JOSHUA 24:14 - SHEEYU BAIBEL (BSI)

¹⁴ “Südonou chuo neletaoa Mapao ye ngaopilo, alia puh vah sü chilee chechea soulo; nele puopao taonou rei holova buki alia Ejipt hi bubuki thoyu rah nasü thaowo, sükua nou Mapao vei vah sü soua baio.

JOSHUA 24:14 Iomraidhean Croise

SHURAI 17:1

Abram nou po raiküakü payu phaki, Mapao nou puh hi zhu ngaopeia puh hisü paoe, “E hai Khoukhoulai Ramai nasüe. Achi zülo alia teisa nou kaozü nasü soulo.

SHURAI 35:2

Südonou Jakob nou puh kikhamai alia puhye koa bumai hrülai hisü paoe, “Neletao hi buyu vakou maivei bashara teitei polaiwo alia lah neye sousheelo ae sheeyu sabanü banoulo.

2 VEMAITO 20:3

“Oh Mapaowo, Enou chilee cheche-a nevei kuvah hai avei hrümamai veishi nou peia soupeiyu khesü licho peio, ae nenou jüpayu vah khesü soupeire donou Enou teisa nou te-a soua buyu khesü süpeio.” Sübüa puhnou veachi paowua puh hai levea shopoa nou krare.

EZRA 9:11

Nenou Nevei kilai rachi paolayu mai hi haibüa paoe, ‘Neletao nou talou polou laiyu teidei nahai hashinou phoubue ae sheemoyu mai khaitie,

JOB VEI LARÜBVÜ 1:1

Job tea kuyu mai ali Uz tea kuyu nuh hinou bue, puhsü Ramai ye lütou tea rah thoyu mai alie. Puh sü veishoyu mai alie, hashi touyu ali-a soumore donou soutaosou-a hrüa buyu mai alie.

JOB VEI LARÜBVÜ 28:28

Ramai nou mai hi paoe, “Tsüdo veiloure donou neletao hai Mapao ye tsükhoulo, alia tsü süloure donou neletao ashi hinou tareilo.”

LOUTAO 111:10

Tsüdo veia hrülai toulouzü Mapao ye tsükhoulo, puhvei kharochi züa buyu mai hrülai hisü puhnou tsüveiyu nasü peiwe. Puhye teisa nou paosholo.

LOUTAO 119:1

Mahmo lia soupfü moa Mapao vei chikha hinou hrüa laiyu maitao hai savayu maitaore.

LOUTAO 119:80

Eye panou nevei chikha khesü soutaosoua zütou toulo, sübüa Eye panou hraongu nasü ngaoso.

LOUTAO 130:4

Ana nenou etao vei mahmo khesü khaipeie, südonou etao nou neye khuhao-a nou ne nghoujü nou la-a bue.

LOUTAO 81:10

Neletaoye Ejipt teidei hinou sapa peiyu Ramai Mapao nasü E baie. Enou neletaoye sü kiko peilai.

EZEKIEL 20:18

Südonou Enou puletao vei nahle maitao hi haibüa paopi peie: Neletao vei puopaoh maitao nou soukhai touyu chikha khesü khaiso, puletao nou hrüyu zhaihrü nasü thaifüso, moyuma basharatao hinou neletao hai lahye souzhai louso.

EZEKIEL 23:3

Puhai nou nahle-a buki Ejipt hinou hrüe ae sühinou puhaiye sü mainou sabu sazü peia puhai sü khakhapfü soutare.

HOSEA 3:5

Süthaisü Israel mainou Ramai Mapao ye sü phoupoa dakhai velai, alia puletao nou David veoye phoulai; haithaiwo puletao nou Mapao ye pia hrülai alia puh hinou haveih ngaoa hrüyu soulai.

LEVIMAI LARÜBVÜ 17:7

Chuo Israel mainou sou hai vakou nou datha-a rashiye posheela peiyu büa Mapao hi chilee cheche moyu vah sü soupulai moe. Israel mainou zhai hai nasü vere teile teitei hia soupfülai.

