JOSHUA 24:10 - SHEEYU BAIBEL (BSI)

¹⁰ ana Balaam nou paolaiyu hai Enou keipei laimoe touyu puhnou süloua neletao ye hapeie; sübüa Enou neletao yesü puh bah hinou vupa peie.

JOSHUA 24:10 Iomraidhean Croise

ISAIAH 54:17

Ana reih basei tarali noua neletaoye sü soushilou laimoe, ae chikuyu hi mai tara linoua neletaoye paoshia mah dukayu teitei hinou neletao nou veiloua bailai. Enou avei kilai nasü vupeilai ae veilouyu sü puh hi peilai,” tea Mapao nou paoe.

MIKAH 6:5

Oh avei maitaore, Moab hi Veo Balak nou neletao hi shodo ashi soupeilai tea tsüchoda-a buyu ae Beor nahpoutu Balaam nou puh hi chila peiyu sü lichokhaio. Akasia fühao hinou Gilgal hi kouyu phaki daidai vepa-e touyu khesü lichokhaio. Hai khesü licho louyu phaki neletaoye Mapao nou khailupa peire donou soua baie touyu hai neletao nou süloulai.”

MAIPEI PHOUYU 22:35

Ana rakivamai nanou chila peie, “Mai haitaoye sü koa nou ta-o, ana Enou paoyu likhei sü pao-a baio.” Südonou Balaam nou puletaoye koa tare.

PAODAKHAIYU CHIKHA 23:5

Sükuyuma, Balaam chi sü neletao vei Ramai Mapao nou keinou peimoe; anou chaa sü shiha hi souda thoupeie, daisounou touyuo neletao Ramai Mapao nou neletaoye leshie.

JOSHUA 24:11

Südonou neletao nou Jordan talah loua Jeriko hisü veloue, alia Jeriko hi buyu mainou neletao ye reih souwe, alia Amor mai, Perizz mai, Girgash mai, Hit mai, Kanaan mai, Hiv mai, ae Jebus mai nou neletao ye reih souwe, ana Enou puletao yesü nele bah hi peie.