hriloulai, alia puhnou thaikhai tare toulouzü Enou puh lüsü valaimoe.”

JOSHUA 24:21

Puletao nou Joshua hi paoe, “Moe, Ewo Mapao vei vah soua bailai.”

1 SAMUEL 12:15

Ana neletao nou Mapao vei pai sü keiba-a puhvei chikha khesü zü more toulouzü, puhnou neletao hi ae neletao vei veo pei hisü hrai tawulai.

1 SAMUEL 12:25

Ana neletao nou mahmo sü soupu khaikhai-a bulouzü, puhnou neletao ae neletao vei veo ye sü souha bailai.”