MIKAH 6:8

Moe, Mapao nou Etao hisü kabüyu paityanou veiwe touyu sü paopeiwure. Mapao nou Etao hinou jüpayu louzü: kaozü souyu, tobai soumoa leshiyu nasü soungao peiyu, ae tainoutou soua Etao Ramai ye koa hrüyu hai nou jüpa-a baie.

LUK NOU RÜYU KO AVEIBVÜ 8:15

Alia deivei buh hi dekou louyu taonou, chipao süna chouloua sünasü sheeyu ea paoyu züyu lekhe hinou poteiloua shameayu vanou rashi shilouyu puletaoe.

SEI-ATAMAI VAHTAO 9:31

Südonou Judea, Galilee ea Samaria hi buyu lüloumaime teitei sü soutsü puloua kaonayu teile ngaoloue; alia Mapaoye khuhaoyu hinou ta-a ea Rako Mashinou souva sousa pei-a lüloumaime sü pupaloure.

2 KORINTHMAI 1:12

Ehnou khaophu souyu qowo louzü, Ehnou deiphao hinou hrüa buyu haina hai, koulih soua Ehnou neleye koa sa-pa soua hrüyu hai Ramai hinou leishoa ea sheetoua, deiphao vei tsü hinou moa Ramai vei zhuvea khouko vei khakhe hinou hrübaie touyu sü Ehvei lekhetsü nanou zhopaoh souwe.

EPHESAMAI 6:24

Eletao Mapao Jisu Khristaye thaihoyu hayu lesha nanou leshia buyu maikhemai hrülai hisü Ramai zhuvea nou koa bupeiyu sü souloutheo.

PAODAKHAIYU CHIKHA 10:12

“Alia chuo, O Israel maitaore, neletao Ramai Mapao nou neletao hinou daie jüpawe toulouzü, neletao Ramai Mapao ye piyu, puhvei ludu hinou tayu, puhye leshiyu, nevei tsüle rako veishi nou pothou puh vah souyu hai jüpawe.

PAODAKHAIYU CHIKHA 18:13

Neletao Ramai Mapao nghoujü nou neletao hai chilee cheche-a sheesha tea nou hrülo.”

PAODAKHAIYU CHIKHA 6:13

Neletao Ramai Mapao ye sü tsükhoulo, puhye likhei tho bailai, alia puh zhih likhei nou ku-a chaachou soua bailai.

PHILIPPIMAI 1:10

sübüa neletao nou veiveilai nasü dolou sülai. Süthaisü neletao nou Khrista Teithe kisü sheemoyu ea cha buyu teitei hinou mado souloulai.

JOSHUA 24:2

Joshua nou puletao mai hrülai hisü paoe, “Israel Ramai Mapao nou paoe, ‘Neletao puopao mai-wo Euphratis rei holova nou hrüe, sühi sünou Abraham alia Nahor puo Terah laimaio rah kukhe-e thoa hrüe.

JOSHUA 24:23

Puhnou paoe, “Sükulouzü neletao hrohinou buyu rah kukhe taoye sü polaio, alia neletao vei hrümai hai Israel Ramai Mapao hi peio.”

1 SAMUEL 12:14

Neletao ae neletao vei veo nou neletao Ramai Mapao ye tsükhou-a puhvei kuvah soulouzü, puhvei paochi züa puhvei chikha teitei thaifütou toulouzü, neletao hi ha teitei nou kaozhou vei-a hrüa bailai.

1 SAMUEL 12:24

Neletao vei tsüle ae hrümai teitei nou peia Mapao chi zülo, ae puhvei kuvah hai chilee cheche-a soulo. Puhnou neletaoye donou vah haso aduli soupei khaitouyu khesü licholo.

1 SAMUEL 7:3

Samuel nou Israel maitao hisü paoe, “Neletao vei tsüle teitei nou peia Mapao hi dakhai veloua vakou maivei rahtao, ae Ashtaroth vei basharatao sü thaokhai louzü, alia neletao vei hrü hai Mapao hi peithou khaiwua puhye likhei tho bailouzü, puhnou neletaoye Philistin mai bah hinou vupa peilai.”