JOSHUA 24:11 - SHEEYU BAIBEL (BSI)

¹¹ Südonou neletao nou Jordan talah loua Jeriko hisü veloue, alia Jeriko hi buyu mainou neletao ye reih souwe, alia Amor mai, Perizz mai, Girgash mai, Hit mai, Kanaan mai, Hiv mai, ae Jebus mai nou neletao ye reih souwe, ana Enou puletao yesü nele bah hi peie.

JOSHUA 24:11 Iomraidhean Croise

SHURAI 15:19

Kenmai, Kenizmai, Kadmon mai,

LOUTAO 105:44

Puhnou puletao hi mai kukhe maivei teidei sü peie ae puletao nou puletao vei kilu khesü poloue.

LOUTAO 114:3

Zai Ho nasü puletaoye ngaoloua tutare; Jordan rei hai dzü kümoa chaore.

LOUTAO 114:5

Oh zaidu nare, ne daisou nou tutawe? Oh Jordan, ne daisounou dzükü moa chaotawe?

TAPALOUYU 13:5

Mapao nou neletaoye chonaodzü ae laivoudzü nou küa buyu teidei, puhnou neletao puopaoh mai hi peilai tea paokhai touyu Kanaan mai, Hit mai, Amor mai, Hiv mai ae Jebus mai vei teidei hi sa-a velou peiyu phaki, neletao nou nüh haina sü potei hi khou araina hinou nülai.

TAPALOUYU 23:23

Avei rakivamai nanou neletao jünou rai-a neletaoye sü Amor mai, Hit mai, Periz mai, Kanaan mai, Hiv mai, ae Jebus mai teidei hisü sa-a ve peilai, alia Enou puletaoye sü souha peilai.

TAPALOUYU 23:28

Enou neletao jünou rai-a neletao ngaobayu maitao hisü rahtayu seive peilai, sübüa panou Hiv mai, Kanaan mai ae Hit maiye sü hulai peiwulai.

TAPALOUYU 23:31

Enou neletao vei deirai sü Zai Ho hinou poa Euphratis rei koute ae Mediteranean zai hinou poa radeiki koute peilai. Teidei sütao hi hrüyu maikhe maitao hai neletao bah hi thoupeilai, alia neletao nou puletaoye sü hulai loulai.

TAPALOUYU 3:17

Ale sü laloure, süolouzü Enou neletaoye veahoshoa buyu Ejipt mai bah hinou veishoyu teidei, chonaodzü ae laivoudzü nou küa buyu Kanaan mai, Hit mai, Amor mai, Periz mai, Hiv mai, ae Jebus mai vei teidei hisü save peilai.’”

TAPALOUYU 3:8

Südonou chuo Enou puletaoye Ejipt mai bah hinou vupa loure donou vere, alia puletaoye sü teidei aveih, chonaodzü ae laivoudzü nou küa buyu teidei hi, chuchu Kanaan mai, Hit mai, Amor mai, Periz mai, Hiv mai ae Jebus mainou hrüa buyu teidei hisü save thoupeilai.

TAPALOUYU 33:2

Enou neletaoye panou khosa-a tapeire donou rakivamai aliye seive peilai, alia Enou Kanaan mai, Amor mai, Hit mai, Periz mai, Hiv mai, ae Jebus maiye huta peilai.

SEI-ATAMAI VAHTAO 13:19

Alia puhnou Kainan teidei hi buyu tahrüh anaiye souhawu-a teidei sütaovei paopu panou soure donou po kaidai-a raingou pha puhnou puhmaitao hi peie.

SEI-ATAMAI VAHTAO 7:45

Eh puo-paomaitao nghojünou Ramai nou hutayu tahrüh khemaitao hinou teidei sünasü puletao nou polouyu kisü sahpao sünasü Eh puo-paomaitao nou puletao vei puokhemaitao hinou shoshonou ngaoloua süsü Joshuaye koa polouloue. Alia süsü David phaova koute sühinou bue.

PAODAKHAIYU CHIKHA 7:1

“Neletao Ramai Mapao nou neletaoye panou hrülaiyu füdei hisü save peilai, alia tyahrü taoliye puhnou hulai peilai. Neletao nou talouyu phaki, neletao jünou dupuyu ae khoupuyu tyahrü anai taosü puhnou hulai peilai, sütaosü daidaie toulouzü: Hit mai, Girgash mai, Amor mai, Kanaan mai, Periz mai, Hiv mai alia Jebus mai-e.

JOSHUA 3:10

Joshua nou haibüa paoe, “Neletao nou hriyu Ramai hai neletao hrohinou bue touyu süloulai, alia Puhnou veikhai moa neletao ye donou Kanaan mai, Hit mai, Hiv mai, Perizz mai, Girgash mai, Amor mai, alia Jebus maiye huta peilai.

JOSHUA 4:1

Israel tyahrütao nou Jordan rei tacho palouyu thai, Mapao nou Joshua hi paoe,

JOSHUA 4:19

Israel mainou Jordan rei kacho palouyu hai khoukha raina teithe kirou zhou-e, puletao nou tapoa kou teinghi palo Jeriko vei deirai hinou buyu Gilgal hinou fühao sou-a buloue.

JOSHUA 4:23

Daiolouzü nele Ramai Mapao nou Hoyu Zai nahai Etaoye donou southe peiyu büa Jordan reidzüa Israel maiye panou kacho pache loumo koute southe peie.

JOSHUA 9:2

Puletao mai hrülai nou louhrüloa Israel mai ye reih soure donou le ali souloua ve jüloure.