JOSHUA 24:19 - SHEEYU BAIBEL (BSI)

¹⁹ Ana Joshua nou puletao hisü paoe, “Neletao nou Mapao vei vah sü soulou hoe; daiolouzü puh hai sheeshoyu Ramai-e; Puh hai rah kukheye ngaora shoyu Ramai-e. Puh hai neletao nou soumah-soumo khaitouyu sü khaipei laimoe.

JOSHUA 24:19 Iomraidhean Croise

2 PUOPAOKO 36:16

Ana puletao nou Ramai vei ko paoyu maiye sü poa panü soure, ae rachipaola peiyu maiye sü ngaophou moa konüre, südonou akhai hisü kou Mapao vei lekha rarou nasü dusholoua puhvei maitao hisü vere.

LOUTAO 99:3

Mai hrülaiye panou puhvei aduso ae zhih aveih nasü paosholo. Sheeyu nasü puh baie!

LOUTAO 99:5

Etao Ramai Mapao ye paosholo; puhye tave puhvei vebuh hinou tholo! Sheeyu nasü puh baie!

LOUTAO 99:9

Etao Ramai Mapao ye sü paosholo, ae puhye sheeyu deichi hinou tholo! Eletao Ramai Mapao hai sheewe.

TAPALOUYU 20:5

Neletao nou bashara moyuma zhurai taraliye nakou tholai moe, daiolouzü neletao Ramai Mapao nasüe E baie, ae Esü ashiye zhuthoulou hoyu Ramai-e. Eye ngaorayu mai hisü Enou puletao vei tyaosholea asü ae adai koute veahoyu sü peiwe.

TAPALOUYU 23:21

Puhnou paoyu chi zütou toulo. Neletao nou puh chi züba-a puhye dure toulouzü, neletao nou soumah khaitouyu khesü puhnou ali-a khaipeikhai toulai moe, daiolouzü puhye sü Enou seita-a baie.

TAPALOUYU 34:14

“Rah kukhe ali koute-a thosho, daiolouzü Mapao Avei zhih hai Ngaoraiwo touwe, ae E hai Ngaoraiyu Ramai nasüe.

TAPALOUYU 34:7

Enou apaokhai touyu nasü maiphao thethe koute-a ngaimoa leshi peiwe ae puletao vei vah ashi alia mah khesü khaipeiwe. Ana puopaoh mai mah donou avei tudee nasü puletao nahmai ae tyaomai khaphao asü adai koute hia velai.”

ISAIAH 2:9

Mai hrülaiye sü hraongu soupeilai. Puletaoye sü khaipei khaiso, Oh Mapaowo!

ISAIAH 27:11

Süübo khesü kita chata-a bailai, alia naotumai nou süü sükhesü poloua mei deilai. Daiolouzü maikhe mai hai sükulou süyu tsüdo sü hare, südonou puletaoye Sou-apeio nou puletaoye zhuveayu sü bulai more, ae puletaoye leshi-jüpayu sü ngaopei laimoe.

ISAIAH 30:11

Etao ludu sü nusho, ludu vapeio, Etao nou Israel maivei Sheeyu Ramai vei chipao sü keinü moe.”

ISAIAH 30:15

Khoukhoulai Mapao, Israel maivei Mashio nou maikhe mai hi paoe, “Neletao ahi dakhai velo ae Eye louchelo, sübülouzü neletao hai pfüchi bulai ae kaozhou vei-a bailai.” Ana neletao nou süsü soubare.

ISAIAH 5:16

Ana Khoukhoulai Mapao nou puhvei dusho nasü kaozü hinou vah soungao peiwure, alia puh hai sheeyu Ramai-e touyu nasü puhvei maitaoye tudeeyu hinou popa ngaopeiwure.

LEVIMAI LARÜBVÜ 10:3

Süthaisü Moses nou Aaron hi paoe, “Mapao nou hai vanou ahi haibüa paoe, ‘Avei kuvah souyu mai hrülai nou avei sheeyu nasü tsükhoulai, ae Enou avei maitao hisü avei kathe nasü pongao peilai.’ ” Ana Aaron nou raokhai moa bua baie.

LEVIMAI LARÜBVÜ 11:44

E hai neletao vei Ramai Mapao-e, südonou neletao hai shee-a bulo, daiolouzü E hai shee-e.

LEVIMAI LARÜBVÜ 11:45

Neletao vei Ramai soure donou neletaoye Ejipt teidei hinou sapa peiyu Mapao nasü E-e. Neletao hai shee-a bulo, daiolouzü E hai shee-e.

LEVIMAI LARÜBVÜ 20:26

Neletao hai shee-a hrülai ae avei mai likhei soua bailai, daiolouzü Mapao E hai shee-e. Neletao hai avei mai soure donou Enou tyahrü kukhetao hrohinou dokupa khaitoue.

LEVIMAI LARÜBVÜ 20:7

Neletao hai shee-a bulo, daiolouzü E hai neletao Ramai Mapao nasüe.

NAHUM 1:2

Ramai hai puhye hraiyu mai hi healou hoyu alia khürüyu Mapao-e, Mapao hai khüphouwe alia lekha shiwe, Mapao hai puhye hraimai hi khü phoue alia puh ngaoba maiye lekha rarou nou soushi peiwe.

HABAKKUK 1:13

Ne nghithou hai sheeleyu donou shiyu sü zhuthou louhoe; alia kaozü moyu hisü zhukhai louhoe. Ne daisounou maishi maiye zhua buwe, alia daisounou puletao jünou checheyu maiye southa-souha buki ngasoua buwe?

MATHIU 6:24

“Mailinoua paopu ahaivei qila soulouhoe; daiolouzü puhnou aliye ngaoralai ea kukhe aliye leshilai; moa puhnou alichi zülai ea kukhe alinaye ngaophou laimoe. Neletao nou Ramai ea pousha ahai vei kuvah soulouhoe.

JOSHUA 24:18

Alia Mapao nou etao nghoujü nou Amor mai hrülaiye sü hulai peie; südonou etao-a Mapao vei vah sü soua bailai, daiolouzü Puh hai Etao vei Ramai-e.”

JOSHUA 24:23

Puhnou paoe, “Sükulouzü neletao hrohinou buyu rah kukhe taoye sü polaio, alia neletao vei hrümai hai Israel Ramai Mapao hi peio.”

RUTH 1:15

Naomi nou puh hi paoe, “Ruth, ne chi-o lah mai hi dakhai tare alia lah vei rah hi dakhai tare. Ne-a puhye koa dakhai tabaio.”

1 SAMUEL 3:14

Südonou Enou Eli kihikha mai hi chaachou soua paopeiwure, süolouzü hatyatyali soua posheela-a buyuma puhvei kihikha maitao vei mah khesü khaipei louhore.”

1 SAMUEL 6:20

Süthaisü Beth Shemesh hi mainou paoe, “Thaonou Sheeyu Ramai Mapao nghoujü nou lalou süyu buge? Puhvei Vo Sübvü nasü thaohi seive peilaige?”