JOSHUA 23:8 - SHEEYU BAIBEL (BSI)

⁸ Ana neletao nou zhou koute puh hi buyu büa nou, Ramai Mapao ye tyatei-a bulo.

JOSHUA 23:8 Iomraidhean Croise

2 VEMAITO 18:6

Puhnou Mapao hi chilee chechetou teanou bue, ae puh chi hai zümoyu sü soukhai timoe, ana Mapao vei chikhatao puhnou Moses hi peikhai touyu teitei hai soutaosoua nou rei-a hrüe.

SEI-ATAMAI VAHTAO 11:23

Puhnou tavekhaie Ramai vei zhuvea nasü ngaoloua puhsü lesasho loure; alia puletao le teiteinou cheche-a Mapao hinou tobai soumoa buloure donou puhnou puletao hrülaiye soutaosoua süpeie.

PAODAKHAIYU CHIKHA 10:20

Neletao Ramai Mapao ye pi-a puh vah soulo. Puh hinou nghitei-a bulo alia puh zhih hinou neletao chaachou soua bailai.

PAODAKHAIYU CHIKHA 11:22

“Zhou Enou neletao hi pei-a buyu kharochitao - neletao Ramai Mapao ye leshilo, puh vei ludu hinou talo alia puh hinou thaokhai moa nghitei bulo touyu tao hai soutaosoua zütou louyu thaio,

PAODAKHAIYU CHIKHA 13:4

Neletao nou thaifüyu puh sü neletao Ramai Mapao-e alia puhye pi-a tsükhoulo. Puh vei kharochi khesü khailo alia puh chi zülo; puh vah soulo alia puh hinou nghitei-a bulo.

PAODAKHAIYU CHIKHA 13:5

Süthai mah peilaiyu rachipaola mai moa me mu apeio sü southalai, daisounou touyuo neletaoye Ejipt teidei hinou sapa peiyu alia mai qila sou-a hrüyu teidei hinou vupa peiyu neletao Ramai Mapao chi züba nou du-a ko paoe, neletao Ramai Mapao nou kharochi peikhai touyu ludu hinou neletaoye süthaita mah peilai tea teyu vanou. Neletao hrohinou shiyu puhsü popa lailai.

PAODAKHAIYU CHIKHA 4:4

ana zhou koute neletao Ramai Mapao ye lü loucheyu mai sü hria buhie.

PAODAKHAIYU CHIKHA 8:20

Neletao nghoujü hinou Mapao nou tyahrü kukheye souhalaiyu büa, neletao-a neletao Ramai Mapao chi zülou moyu thaio souhalai bailai.

JOSHUA 22:5

Mapao kilai Moses nou neletao hi kharochi peikhai touyu taosü zütoulo: Ne Mapao Ramai ye leshilo, puh jüpa soulo, puh vei kharochi zülo, alia nevei hrümai teitei nou peia nou puh vah sü soukhaio.”

JOSHUA 23:7

Neletao hrohinou shokhai touyu tyahrü kukhe taoye koalou hrüzhoso, mokhai-a puletao Rah zhih-a kuso, moa puletao hi chaachoua souso, mokhai puletao vei vah souso ae puletaoye khurüso.

JOSHUA 23:9

Daiolouzü Mapao nou neletao nghoujü nou dushoyu alia khoushoyu tyahrü taoye hulaipeie; alia neletao nghoujü nou mai linoua zhoukoute veilou mohie.